Juan 3:7 - Tagbanwa

⁷ Aypaꞌ ayaw kat kaliluꞌ it pagꞌaaten ku ngaytut imu nga kaꞌilangan ipanganak kamut sumaꞌup.

Juan 3:7 Iomraidhean Croise

Juan 3:12

It daꞌga pagpamayaꞌnen mi i mga isiyugid ku ngaytung mga bagay nga magkatantuwan mi situt sinirungat langit, magꞌuꞌunu mi pamayaꞌnen in may isugid kut imyu sabap it in maꞌunu i duꞌut langit baw mga pagbuwaten duꞌun?

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 3:6

Sabap iyan ipiyanganak it taw, taw naga yan nga uripen pat kasalaꞌan. Temed iyan ipiyanganak it sumaꞌup, ka ipiyanganak nat Espiritu Santo, ribri na kat magpanguripen ngayti.

Juan 3:8

Dedemdemen muytu. Magꞌeyep i deres maski ari ireg ya. Magkagnegan tay agusꞌus baw magkaltegan tay kuliꞌget it mga bagay nga pagpesagen ya, bilang katandaꞌ it sebeg ya. Temed ega magkaltegan tay deres ngaytu. Ega magkaꞌrutan ta in magpaꞌunu baw in ari paggaringan ya. Ta, atkayan naga in may ipanganak it Espiritu Santo. Ka buwat it Espiritu Santo, subung nagat buwat it deres. Ega magkabegbegan tami baw ega magkaltegan ta. Magkaltegan ta lamang i mga adat nga nabaꞌgu ya duꞌut taw nga ipiyanganak it sumaꞌup.”

Juan 5:28

Ega maliluꞌan mi tu, sabap mabut talagay timpu nga magnegan it mga miyatay, nga maglelbeng na, i gaꞌmaran ya.

Colosas 1:12

Baw masasagya kamu nga magpasalamat nga pirmi duꞌut Diyus Amaꞌ. Ka kamu gasiꞌ, binwat ya nga mapakay nga bagiꞌan it mga magagayeng bagay nga areg ya it muꞌsang piniliꞌ baw ipiyapinpin ya nga mga taawan ya na, sira nga magpangaꞌgenan na kat kaꞌyagan ya.

Hebreo 12:14

Kaꞌilangan paꞌresan mi i pagꞌurunyun nga kat ikaꞌimbeng it pakiꞌiba-iba mi it masigkataw mi, baw paꞌalaidan mi na i kasalaꞌan. Sabap mga maꞌiꞌireg it kasalaꞌan, daꞌsira makapasagpun duꞌun it Ampuꞌan kat pagdadarapaꞌen.

1 Pedro 1:22

Ta kayti, kat pamayaꞌ mi it kamatuudan ngaytung Magayeng Baritaꞌ, bilang nanlimpiyuꞌ kamu na. Ka naꞌawaꞌ nay kasalaꞌan mi, iyan nagpasakep kamu na it ki Cristo. Aypaꞌ mapakay na nga kamatuudan nay raras mi it esa may esa nga subung it sang sulsugan. Aypaꞌ tingleden mi talagay nakem mi kat kamatuudang raras it esa may esa nga ega desang awam.

Mga Ipiyalteg 21:27

Temed talagang ega makasled duꞌun i maski unu nga maraꞌway kat panleteg it Ampuꞌang Diyus, maski siyu nga magbuwat it kaꞌeyaꞌ-eyaꞌ u maski siyu nga maꞌambut, in daꞌga iyan lamang magsusurat i ngaran duꞌun it pagsuratat kumpur mabgayan it kaꞌgenan nga egay kaskedan, nga kasuratan ngaytu pagꞌaꞌarigraen it paꞌaaten ngaytung Uꞌuybun It Tupa.