Juan 3:33 - Tagbanwa

³³ Temed iyan namayaꞌ nat ipagpamatuud ya ngaytu, iyan i magpamatuud gasiꞌ nga Ampuꞌang Diyus, purus kamatuudan i kanyang pagꞌampangen.

Juan 3:33 Iomraidhean Croise

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 8:26

“Talagang dakulay maꞌaat ku baw mabetanganan kut ukuman kuntraꞌ it imyu. Temed it matuud i pagꞌaaten it nagtaꞌeg it aken baw in unuy magkagnegan ku nga pagꞌaaten ya, iyan i ipagsugid ku situt banwa ngaytu.”

Roma 15:28

Tabang nira ngaytu, esang subuk buwaꞌ it pamayaꞌ nirat ki Cristo. In nakaduꞌlung ku na duꞌut Jerusalem baw nakaꞌintergaꞌ na duꞌut kanira i paꞌaaten ku ngaytu nga tabang, iyan talagay napikir ku nga kubwaten, patuluy aku asat imyu in paꞌEspaa aku na.

Roma 4:11

Baw iyan miyabut na nga nanuriꞌ kanya, turiꞌ ya ngayti, katandaꞌ lamang it maski ega pay turiꞌ ya ipagpabetang kanya nang lagi it Ampuꞌang Diyus nga taw nga mataldeng sabap it pamayaꞌ baw pagsarig ya. Aypaꞌ, si Abraham ngaytu, subuk piyakaꞌamaꞌ it muꞌsa nga magpamayaꞌ baw magsarig it Ampuꞌang Diyus, maski ega sakep sirat urdin nga pagturiꞌ. Sira gasiꞌ, ipabetang nga mataldeng sabap it pamayaꞌ baw pagsarig nira.

1 Corinto 9:2

Maski ega pagkilalaen it beken i pagkaꞌapustul ku temed kamu siguru, pagkilalaen mit imyu. Ka pamayaꞌ mi ngaytu it Ampuꞌan i magpamatuud it pagkaꞌapustul ku.

2 Corinto 1:18

Temed talagang ega magꞌaꞌatkayan. Ka in magꞌuꞌunu ega maꞌambut i Ampuꞌang Diyus, atkayan nagay amen nga, kamatuudan nga muꞌsa i mga ipiyagꞌaat namen it imyu.

2 Corinto 1:22

Piyapasaruman ya paꞌ kita it Espiritu Santo nga yay bilang markaꞌ yat aten, nga imandaꞌan it talagang mga taawan ya na kita. Baw Espiritu Santo ngaytu i ipiyauꞌna it Ampuꞌang Diyus isaꞌun masiguru tami nga mabut i aldaw nga kumplituun ya i kagayenan nga magꞌaꞌareg it aten.

Efeso 1:13

baw kamu gasiꞌ, nga bilang sunud it amen it nagpalagpit it ki Cristo. Kayti, uyut kamu gasiꞌ it itu ngaytu sabap, iyan nagnegan mi i kamatuudan pasar it ki Cristo, iyan Magayen ngaytung Baritaꞌ nga magkabgay it karibriyan, piyamayaꞌ mi talaga. Aypaꞌ ka piyapasaruman kamu gasiꞌ it Ampuꞌang Diyus it Espiritu Santo nga isiyanggup ya garing pat tagnaꞌ, ka yay bilang markaꞌ yat imyu nga imandaꞌan it talagang mga taawan ya na kamu.

Efeso 4:30

Paꞌalaidan mi na i maski unu nga buwat nga magkasmekan it Espiritu Santo nga ipiyapasarum it Ampuꞌang Diyus kat bilug mi, kanya nga pagpangaranat Santo ka alaid kanya kat muꞌsang kasalaꞌan. Dedemdemen mi nga Espiritu Santo ngaytu i subuk markaꞌ it Ampuꞌang Diyus it imyu nga kariꞌgenan mi it, kamu, maribri kat panriga ya sabap it kasalaꞌan mi in maꞌbut nay ipiyagtirminu nga aldaw.

2 Timoteo 2:19

Temed talagang mapaꞌgeng-mapaꞌgen i kamatuudan nga garing duꞌut Ampuꞌang Diyus baw magꞌuꞌunay sikaytu i pamayaꞌ it mga taawan ya. Binggayan ya paꞌ sirat kariꞌgenan nga magꞌaat, “Magkakilalaan it Ampuꞌang Diyus i kumpur taawan ya nga matuud.” Baw paꞌugdun ya paꞌ, “Kaꞌilangan nga in siyuy magpamatuud nga nagpasakep na kanyat Ampuꞌan, paꞌalaidan yay muꞌsang karaꞌe-raꞌetan.”

Hebreo 6:17

Ta atkayan naga, iyan simnanggup i Ampuꞌang Diyus it ki Abraham, piyapaꞌgen ya it sumpa. Binwat yay atkaytu ka ireg ya, matantuwan nga banar it mga tumanggap it ipagsanggup ya nga ega magbaꞌgu-baꞌgu i kanyang mga inampang.

1 Juan 1:10

In pagꞌaaten tami nga daꞌta magkasalaꞌan, subuk pagpakiꞌambutun tami i Ampuꞌang Diyus. In atkayan, ega paꞌ natantuwan tami i ampang ya.