Juan 4:19 - Tagbanwa

¹⁹ Maat i babay ngayti, “Agalen, prupitaꞌ ka baytu palan!

Juan 4:19 Iomraidhean Croise

2 Mga Adiꞌ 5:26

“Aaꞌ,” maat ni Eliseo, “ega kataguꞌ mut aken, sabap paglampud ni Naaman duꞌun it pagsasakayan ya nga simnusmut imu, subuk naltegan ku kat nakem ku. Kamaliꞌ yan i binwat mu ngayan nga miyangut kat pirak. Ega yay pagsarungaen ta, kupagmanggad. Siguru imu, yay dakulaꞌ kat pikir mu, pagpakay, kupaglugtaꞌ, kupagꞌayep baw kapisiꞌ it mga uripen.

2 Mga Adiꞌ 6:12

Katubag i sang kataawan, “Ta ega bayan, kagalang-galang nga Adiꞌ, i maat may magliplip duꞌun it sumugid. Takaꞌ yay matuud, muꞌsang pagꞌampangen mu, maski duꞌun kat irigaꞌan mu magꞌampang, subuk pagkaya-kayapen nga muꞌsa duꞌun it prupitaꞌ ngaytit Israel nga si Eliseo. Ta kanya nay magsugid duꞌun it adiꞌ nira ngayti.”

Mateo 21:11

Tumubag i kadakel ngayti nga mamagbayaꞌ it ki Jesus, “Bilaꞌ, si Jesus ngayan bang prupitaꞌ nga taga Nazaret nga sakep it Galilea.”

Lucas 24:19

“Unu makang mga bagay?” maat i ingkut ni Jesus. Katubag i duwa ngayti, “Iyan baꞌ, pasar ngayan it ki Jesus nga taga Nazaret. Esa kanya nga prupitaꞌ, nga ega babasta-bastaen kat buwat baw kat pangangampangan ya kat panleteg it Ampuꞌang Diyus baw kat muꞌsang mga taw gasiꞌ.

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Lucas 7:39

Pagkalteg it Pariseo ngayti nga minimbitar it ki Jesus, maat i kat nakem ya, “In talagang prupitaꞌ i itung taw, simpri magkaꞌrutan ya in unu nga kalasit babay i magtapa-tapal ngaytut kanya, ka babay tu nga makasalaꞌan.”

Juan 4:18

Sabap lima nang kalalakiyan i nakaꞌasawa it imu. Ta, yan kayti, lalaki mu lamang, ega asawa mu. Matuud yan i inaat mu ngayan.”

Juan 4:29

“Daliꞌ mi na! Mayaꞌ kamut aken! May taw baꞌ duꞌun nga nakasugid yay kumpur nabwat ku. Barang yanayti i Cristo ngayang isiyanggup.”

Juan 6:14

Pagkalteg it kadakel it tandaꞌanan ngayting kalililuꞌan nga binwat ni Jesus, maamaatan sira, “Siguru itu nay Prupitaꞌ ngayan nga mabut situt banwa.”

Juan 7:40

Iyan beken, pagkagneg nirat iti nga inaat ni Jesus, maat nira, “Talagang egaytuy belag, Prupitaꞌ na ngayan.”

Juan 9:17

Aypaꞌ ka siyumarya nira sit sumaꞌup i taw ngayting beleg. “Ta ikaw,” maat nira, “it magkalteg ka na sabap, maat mu, piyagayen ka ni Jesus ngayti, ta, unuy masugid mu pasar it kanya?” “Aaꞌ,” maat i tubag ya, “esa bayan kanyang prupitaꞌ.”

Deuteronomio 18:15

Ka may ipatindeg it AMPUꞌANG DIYUS kat mga kabilug mi nga esang prupitaꞌ nga subung nagat aken. Kaꞌilangan pagnegan mi kanyat magayen.