Juan 3:8 - Tagbanwa

⁸ Dedemdemen muytu. Magꞌeyep i deres maski ari ireg ya. Magkagnegan tay agusꞌus baw magkaltegan tay kuliꞌget it mga bagay nga pagpesagen ya, bilang katandaꞌ it sebeg ya. Temed ega magkaltegan tay deres ngaytu. Ega magkaꞌrutan ta in magpaꞌunu baw in ari paggaringan ya. Ta, atkayan naga in may ipanganak it Espiritu Santo. Ka buwat it Espiritu Santo, subung nagat buwat it deres. Ega magkabegbegan tami baw ega magkaltegan ta. Magkaltegan ta lamang i mga adat nga nabaꞌgu ya duꞌut taw nga ipiyanganak it sumaꞌup.”

Juan 3:8 Iomraidhean Croise

Juan 1:13

Ega maat naꞌanak sirat Ampuꞌang Diyus sabap it ipiyanganak ya sira nga subung it panganak it taw u sabap it adat u kaꞌirgan it nagꞌasawa, in daꞌga naꞌanak sira kat kaꞌirgan it Ampuꞌang Diyus.

Juan 3:7

Aypaꞌ ayaw kat kaliluꞌ it pagꞌaaten ku ngaytut imu nga kaꞌilangan ipanganak kamut sumaꞌup.

Juan 3:9

Iningkut siꞌ ni Nicodemo, maat ya, “Tabing galang it imu, magꞌuꞌunu mabwat i atkayan?”

Mga Binwat 2:2

Sakaliꞌ nga may nagnegan nira nga tingeg nga garing duꞌut langit, nga subung it agusꞌus it masbeg nga deres, baw siyakep talaga it tingeg ngayti i balay nga piyagtingpedan nira.

Mga Binwat 4:31

Desang natupus i panalangin nira, yimnegyeg i piyagtingpedan nira ngayti. Baw muꞌsa sira, piyakseg nga matuud it Espiritu Santo nga magsasarum duꞌut kanira, nga subrang nagmaꞌiseg i nakem nira kat panuturan it ampang it Ampuꞌang Diyus.

1 Corinto 12:11

Temed ta, yanayan, esa-esa lamang tu i Espiritu Santo nga magpamgay it muꞌsa ngaytu baw magpamagiꞌ-bagiꞌ it namelag-belagen ngaytung kakayaan uyun kat pabetang-betang ya.

1 Corinto 2:11

Ka in taw lamang, siyuy magkaꞌrut in unuy pagpikiren it subung ya nga taw, u in unu talagay kat nakem ya? Sadili tang nakem lamang i magkaꞌrut. Ta atkayan naga, Espiritu Santo lamang ngaytu i magkaꞌrut it muꞌsang pabetang-betang it Ampuꞌang Diyus.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.