Juan 3:35 - Tagbanwa

³⁵ Pagmaꞌalen nga banar it Amaꞌ i Anak. Baw ipiyaꞌalima ya it kanya i muꞌsa nga mga bagay.

Juan 3:35 Iomraidhean Croise

Genesis 41:44

Maat i paꞌugdun it adiꞌ ngayti it ki Jose, “Sabagay aku i adiꞌ, temed egay mapakay nga buwaten it mga taw kat muꞌsang Egipto, u panawun nira, in daꞌga manggaring asat imu baw magkapakay mu.”

Genesis 41:55

Iyan magkakuriꞌan nat pangaꞌen i muꞌsang katataawan duꞌut Egipto ngayti, nangabang sira duꞌut adiꞌ nira ngayti. Yay ipagtubag it adiꞌ it mga taga Egipto ngayti, maat ya, “Paꞌaduꞌun kamu it ki Jose. In unuy aaten ya it imyu, iyan i buwaten mi.”

Isaias 42:1

Maat it Ampuꞌang Diyus, “Waytu na i manigsirbi ku nga pagtabangen ku. Piniliꞌ ku kanya baw pagsagyaan ku kanya nga banar. Piyapasaruman ku kanya it Espiritu Santo ku baw kamatuudan nga kataldengan i ipapanaw ya kat muꞌsang mga bangsa.

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 28:18

Inlep sira ni Jesus baw maat yat kanira, “Ibinggay nat aken i kapuꞌsaan it pudir duꞌun it langit baw situt banwa.

Mateo 3:17

Dengan it may ampang nga duꞌut langit i garing, nga magꞌaat, “Itu i pagmaꞌa-maꞌalen ku nga Anak nga talagang kasasagyaan ku.”

Lucas 10:22

Bawnga inaat ni Jesus i kadakel ngayti, nga maat ya, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.”

Juan 13:3

Urut talaga ni Jesus nga ibinggay nat kanya it Amaꞌ i muꞌsang pudir. Baw urut ya nga kanya, egay beken nga giyaringan ya, duꞌun it Ampuꞌang Diyus, baw duꞌun nagat Ampuꞌang Diyus i uliꞌan ya.

Juan 15:9

In magꞌuꞌunu pagmaꞌalen aku it Amaꞌ ku, atkayan nagay pagmaꞌal kut imyu. Teꞌteꞌan mi aku isaꞌun magkamuyaan mi nga pirmi i pagmaꞌal kut imyu.

Juan 17:2

Subung nagat pagbegay mut aken it pagsakep it muꞌsang taw kat sinirungat langit, isaꞌun begayan kut kaꞌgenang egay kaskedan i muꞌsang ibinggay mut aken.

Juan 17:23

nga aku baw sira, ega nay beblagan sabap it pasarum duꞌut kanira nga Espiritu Santo, ka ikaw baw aku, sang kagina-ginawaan ta lamang. Sana buwaten mu sira nga magꞌuyun-uyunun nga banar, ka sikaytu makilalaan it mga katataawan ngayni nga ikaw i nagtaꞌeg it aken, baw sira pagmaꞌalen mu, subung gasiꞌ it pagmaꞌal mut aken.

Juan 17:26

Ipiyakilala ku na ikaw sinit kanira baw tamaran ku pay pakilala ngaytu isaꞌun, in magꞌuꞌunu pagmaꞌalen mu aku, atkayan nagay pagmaꞌal nira. Baw beken, isaꞌun aku nagay kaꞌibaan nirang pirmi kat Espiritu Santo nga pasarum duꞌut kanira.”

Juan 5:20

Sabap talagang pagmaꞌalen it Amaꞌ i Anak. Aypaꞌ ipagpalteg yat kanya i muꞌsa nga pagbuwaten ya. May mataꞌas paꞌ sikayan nga mga pagbuwaten nga ipalteg it Amaꞌ nga buwaten nat Anak isaꞌun maliluꞌ kamu.

Juan 5:22

Talagang ega mukuman it maski siyu i Amaꞌ. Ibinggay ya it Anak ya i pudir nga yay mangukuman,

1 Corinto 15:27

Sabap inaat naga duꞌun it isiyurat nga ampang it Ampuꞌang Diyus nga, muꞌsa nga mga bagay, binwat ya nga gigiꞌek-giꞌeken mana it Manriribri, ka diyaꞌeg ya na. Temed kat ampang ngaytu nga “muꞌsa nga mga bagay,” egaytu maat uyut i Ampuꞌang Diyus, ka kanya i nagpabetang-betang nga pamegbegan ni Cristo i muꞌsa ngaytu.

Efeso 1:22

Talagang ipiyabegbeg it Ampuꞌang Diyus it ki Cristo i muꞌsang bagay. Kanyay piyakaꞌulu nira nga ipiyagbegay it Ampuꞌang Diyus kat muꞌsang mga magsarig baw magpamayaꞌ it kanya.

Hebreo 1:2

Temed kayti, kat aten na ngaytu nga timpu, mismu Anak ya na i magtataban it ampang ya nga miyabut situt aten. Anak ya ngaytu i ipiyatindeg ya nga tumagpuꞌun it muꞌsang bagay baw egay beken nga piyaguna yat muꞌsang mga paryaman nga magkaltegan ta in daꞌga Anak ya naga ngaytu.

1 Pedro 3:22

Miyuliꞌ na si Jesu-Cristo ngaytu duꞌun it langit, nga kayti, duꞌun na kanyat iwanang ayun it Diyus Amaꞌ. Ta muꞌsang mga anghil duꞌut langit, pati mga ega babasta-bastaen i pudir baw keseg, daꞌgay-daꞌga ipiyasakep nat kanya.