Juan 4:22 - Tagbanwa

²² Talagang kamu nga mga Samaritano, ega magkakilalaan mi i pagsambaen mi. Temed kami nga mga Judio, magkakilalaan namen i pagsambaen namen, sabap iyan karibriyan, manggaring duꞌun it amen nga bangsa.

Juan 4:22 Iomraidhean Croise

Esdras 4:2

Aypaꞌ ka, binwat it mga kalaban ngayti, naꞌaduꞌun it ki Zorobabel baw duꞌun it mga ginuꞌu it mga kuyunan ngayti ka nagpakiꞌupakat. Maat nira, “Tumabang kami sana it imyu it patindeg it balay it Ampuꞌang Diyus mi. Ka tutal, kami ngaytu, pagsambaen namen gasiꞌ kanya, baw pagꞌantengan namen naga it ipagsamba, garing paꞌ it pagtaban it amen situ ni Esarbadon nga adiꞌ it Asiria.”

Isaias 2:3

Dadaklan talaga i mabut baw maat nira yan, “Daliꞌ kamu na. Tumungul tami duꞌun it mungsuꞌ ngayti it AMPUꞌANG DIYUS, duꞌun it balay nga papagsambaan it kanya, kanya nga Ampuꞌang Diyus ni Jacob, isaꞌun maꞌrutan tami i mga dalan ya, baw maꞌubas ta na nga sumunsun it mga dalan ya ngaytu. Sabap manggaring duꞌun it Sion i mga urdin it AMPUꞌANG DIYUS, baw duꞌun it Jerusalem i garingan it ampang ya.”

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Lucas 24:47

Baw kat ngaran ya, ipangadal kat muꞌsang bangsa, gumaring na situt Jerusalem, nga pasinsiyaen it Ampuꞌang Diyus i kumpur magsinguliꞌ baw indiꞌan na niray kasalaꞌan.

Mga Binwat 17:23

Ka, iyan magpanaw-panaw aku nga magpanleteg-leteg it mga tiyaw-taw nga pagsambaen mi situ, may napsagan ku nga pagsusuratan it magꞌaat, ‘Pabatuꞌ it diyus nga ega paꞌ kilala tami.’ Ta kayti, yanaytuy ipagpangadal ku ngaytut imyu, itiꞌen ngayting Diyus nga maat pagsambaen mi, lamang ega paꞌ magkakilalaan mi.

Mga Binwat 17:30

Iyan tagnaꞌ paꞌ, subuk piyabaya-bayaꞌan it Ampuꞌang Diyus i mga kamaliꞌ it mga taw nga daꞌgay uru-urut pasar it kanya. Temed kayti, ipagsasar yat muꞌsang katataawan, kat paꞌari-aring rugar, nga magsinguliꞌ na sira baw indiꞌan nay muꞌsang kasalaꞌan nira.

Mga Binwat 3:26

Ta, kitay uꞌna-uꞌna nga nakatanggap it ildaw ya ngaytu ka, pagkapatindeg it Ampuꞌang Diyus it manigsirbi ya nga si Jesus, kita nga mga Judio i tiyaꞌgan ya, nga pasinguliꞌen ya kita baw paꞌindiꞌen it mga karaꞌe-raꞌetan nga pamagbuwaten tami.”

Roma 11:18

Takaꞌ gasiꞌ, maski atkayan, ega naga pataꞌas-taꞌas kamut dati ngayting mga sanga nga siyapak. Demdemen mi naga nga ega kamu i magbegay it kaꞌgenan it gamut, in daꞌga mga gamut i magbegay it kaꞌgenan mi.