Juan 3:36 - Tagbanwa

³⁶ Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Juan 3:36 Iomraidhean Croise

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Marcos 16:16

Siyu-siyu nga pakimatuud baw mamayaꞌ baw pabawtis, siguradu yan nga maribri. Temed in siyuy ega mamayaꞌ, siguradu yan nga ukumanan it panriga.

Lucas 2:30

Ka naltegan nat duwang mata ku i siyarigan mu nga Manriribri,

Lucas 3:6

Talagang maltegan it muꞌsang taw i panribri it Ampuꞌang Diyus.’”

Juan 1:12

Temed may mga taw nagang namayaꞌ baw simnarig it kanya. Sira ngaytu, binggayan ya sirat pudir nga makapabetang sira nga mga anak it Ampuꞌang Diyus.

Juan 10:28

Pagbegayan ku sira it kaꞌgenan nga egay kaskedan baw seked it kaꞌnu-kaꞌnu daꞌsira maꞌilang. Baw daꞌsira maꞌagaw it maski siyu situt aken.

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 4:36

Aypaꞌ magayen in papuꞌun kamu na kayti it kumayeg. Nakasiguru talaga i ibgay it Ampuꞌang Diyus nga tumbas kat mga binwatan mi, nga papamayaꞌnen mit aken i mga taw isaꞌun makanira i kaꞌgenan nga egay kaskedan. Talagang ega basta-bastay kasagya it iyan manigkayeg, atnaga i nanguma.

Juan 5:24

Talagang matuud tuy itu nga ipagꞌaat kut imyu. Iyan magpagneg it mga pagꞌampangen ku baw magpamayaꞌ it nagtaꞌeg ngaytit aken, iyan i may kaꞌgenan nga egay kaskedan. Ega na ukumanan kanya it mabeꞌgat. Imbis nga panriga nga kamataynen, siguradung may magꞌaꞌareg nat kanya nga kaꞌgenan nga egay kaskedan.

Juan 6:58

Sabap aku na ngaytu i matuud nga pangaꞌen nga garing duꞌut langit. Kayti, in siyu-siyuy kumaꞌen it itu nga pangaꞌen, may kaꞌgenan ya nga egay kaskedan. Ega matay nga subung it mga kagiyaringanan mi, maski maat nakakaꞌen na sira it manna ngayting pangaꞌen nga gimnaring duꞌut langit.”

Juan 8:51

Kamatuudan tuy pagꞌaaten ku ngaytu, nga in siyu-siyu nga magpangaꞌgenan uyun kat mga ipagtulduꞌ ku ngaytu, ega na labayen yay kamataynen.”

Mga Binwat 14:2

Temed ta, yan mga Judio nga ega kupamayaꞌ, piyaꞌulu-uluwan niray mga ega Judio nga beken, nga isgan na nira i mga namayaꞌ ngayti.

Roma 4:15

Talagang, mga urdin ngaytu, ega ikapisiꞌ it ildaw in daꞌga panriga sabap pirmi nga pagranggaꞌen it muꞌsang taw. Iyan lamang i egay magkaranggaꞌ nga urdin, in beteꞌ egay urdin.

Roma 5:9

Ta it kayti, timnaldeng tami na kat panleteg it Ampuꞌang Diyus sabap it pamayaꞌ baw pagsarig tat timnuruꞌ ngayti nga duguꞌ ni Cristo, ta, sabap nagat binwat ngaytu ni Cristo, siguradu nang maribri ta gasiꞌ kat panriga it Ampuꞌang Diyus sabap it mga kasalaꞌan tami.

Roma 8:1

Temed kayti, ituy kamatuudan nga iyan mga maglalagpit nat ki Cristo Jesus, nga magpasakep nat kanya, talagang ega na maꞌulug kat maski unu nga ukuman nga panriga.

Galacia 3:10

Takaꞌ iyan muꞌsa nga pagsunud nirat mga urdin kat rilihiyun it mga Judio i pagpaꞌresan nira isaꞌun maribri, pagsasakpan sirat panriga it Ampuꞌang Diyus. Sabap magbebtang duꞌun it kasuratan nga magꞌaat, “Siguradung rigaen it Ampuꞌang Diyus i ega magsunud it kaꞌustuꞌan it muꞌsang mga urdin nga magbebtang situt kasuratan ngaytu.”

Efeso 5:6

Baw in siyu-siyu asat imyu i magsugid nga ega naga kamaliꞌ i atkaytung pagbuwaten, ega pakimatuudun mi, ka egay matuud it ampang nira ngayan. Yay matuud, muꞌsang magbuwat it mga itu ngaytung nasangpit ku, siguradu talaga nga abutun it iseg it Ampuꞌang Diyus.

1 Tesalonica 1:10

Maat paꞌ nira, pagꞌelaten mit maseked-seked i pamaꞌuliꞌ it Anak ya nga si Jesus, kanya ngaytu nga inggen ya it paꞌuliꞌ. Paꞌuliꞌ kanya nga matuud nga garing duꞌun it langit, baw sabap it panribri ya it aten, ega na malabayan tami i magꞌaꞌabut nga iseg it Ampuꞌang Diyus.

1 Tesalonica 5:9

Sabap ega iyan i piniliꞌan it Ampuꞌang Diyus it aten, isaꞌun rigaen ya, in daꞌga, isaꞌun matanggap tami i karibriyan nga maꞌaten sabap it Ampuꞌan tami nga si Jesu-Cristo.

Hebreo 10:29

Ta in atkayan, subraꞌ nga mabeꞌgat i pagꞌangutun nga panriga it taw nga gimniꞌek-giꞌek lamang it Anak it Ampuꞌang Diyus, baw dimniyampaꞌ it Espiritu Santo nga nagpanakem it kanya sabap it ildaw it Ampuꞌang Diyus. Talagang dakulay turubagen ya ka biyaliwalaꞌ yay ega basta-bastang duguꞌ nga keseg it pakiꞌupakat it Ampuꞌang Diyus it kanya, nga iyan i ikalimpiyuꞌ it kanya kat kasalaꞌan ya.

Hebreo 2:3

Ta, in atkayan, siguradung daꞌtami makapalagyu in baliwalaꞌen tami paꞌ i karibriyan ngaytung ega basta-basta. Ampuꞌan nga si Jesus i uꞌnang nagpaꞌyag it karibriyan ngaytu bawnga, iyan mga nakagneg it kanya, ipiyagpamatuud nira gasit aten.

Hebreo 3:18

Baw ta, siyu gasiꞌ i pagpaꞌiguꞌan ya it isiyumpa ya ngaytu nga magꞌaat, “Talagang daꞌsira makapapaꞌna kat pudir ku duꞌun it rugar ngayti nga isiyanggup kut kanira”? Daꞌga sira ngayti nga ega namagsunud it mga ampang ya i pagpaꞌiguꞌan?

Hebreo 3:19

Aypaꞌ kayti magkaꞌrutan tami na nga daꞌsira nakasled duꞌun it rugar ngayti nga isiyanggup it kanira sabap it lamwat sirang ega magpamayaꞌ it Ampuꞌang Diyus.

Mga Ipiyalteg 21:8

Temed ta, talagang makuriꞌ nga banar i mabetangan it iyan magꞌiꞌlam mamayaꞌ, mga nangindiꞌ it pamayaꞌ, mga nagpasaga-saga it mga maraꞌway nga pagbuwaten, mga mangingimatay it masigkataw, mga mapiyamakun duꞌun it ega asawa nira, mga may kepetan nga pananamayaꞌ, mga magsirbi it diwata u maski unu nga ganti nirat Ampuꞌang Diyus, baw muꞌsa nga maꞌaꞌambut. Sira ngaytung muꞌsa, egay pagduwa-duwa nga italpak duꞌun it maglalapnaw nga magsugu nga asupri, nga iti nay paꞌaaten nga ikadwang kamataynen.”