Juan 3:32 - Tagbanwa

³² Lamang ipagpamatuud ya nay mga naltegan baw nagnegan ya, subuk egay magpamayaꞌ it ipagpamatuud ya ngaytu.

Juan 3:32 Iomraidhean Croise

Isaias 53:1

Katubag i mga taw, “Subuk egay magpakimatuud it ipiyanuturan ngaytu it amen. Subuk egay tiyaꞌseb it in unu talagay pagpapuntuꞌan it mga pagbuwaten ngaytu kat keseg it guna it AMPUꞌANG DIYUS.

Mateo 7:8

Sabap pagbegayan ya i kumpur magꞌangut. Magkaparag i iyan nga magtulus. Baw talagang sambungan i kumpur magpaꞌungaꞌ-ungaꞌ it pasleden.

Juan 1:11

Naꞌasitu kanyat bangsa nga piniliꞌ ya, temed maski sira, mga taw ngaytung piniliꞌ ya nga sadili ya, daꞌsira timnanggap it kanya.

Juan 15:15

Ega na taꞌwagen ku kamu nga mga manigsirbi, sabap ega magkaꞌrutan it manigsirbi in unuy pagpikiren it agalen ya. Mga iba-iba nay panaꞌwag kut imyu kayti, sabap iyan muꞌsa nga mga bagay nga nagnegan ku duꞌun it Amaꞌ ku, ipiyagꞌaat ku nat imyu.

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 3:11

Kamatuudan i ipagꞌaat kut imu. Itu ngaytung ipagpamatuud namen it imyu, talagang magkaꞌrutan baw naltegan namen. Temed ta, daꞌga pagpamayaꞌnen mi i pamatuud namen ngaytu.

Juan 3:26

Egay beken, naꞌaduꞌun sirat ki Juan, ka maat nirat kanya, “Manigtulduꞌ, tabiꞌ it imu. Iyan baꞌ, taw ngayan nga iba mu ngayan duꞌun it dipag it Jordan, nga may ipagpamatuud mu pasar it kanya, kayti ngaytu magpamawtis na gasiꞌ. Magpuꞌsa-puꞌsa nay taw it magꞌaduꞌut kanya.”

Juan 3:33

Temed iyan namayaꞌ nat ipagpamatuud ya ngaytu, iyan i magpamatuud gasiꞌ nga Ampuꞌang Diyus, purus kamatuudan i kanyang pagꞌampangen.

Juan 5:20

Sabap talagang pagmaꞌalen it Amaꞌ i Anak. Aypaꞌ ipagpalteg yat kanya i muꞌsa nga pagbuwaten ya. May mataꞌas paꞌ sikayan nga mga pagbuwaten nga ipalteg it Amaꞌ nga buwaten nat Anak isaꞌun maliluꞌ kamu.

Juan 8:26

“Talagang dakulay maꞌaat ku baw mabetanganan kut ukuman kuntraꞌ it imyu. Temed it matuud i pagꞌaaten it nagtaꞌeg it aken baw in unuy magkagnegan ku nga pagꞌaaten ya, iyan i ipagsugid ku situt banwa ngaytu.”