Juan 4:46 - Tagbanwa

⁴⁶ Nagpaꞌuliꞌ naga kanyat sumaꞌup duꞌun it Cana, nga sakep nagat Galilea, nga duꞌun piyabalyu yang irimnun i danum it uꞌnang pagꞌaduꞌun ya. Duꞌut Capernaum, nga esa gasing lansangan nga sakep it Galilea, may esang taw nga mataꞌas i katengdanan ya. Magsarut it maꞌget i anak yang lalaki.

Juan 4:46 Iomraidhean Croise

Mateo 15:22

May nandangep duꞌut ki Jesus nga esang babay nga ega Judio nga taga duꞌun. Pagꞌabut ya, diyadakulaꞌ yang ampang nga magꞌaat, “Ampuꞌan, nga tungtung-inapuꞌ it adiꞌ nga si David, sanguꞌan mu beteꞌ aku! Ka anak ku nga babay, pagpapulpugun it maraꞌe-raꞌet. Talagang magkakuriꞌan na kanya nga banar.”

Mateo 4:13

Inabut ya, duꞌun nagat Nazaret. Takaꞌ ega na timnakenaꞌ duꞌun. Nagpaꞌugad na duꞌut Capernaum. Iti nga lansangan, duꞌun it tambing it Lapnaw it Galilea, baw sakep it nagtepad nga lugtaꞌ nga kabagiꞌan it kuyunan nga mga tungtung-inapuꞌ ni Zabulon baw ni Neftali it tagnaꞌ paꞌ.

Mateo 9:18

Magꞌampang paꞌ si Jesus it iti nga pagꞌampangen ya, may miyabut nga esang pagbayaꞌen it mga Judio. Nanluud kanya duꞌun it sarungaan ni Jesus baw miyampang, nga magꞌaat, “Yapaꞌ bay bugtuꞌ it ginawat anak ku nga babay. Temed pagsisiguruun ku nga basta mayaꞌ ka lamang it aken baw tapalen mu kanya, maꞌgen naga.”

Lucas 4:23

Aypaꞌ ka miyampang si Jesus nga magꞌaat, “Siguru sangpiten mi i sambatan ngayan nga magꞌaat, ‘Manigꞌubaꞌubat, sigi, ubaꞌubaten mu i sadili mu nga bilug.’ Ka aaten mi yat aken nga buwaten ku situt sadili ku nga lansangan i mga nabaritaꞌan mi ngayan nga binwat ku duꞌun it Capernaum.”

Lucas 7:2

May esang Romano duꞌun nga kapitan it sundaluꞌ. May taraꞌgen ya nga talagang pagrarasan ya, nga magsarut it daꞌnay pasubrang eget.

Lucas 8:42

Pagꞌabangen ya si Jesus sabap it paeꞌesa-esa nga anak ya nga babay nga magsasang puluꞌ baw duwa na nga taꞌun i idad, ka egay pasubrang eget it sarut ya. Egay beken, miyayaꞌ si Jesus it kanya, temed daꞌna magkalakad, ka nagdeꞌe-deꞌeten nay taw nga miyayaꞌ nagat kanya.

Juan 2:12

Pagkatiwas it pagsadu ngayti, nagpaCapernaum na Jesus, sang siraan naga it mga alagad ya ngayti, inaꞌ ya baw mga ariꞌ ya. Daꞌsira naga naꞌlay it sang unu duꞌun.

Juan 21:2

Kaꞌsang tingped na Simon Pedro, si Tomas nga panaꞌwag it kanya, Gambar, si Natanael nga taga Cana nga sakep it Galilea, mga anak ni Zebedeo baw duwa paꞌ nga mga alagad,