Juan 4:21 - Tagbanwa

²¹ Tiyubag kanya ni Jesus, maat ya, “Sana Edeꞌ, pamayaꞌnen muy iꞌaat ku ngaytu. Magꞌaꞌabut nay timpu nga sambaen mi i Diyus Amaꞌ it ega lamang situt mungsuꞌ ngaytu u duꞌun it Jerusalem.

Juan 4:21 Iomraidhean Croise

Mateo 18:20

Sabap maski ari nga may magtingped nga maski duwa u tulu lamang nga kataawan nga mga taawan ku, duꞌun aku naga nga iba nira.”

Mateo 28:19

Aypaꞌ buwaten mi, lekpen mi i muꞌsang mga bangsa, nga ipanulduꞌ mit kanira it eꞌres nga panulduꞌ i pasar it Magayeng Baritaꞌ isaꞌun masepsepan nirang banar baw kapasakep it aken it kamatuudan. Bawtisan mi i pasakep ngaytu, kat ngaran it Amaꞌ baw kat Anak baw kat Espiritu Santo.

Lucas 21:24

Dakel i matay it tarep basiꞌ baw iyan beken panabanen nga dakepan kat muꞌsang bangsa. Baw iyan Jerusalem ngaytu, magbaraꞌ na nga subuk tataꞌad-taꞌadan nat mga taw nga ega Judio, ka sira nay mamegbeg situ mintras timpu paꞌ nira nga ipiyabetang-betang it Ampuꞌang Diyus.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 16:2

Siguradu yang awaꞌen i pagkaJudio mi. Mabut i timpu nga in siyu-siyuy mimatay it imyu, kat pasepsep ya, tanud ya magayeng ipagsirbi duꞌun it Ampuꞌang Diyus i pagbuwaten ya ngayti.

Juan 16:32

Temed ta, mabut yan i uras, kayti na ngaytu, nga matari-tariwanak kamu. Manganya-kanya kamu nayan it uliꞌ duꞌut kanyang pagꞌiꞌistaran. Tananan mi nayan aku. Takaꞌ ega naga yan kaꞌesa-esa aku ka iba ku nagay Amaꞌ ku.

Juan 4:23

Temed magꞌaꞌabut nay timpu, kayti na ngaytu, nga iyan mga maratuudan i pagsamba nirat Diyus Amaꞌ, sumamba na sirat tingled i nakem baw uyun kat kamatuudan nga garing duꞌut kanya, sabap itu talagay kaꞌirgan it Amaꞌ kat mga magsamba it kanya.

Juan 5:25

Ituy kamatuudan, mabut i timpu, kayti na ngaytu, nga magnegan it mga sakep it kamataynen i gaꞌmaran it Anak it Ampuꞌang Diyus, baw iyan nga pagneg baw sumunud, magꞌegen.

Juan 5:28

Ega maliluꞌan mi tu, sabap mabut talagay timpu nga magnegan it mga miyatay, nga maglelbeng na, i gaꞌmaran ya.

Mga Binwat 6:14

Ka”, maat nira, “nagnegan nameng ipagsugid ya nga, kunuꞌ, si Jesus ngayting Nazaretanen, ranggaꞌen yay Templo ngaytu baw gantiyan yay mga kaꞌugaliꞌan nga ipiyasubli ni Moises it aten.”

Efeso 2:18

Ka sabap it ki Cristo ngaytu, surubung tami na kayti nga pagtanggapen it Diyus Amaꞌ in magpatpad tami duꞌun it kanya kat tabang it Espiritu Santo nga magsasarum situt bilug tami nga muꞌsa.

Efeso 3:14

Aypaꞌ, sabap it ega basta-basta ngaytung ildaw it Ampuꞌang Diyus nga Amaꞌ tami, talagang ipagpanluud ku na duꞌun it kanya,

1 Timoteo 2:8

Ireg ku sana, mga lalaki duꞌun it kada rugar nga pagtiꞌmesan it mga magpamayaꞌ, magpanalangin sira nga pirmi. Temed kaꞌilangan nga uyun kat kaꞌirgan it Ampuꞌang Diyus i pangaꞌgenan nira, nga egay pagꞌiseg-isegen u daꞌe-daꞌegen.

1 Pedro 1:17

Magayen pagdedemdemen mi nga Ampuꞌang Diyus ngaytu nga pagtaꞌwagen mi nga Amaꞌ, betanganan yat ukuman i muꞌsa, uyun kat mga binwatan nira. Egaytuy pagbidaꞌen ya. Aypaꞌ kaꞌilangan nga galangen mi kanyat may iꞌlam, mintras situ kamu pat sinirungat langit.

Mga Ipiyalteg 21:22

Namuyaan ku nga egay Templo duꞌun it siyudad ngayti, sabap Ampuꞌang Diyus nga landaw nga gunaan baw paꞌaaten ngaytung Uꞌuybun It Tupa, duꞌun na nga pirmi, aypaꞌ ka duꞌun nat adapan nira i pagsambaan. Ega na kaꞌilangan nga muwat paꞌ it papagsambaan.