Juan 3:4 - Tagbanwa

⁴ Iningkut ni Nicodemo, “Magꞌuꞌunu ipanganak it sumaꞌup i esang taw nga gurang na? Unu, makasled paꞌ it sumaꞌup duꞌun it panganganakan it inaꞌ ya bawnga ipanganak siꞌ?”

Juan 3:4 Iomraidhean Croise

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 3:5

Timnubag si Jesus, “Kamatuudan tuy iꞌaat ku ngaytut imu. Egay makaꞌuyut duꞌun it kaꞌadiꞌan it Ampuꞌang Diyus in daꞌga kanya lamang nga ipiyanganak it danum baw Espiritu Santo.

Juan 6:53

Aypaꞌ ka inaat sira ni Jesus, “Kamatuudan tuy iꞌaat ku ngaytut imyu. Magpuyrat makaꞌen mi i isi it Taga Langit nga Ipiyanganak it Taw baw maꞌinum mi i duguꞌ ya, talagang ega maꞌimyu i matuud nga kaꞌgenan.

Juan 6:60

Pagkagneg it mga pagtulduꞌan ngayti ni Jesus, dakel na sirang miyaat, “Mabeꞌgat naytu nga mga sugi-sugid i ituꞌun. Siyuy makatangeꞌ kaytu?”

1 Corinto 1:18

Sabap kamataynen ngaytu ni Cristo nga ipagpangadal ku, subuk egay kakapulusan kat pasepsep it mga taw nga egay beken nga pagꞌabutun nira in daꞌga kamatayneng panriga nga egay kaskedan. Temed kita nga ipagribri nat Ampuꞌang Diyus, pagkilalaen tami nga kat kamataynen ngaytu ni Cristo i guna it Ampuꞌang Diyus kat ikaribri it taw.

1 Corinto 2:14

Takaꞌ iyan mga taw nga ega paꞌ nabaꞌgu it Espiritu Santo i nakem nira, ega pagtanggapen nira i mga panulduꞌ nga magpanggaring duꞌut Espiritu Santo ngaytu it Ampuꞌang Diyus. Ka pagꞌaaten ga nira nga kaꞌengel-engelan lamang. Talagang ega magkasepsepan nira, sabap, mga bagay ngaytu, masepsepan lamang kat tabang it Espiritu Santo.