Juan 4:24 - Tagbanwa

²⁴ Ka iyan Ampuꞌang Diyus, purus nakem yan, egay bibilug. Aypaꞌ kaꞌilangan nga sambaen kanya kat nakem baw kamatuudan.”

Juan 4:24 Iomraidhean Croise

Juan 4:23

Temed magꞌaꞌabut nay timpu, kayti na ngaytu, nga iyan mga maratuudan i pagsamba nirat Diyus Amaꞌ, sumamba na sirat tingled i nakem baw uyun kat kamatuudan nga garing duꞌut kanya, sabap itu talagay kaꞌirgan it Amaꞌ kat mga magsamba it kanya.

2 Corinto 1:12

Ituy magbegay it kasagyaan kat nakem namen nga talagang magkatantuwan namen nga, kat tabang it Ampuꞌang Diyus, purus kamatuudan baw kagayenan i adat namen kat muꞌsang taw, subraꞌ na kamu. Ega maat may maraꞌe-raꞌet nga antap it nakem namen, nga subuk pagꞌadaten it taw situt banwa, in daꞌga magpangaꞌgenan kami kat keseg it tabang it Ampuꞌang Diyus nga ipagꞌildaw yat amen.

2 Corinto 3:17

Ampuꞌan nga pagsangpiten kaytu, sang kagina-ginawaan it Espiritu Santo. Baw basta pagsasaruman tami it Espiritu Santo ngaytu nga ipiyapasarum it Ampuꞌan, liꞌwan ta na kat pamegbeg it kasalaꞌan baw pagkaꞌuripen tat pagsunud it mga urdin ni Moises isaꞌun maribri.

Filipos 3:3

Temed yay matuud, ega sira in daꞌga kita i matuud nga mga taawan it Ampuꞌang Diyus. Ka aten nga pagsamba it Ampuꞌang Diyus, kat tabang tu it Espiritu Santo nga magsasarum situt bilug tami. Baw talagang pagsagyaan tami si Cristo Jesus, nga kanya talagay pagsarigan tami, ega maat mga pagbuwaten it taw nga subuk pagsunud it mga urdin.

1 Timoteo 1:17

Aypaꞌ bantugun baw galangen it egay katupusan i Adiꞌ tami nga egay pinꞌunan, egay kaskedan, kanya nga egay kamataynen, nga ega magkaltegan it mata ta. Kanya lamang i Ampuꞌang Diyus, ega nay beken. Kamatuudan tu.

1 Samuel 16:7

Temed maat it AMPUꞌANG DIYUS it kanya, “Ega letganan mu i kalawas ya baw kagayen it tindeg ya. Ega kanya i piniliꞌ ku. Ka aku, ega yay pagletganan ku, pagkinataw, nga subuk imyung mga taw nga pagkinataw i pagletganan. Pamataw i kat taw nga pagletganan temed aken, kat nakem ya i paglilingen ku.”