Juan 4:50 - Tagbanwa

⁵⁰ Timnubag siꞌ si Jesus, “Maski bayan daꞌku na mayat imu, mindek na bay sarut it anak mu.” Namayaꞌ kanya nga lagi it inampang ngayti ni Jesus. Egay beken miyuliꞌ na.

Juan 4:50 Iomraidhean Croise

1 Mga Adiꞌ 17:16

Talagang ega nga matuud naꞌubu-ubus i arina ngayti duꞌut pagbebtangan ya. Atnagay lana ngayti, ega gasiꞌ magkaꞌubu-ubus, subung nat isiyanggup ngayti it AMPUꞌANG DIYUS nga isiyugid ngayti ni Elias.

Mateo 8:13

Pagkatupus ni Jesus it iti nga pagꞌampangen ya, maat yat kapitan ngayti nga magpangabang it kanya, “Ta, in atkayan, daꞌku na mayaꞌ it imut muliꞌ. Kat kadakulat pamayaꞌ mu ngayan, matanggap mu yan i ipagꞌabang mu ngayan it aken.” Gimnayen nga matuud i sarut it taraꞌgen ya ngayti it iti nga uras.

Lucas 17:14

Pagkalteg ni Jesus it kanira, maat ya, “Sigi, paꞌaduꞌun kamu it mga sasirduti ka paꞌeket-eket it kanira.” Ta desang mamagpanaw na sira, sakaliꞌ nga mindek nay mga bangbang nira ngayti.

Juan 11:40

“Daꞌga baꞌ inaat kut imu,” maat ni Jesus, “nga in mamayaꞌ kat aken, maltegan mu in sang unuy kabantugan it Ampuꞌang Diyus?”

Juan 4:49

Temed timnubag i taw ngayti nga maat ya, “Tabiꞌ lamang it imu, parabir matay i anak ku, duꞌun ta na.”

Juan 4:51

Pagꞌaldaw, may nanusmu nat kanya nga mga manigsirbi ya, ka siyugidan nat mindek nay sarut it anak ya. Magayen na kanya.

Hebreo 11:19

Sabap magtetdek kat nakem ni Abraham i pagsarig ya nga maski maat matay na si Isaac, egnen nagat Ampuꞌang Diyus. Baw maski ega naga natabusan ya nga imatayen ka siyabar naga it Ampuꞌang Diyus, kaꞌaat ka talagang subuk nagꞌegen mana si Isaac ngayti.