Juan 3:30 - Tagbanwa

³⁰ Kaꞌilangan nga magmabantug kanya ngaytu, temed aku, magtimawaꞌ lamang.”

Juan 3:30 Iomraidhean Croise

Isaias 53:12

Aypaꞌ kilalaen ku kanya nga mabantug baw bagiꞌ-bagiꞌen ya it mga kaꞌibaan ya nga makekseg i riyangpasan ya. Sabap ibinggay matag ya i sadili ya, maski ikiyagtas nat ginawa ya. Ipiyabetang kanya nga kaꞌuyutan it mga mamagbuwat it karaꞌe-raꞌetan, ka kanya na i timnanggung it kasalaꞌan it dakel nga pagtaw. Baw ipiyanalangin ya paꞌ nga pasinsiyaen na i mga makasalaꞌan.”

Isaias 9:7

Talagang pasigi nga dumakel i masakep ya baw, kamatuudan nga kaꞌimbengan ngaytu nga taban ya, pasigi gasiꞌ nga ipapanaw ya seked it kaꞌnu-kaꞌnu. Sumubli kanya kat pagkaꞌadiꞌ ni David baw ipapaꞌgen ya it egay katupusan i pagꞌadiꞌ ya ngaytu it ega basta-bastang kataldengan baw kagayenan. Siguraduytu nga matuman, sabap ipiyabetang-betang nga lagi it AMPUꞌANG DIYUS nga landaw nga gunaan.

Juan 3:29

Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

Juan 3:31

Iyan taga denaꞌ, simpri kat denaꞌ lamang yan, baw mga pagsugiden ya, purus mga bagay nga magkatantuwan ta situt denaꞌ. Temed iyan garing duꞌut langit, iyan i mabantug pat muꞌsa.

1 Corinto 3:5

Ta, abir kunuꞌ, siyuytu si Apolos baw si Pablo ngaytu? Daꞌga baꞌ mga manigsirbi kami lamang it Ampuꞌan nga giyamit ya isaꞌun mamayaꞌ kamu it kanya? Pagbuwaten namen lamang i buwaten nga ipiyakarguꞌ yat amen.

Colosas 1:18

Kanya i piyakaꞌulu it muꞌsang magpamayaꞌ it kanya nga kabilangan nira, sang kabilu-bilugan. Kat pagꞌegen yat paꞌuliꞌ inabriyan ya talaga i dalan it pagꞌegen ngaytut paꞌuliꞌ, baw kanya i puꞌun it kaꞌgenan ngaytu nga egay kaskedan. Aypaꞌ maꞌyag nga, kat muꞌsang-muꞌsa, kanya lamang i egay kasbung nga kataꞌasan.

Mga Ipiyalteg 11:15

Inyepan nat ikapitu ngayting anghil i kanya ngayting taburi. Bawnga may nagnegan ku nga mamagꞌampang it dadakulaꞌ nga duꞌun it langit, nga magꞌaat, “Muꞌsang katataawan nga kat pudir it simnakep it kanira kat sinirungat langit, kayti sinakepan na sira it Ampuꞌang Diyus tami baw si Jesu-Cristo nga siyarigan ya. Talagang magꞌadiꞌ kanya it egay katupusan.”