Juan 4:48 - Tagbanwa

⁴⁸ Inaat kanya ni Jesus, “In daꞌga palan makalteg kamu it mga tandaꞌanan nga kalililuꞌang bagay nga pagbuwaten ku, talagang daꞌkamu magpamayaꞌ.”

Juan 4:48 Iomraidhean Croise

Daniel 4:2

Ireg ku nga ituturan it imyu i mga tandaꞌanan nga mga kalililuꞌang bagay kat pangaꞌgenan ku nga binwat it Ampuꞌang Diyus nga Piyakamataꞌas.

Daniel 6:27

Kanya i Manriribri. Magbuwat kanya it mga kalililuꞌang mga bagay duꞌun it langit baw situt banwa. Kamatuudan, ipiyagribri ya si Daniel kat maꞌiꞌiseg nga mga leon.”

Mateo 16:1

Kaꞌsang aldaw, naꞌaduꞌut ki Jesus i may pirang kataawan nga Pariseo baw Saduceo, ka ireg nirang sukda-sukdanan kanya. Aypaꞌ ka pagꞌangutan nira it tandaꞌanan nga maltegan nira duꞌun it langit nga kariꞌgenan ya.

Mateo 24:24

Sabap dakel talaga yan i mangambuꞌ it Cristo na kanya, baw may manluꞌsut payan nga magpapru-prupitaꞌ. Palteg sira it mga tandaꞌanan baw muwat sira it mga kalililuꞌan nga mga bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

Mateo 27:42

Maamaatan sira, “Magkaparibri yay beken, temed ega magkaribri yay sadili ya nga bilug. Daꞌga baꞌ kanyay Adiꞌ it Israel? In lumampud kanya kayti asan it krus ngayan, simpri mamayaꞌ tami nat kanya.

Marcos 13:22

Sabap talagang may mangambuꞌ na nga maat Cristo na u prupitaꞌ na. Palteg sira it mga tandaꞌanan baw muwat sirat mga kalililuꞌang bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

Lucas 10:18

Katubag si Jesus, maat ya, “Talagang nagpasar kat mata ku i pagꞌulug it ki Satanas nga garing duꞌun it langit. Subung talaga it kilat i kadali-daliꞌ.

Lucas 16:31

Tiyubag siꞌ kanya ni Abraham, nga magꞌaat, ‘In talagang ega pagpakimatuudun niray mga isiyurat ngayti ni Moises baw mga prupitaꞌ gasiꞌ, simpri ega naga mapapamayaꞌ sira it maski esang patay na nga nagꞌegen manat paꞌuliꞌ.’”

Juan 12:37

Maski dakel na nga naltegan it mga katataawan ngayti nga binwat ni Jesus nga mga tandaꞌanan nga kalililuꞌang bagay, ega ga lamang pagpamayaꞌnen nira kanya.

Juan 15:24

In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 2:18

Ta, it atkayti i binwat ni Jesus, iningkut kanya it mga pagbayaꞌen it mga Judio, “Unuy tandaꞌanan nga makapalteg mut amen nga kalililuꞌang bagay, nga kamatuudan it may pudir mu it muwat it atkaytu?”

Juan 20:29

Inaat siꞌ kanya ni Jesus, “Ta, magpamayaꞌ ka na ka naltegan mu na aku. Temed makasagya talaga sira nga magpamayaꞌ maski daꞌsira nakalteg it aken.”

Juan 4:49

Temed timnubag i taw ngayti nga maat ya, “Tabiꞌ lamang it imu, parabir matay i anak ku, duꞌun ta na.”

Mga Binwat 14:3

Temed kimnaꞌlay naga na Pablo duꞌun, nga magpangadal it may pagmaꞌiseg it nakem, pasar it Ampuꞌan. Baw pagtabangen sira it Ampuꞌan nga magkabwat sirat mga tandaꞌanan nga kalililuꞌang mga bagay, nga magpamatuud it kamatuudan talagay ipagpanulduꞌ nira ngayti pasar it ildaw it Ampuꞌang Diyus.

Mga Binwat 15:12

Kat iting mga inampang ni Pedro subuk piyamagtiꞌpekan i kadakel ngayti. Piyagnegan nira nay muꞌsang pagtuturanen na Bernabe, duwa ni Pablo, pasar it mga tandaꞌanan nga kalililuꞌang mga bagay nga binwat it Ampuꞌang Diyus kat alima nira duꞌun it mga banwa it mga taw nga ega Judio nga piyanawan nira.

Mga Binwat 2:19

Baw may ipalteg ku nga mga tandaꞌanan nga kalililuꞌang mga bagay nga maltegan duꞌut langit baw situt banwa. May maltegan nga duguꞌ, apuy baw maꞌpal nga tabuk.

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Mga Binwat 2:43

Dakel nga tandaꞌanan nga kalililuꞌang bagay i magkabwat it mga apustul, aypaꞌ ka muꞌsang katataawan, paggalangen nira it may iꞌlam i Ampuꞌang Diyus.

Mga Binwat 4:30

Itanyag muy guna mu isaꞌun mapagayen namen i mga magsarut baw may mabwat nga mga tandaꞌanan nga kalililuꞌang bagay, kat keseg nagat guna it manigsirbi mu nga si Jesus nga alaid kat muꞌsang kasalaꞌan.”

Mga Binwat 5:12

Kat mga apustul ngayti, dakel i nabwat nira nga tandaꞌanan nga kalililuꞌang bagay kat matat kadakel. Baw talagang urunyun i muꞌsang mga magpamayaꞌ nga mamagtingped aldaw-aldaw duꞌun it paꞌaaten ngayting Portico ni Solomon.

Mga Binwat 6:8

Ta, yan si Esteban ngayti, talagang matanyag duꞌun it kanya i dakulang ildaw baw ega basta-bastang kakayaan nga garing duꞌun it Ampuꞌang Diyus. Kamatuudan, dakel i magkabwat ya nga tandaꞌanan nga kalililuꞌang bagay kat matat kadakel.

Mga Binwat 7:36

Eeꞌ baꞌ, si Moises ngayti i nagpaliꞌwan it kanira duꞌun it Egipto. Dakel i nabwat ya nga tandaꞌanan nga kalililuꞌang bagay duꞌun it Egipto ngayti, baw duꞌun it Madarag nga Dagat, baw kat seledat epat nga pulung taꞌun nga pagpanguꞌnaan ya sira duꞌun it kapupuyangtan nga rugar.

Roma 15:19

Kat ega basta-bastang tabang it Espiritu Santo dakel i nabwat kung kalililuꞌang bagay nga tandaꞌanan it matuud i ipagpanulduꞌ ku. Talagang alalaid nang mga banwa i napangadalan kut Magayen ngaytung Baritaꞌ pasar it Manriribri nga si Cristo. Garing duꞌut Jerusalem simingked duꞌut Ilirico subuk egay naribayan ku nga rugar.

1 Corinto 1:22

Ka iyan mga Judio, mamagꞌangut sira it mga kalililuꞌang bagay nga bilang iyan i kamatuudan it ipagꞌampang. Ta kat mga Griego, mga matꞌed nga pasepsep i pamagtulusun nira.

2 Corinto 12:12

Talagang ipagpamatuud ku nga, iyan asan aku ngayat imyu, natantuwan mi nga, aku, apustul nga matuud sabap it mga tandaꞌanan baw mga kalililuꞌang bagay nga ipagpabwat it Ampuꞌang Diyus it aken. Ipiyasigi ku it muwat i muꞌsa ngaytu nga pagsagkaꞌen ku it magayen i nakem i mga kakuriꞌan nga magꞌabut it aken.

2 Tesalonica 2:9

Mandungwat ngaytu nga Gimpuꞌun it Kasutilan, dakulaꞌ talagay kiyaꞌrutan ya, nga kiyaꞌrutan nga garing duꞌun it ki Satanas. Sumari na kanyat buwat it dakel-dakel na nga kalililuꞌan, nga pamatuud it kakayaan ya nga yanay ipanluku yat katataawan.

Hebreo 2:4

Pati Ampuꞌang Diyus, ipiyagpamatuud ya gasiꞌ i panulduꞌ nira kat dakel-dakel nga mga tandaꞌanan nga kalililuꞌang bagay nga ipiyabwat yat kanira, baw kat mga kakayaan gasiꞌ nga begay it Espiritu Santo kat in siyu-siyu i ireg it Ampuꞌang Diyus ngaytu.