Juan 4:14 - Tagbanwa

¹⁴ Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 4:14 Iomraidhean Croise

Isaias 55:1

Magtaꞌwag i AMPUꞌANG DIYUS, “Daliꞌ mi na! Wayni i danum, in siyu-siyuy pagbaꞌnekan. Kamu nga egay pangangalang, daliꞌ mi na! Misiꞌ kamu it pagꞌimnun nga letes it ubas baw gatas ngayni. Misiꞌ kamu maski egay ibayad, sabap egaytu kaꞌman bayadan.

Isaias 58:11

Baw aku nga AMPUꞌANG DIYUS, magpanguꞌna aku nayan nga pirmi it imyu. Maski magkakuriꞌan i banwa ka naꞌlay nang ega tindag it uran, pabastantiyan ku kamu it muꞌsang mga pagkaꞌilanganen mi. Pakulaꞌsiyen ku i mga bilug mi. Talagang makasbung kamu it kalulwakan nga pagpabastantiyan it buꞌbuꞌ it danum. Makasbung kamu it tumbud nga ega magkapra.

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Mateo 5:6

Magkasagya i mga talagang kubwat nga pirmi it kaꞌirgan it Ampuꞌang Diyus, sabap talagang ibgay ya it kanira nga mabwat nira.

Juan 10:10

Iyan inaat ku nga bilang mananakaw, egay beken nga pagꞌengden ya, kutakaw, kuꞌimatay baw manranggaꞌ. Temed aku, naꞌasitu aku isaꞌun iyan mga bilang tupa ku, mabgayan ku it kaꞌgenan, baw kaꞌgenan nga ibgay ku, talagang ega basta-basta.”

Juan 11:26

Baw in siyu nga kamatuudan i pamayaꞌ yat aken baw magpangaꞌgenan uyun it pamayaꞌ ya ngaytu, may kaꞌgenan ya talaga nga egay kaskedan. Ta unu, pagpamayaꞌnen muytu?”

Juan 4:10

Mampang siꞌ si Jesus, maat yat babay ngayti, “In beteꞌ naꞌrutan mu lamang in magꞌuꞌunuy kadakulat ildaw nga ibgay it Ampuꞌang Diyus, baw in nakilalaan mu na in siyuy magꞌaat ngaytut imu, ‘Paꞌimnun aku,’ ikaw nay mangut situt aken isaꞌun mabgayan ka it egen nga danum nga magkabgay it kaꞌgenan.”

Juan 4:11

Pagkagneg it babay ngayti, maat ya, “Agalen, ararem bay tabud ngaytu, baw subuk egay sasaklut mu. Ta ariyen yan i mapisiꞌan mut egen ngayan nga danum?

Juan 4:13

Mampang siꞌ si Jesus, maat ya, “Iyan magꞌinum it itung danum, kumuꞌinum nagat sumaꞌup.

Juan 4:36

Aypaꞌ magayen in papuꞌun kamu na kayti it kumayeg. Nakasiguru talaga i ibgay it Ampuꞌang Diyus nga tumbas kat mga binwatan mi, nga papamayaꞌnen mit aken i mga taw isaꞌun makanira i kaꞌgenan nga egay kaskedan. Talagang ega basta-bastay kasagya it iyan manigkayeg, atnaga i nanguma.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:35

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

Juan 6:58

Sabap aku na ngaytu i matuud nga pangaꞌen nga garing duꞌut langit. Kayti, in siyu-siyuy kumaꞌen it itu nga pangaꞌen, may kaꞌgenan ya nga egay kaskedan. Ega matay nga subung it mga kagiyaringanan mi, maski maat nakakaꞌen na sira it manna ngayting pangaꞌen nga gimnaring duꞌut langit.”

Juan 7:37

Iyan kiyaꞌpusang aldaw nga kamataan it pistaꞌ, timnindeg si Jesus baw nanggaꞌmaran it dadakulaꞌ, nga magꞌaat, “Patpad sinit aken i kumpur pagbaꞌnekan ka minum.

Roma 5:21

Aypaꞌ, maski nandaꞌeg i kasalaꞌan ngaytu nga liꞌwan ya kamataynen, diyaꞌeg naytut ildaw it Ampuꞌang Diyus. Ildaw na ngaytuy magpandaꞌeg ka, sabap it binwat it Ampuꞌan ta nga si Jesu-Cristo, mapakay na nga tumaldeng nay taw kat panleteg it Ampuꞌang Diyus baw mabgayan it kaꞌgenang egay kaskedan.

Roma 6:23

Sabap maꞌyag nga kamataynen nga egay kaskedang panriga i liꞌwan it kasalaꞌan ngaytu. Temed maꞌyag gasiꞌ nga kaꞌgenang egay kaskedan i ipagꞌildaw ngaytut Ampuꞌang Diyus kat muꞌsang taw nga maglalagpit nat ki Cristo Jesus nga Ampuꞌan tami.

2 Corinto 1:22

Piyapasaruman ya paꞌ kita it Espiritu Santo nga yay bilang markaꞌ yat aten, nga imandaꞌan it talagang mga taawan ya na kita. Baw Espiritu Santo ngaytu i ipiyauꞌna it Ampuꞌang Diyus isaꞌun masiguru tami nga mabut i aldaw nga kumplituun ya i kagayenan nga magꞌaꞌareg it aten.

Efeso 4:30

Paꞌalaidan mi na i maski unu nga buwat nga magkasmekan it Espiritu Santo nga ipiyapasarum it Ampuꞌang Diyus kat bilug mi, kanya nga pagpangaranat Santo ka alaid kanya kat muꞌsang kasalaꞌan. Dedemdemen mi nga Espiritu Santo ngaytu i subuk markaꞌ it Ampuꞌang Diyus it imyu nga kariꞌgenan mi it, kamu, maribri kat panriga ya sabap it kasalaꞌan mi in maꞌbut nay ipiyagtirminu nga aldaw.

1 Pedro 1:22

Ta kayti, kat pamayaꞌ mi it kamatuudan ngaytung Magayeng Baritaꞌ, bilang nanlimpiyuꞌ kamu na. Ka naꞌawaꞌ nay kasalaꞌan mi, iyan nagpasakep kamu na it ki Cristo. Aypaꞌ mapakay na nga kamatuudan nay raras mi it esa may esa nga subung it sang sulsugan. Aypaꞌ tingleden mi talagay nakem mi kat kamatuudang raras it esa may esa nga ega desang awam.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.

Mga Ipiyalteg 7:16

Daꞌna yan sira makabatit getem baw kuꞌinum. Daꞌna kaꞌilangan nga pablad paꞌ sira it init it aldaw u makuriꞌan sira it maski unu paꞌ nga maꞌinit.

Mga Ipiyalteg 7:17

Sabap kanya ngaytung paꞌaaten nga Uꞌuybun It Tupa nga situt tepad it araꞌdungan ngaytut adiꞌ, kanya ngaytuy marigra nat kanira. Talagang tabanen ya na sira duꞌun it pagtumbudan it danum nga magbegay it kaꞌgenan. Baw daꞌnay tumuruꞌ nga luwaꞌ kat mga mata nira ka subuk panisen nat Ampuꞌang Diyus, ka awaꞌen ya nay kasmek nira.”