Juan 4:29 - Tagbanwa

²⁹ “Daliꞌ mi na! Mayaꞌ kamut aken! May taw baꞌ duꞌun nga nakasugid yay kumpur nabwat ku. Barang yanayti i Cristo ngayang isiyanggup.”

Juan 4:29 Iomraidhean Croise

Mateo 12:23

Talagang naliluꞌ i muꞌsa nga nakalteg kayti. Maamaatan sira, “Siguru itu nay isiyanggup it Ampuꞌang Diyus nga limiꞌwan duꞌun it mga tungtung-inapuꞌ it adiꞌ ngayan nga si David.”

Juan 4:25

Maat siꞌ it babay ngayti, “Magkaꞌrutan ku bayan, Agalen, nga paꞌasituy Manriribring Adiꞌ ngayting isiyanggup it Ampuꞌang Diyus, nga Cristo i panaꞌwag. Pagꞌabut ya situ, kanya i paꞌyag it aten it muꞌsa ngaytung mga bagay.”

Juan 4:28

Binwat it babay ngayti, itiyuduꞌ ya nay sasaꞌgeban ya ka naꞌaduꞌun it lansangan. Inaat yay mga katataawan,

Juan 4:30

Pagkagneg nirat pagsugiden it babay ngayti, sang bulyugan sira nga taga lansangan i naꞌaduꞌut ki Jesus ngayti nga duꞌut tabud.

Juan 4:39

Dakel nga mga Samaritano duꞌut iting lansangan i namayaꞌ it ki Jesus, sabap it ipagpamatuud it babay ngayti, nga yanayti maat ya, “Isiyugid yay kumpur nabwat ku.”

Juan 7:26

Kayti, waytu na, magpanulduꞌ na kanya kat kadadaklan, temed ega nagay pagꞌampangen nira nga kuntraꞌ it kanya. Barang magkakilalaan nat mga pagbayaꞌen tami nga kanya nay paꞌaaten ngayang Cristo nga isiyanggup it Ampuꞌang Diyus.

Juan 7:31

Temed dakel naga sira nga magpakimatuud it kanya. Maamaatan sira, “Unu sadaw, in paꞌasitu na ngayan i Cristo ngayang paꞌaaten, makabwat kanya it mga tandaꞌanan nga kalililuꞌang bagay nga subraꞌ paꞌ it magkabwat it itung taw?”

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.