Juan 3:3 - Tagbanwa

³ Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 3:3 Iomraidhean Croise

Mateo 16:17

Pagtubag ni Jesus, maat ya, “Magkasagya ka, Simon nga anak ni Jonas, sabap kamatuudan ngaytung ituꞌun, ega ipiyaꞌrut it imu it maski siyu nga taw, in daꞌga Amaꞌ ku nga duꞌun it langit.

Mateo 19:24

Baw itu pay iꞌaat kut imyu. Marway paꞌ makalapas i dakulang ramu-ramu nga kamelyo duꞌun it erek it dagum, ega gat manggaden nga kasled duꞌun it kaꞌadiꞌan it Ampuꞌang Diyus.”

Mateo 21:31

Ta siyu manggid it duwa ngayti i simnunud it kaꞌirgan it amaꞌ nira?” “Iti, akaꞌ ngayti,” maat i tubag nirat ki Jesus. “Matuud talagay iꞌaat kut imyu,” maat siꞌ ni Jesus, “nga iyan mga malulupig nga mga manigpabayad it barayadan baw iyan mga babay nga ipagpanulus niray bilug nira, mauꞌnaan nira paꞌ kamu nga kapasakep it kaꞌadiꞌan it Ampuꞌang Diyus.

Mateo 5:18

Ka ituy matuud nga iꞌaat kut imyu. Talagang maꞌawaꞌ i langit baw banwa, takaꞌ talagang egay kaꞌawaꞌan it maski piyakadekeyeꞌ nga bagiꞌ it mga urdin it Ampuꞌang Diyus seked it ega matuman i muꞌsa.

Marcos 10:14

Pagkamuya ni Jesus kayti, ega napakay ya. Maat yat mga alagad ya ngayti, “Ega sulang-sulangen mi i mangaꞌwaꞌ nga magpaꞌasitut aken. Pataꞌnan mi lamang. Sabap mga mapiyababaꞌ nga subung it mangaꞌwaꞌ ngaytu, sira i mapakay nga pasakep it kaꞌadiꞌan it Ampuꞌang Diyus.

Marcos 9:47

Ta in beteꞌ mata muy magkagaringan it ipagkasalaꞌan mu, luwaten mu na lamang. Ka egay bali, maski paglulwaten nay sang baling mata, basta kasled ka duꞌun it kaꞌadiꞌan it Ampuꞌang Diyus. Ega gat naglimbang pay mata nga makaꞌaduꞌun it ega basta-bastang panriga.

Juan 1:13

Ega maat naꞌanak sirat Ampuꞌang Diyus sabap it ipiyanganak ya sira nga subung it panganak it taw u sabap it adat u kaꞌirgan it nagꞌasawa, in daꞌga naꞌanak sira kat kaꞌirgan it Ampuꞌang Diyus.

Juan 1:5

Magꞌeyag kanya nga bilang tidaw kat kadleman, temed sira nga kat kadleman, ega ireg nirang eyagan it tidaw ngaytu.

Juan 1:51

Kamatuudan talagay ipagsugid ku ngaytut imu. Maltegan mu nga abri i langit baw mga anghil it Ampuꞌang Diyus, mapyat, lumampud, magpaꞌasitut aken nga Taga Langit nga Ipiyanganak it Taw.”

Juan 12:40

“Binleg ya i mga mata nira baw piyadsen ya i mga ulu nira isaꞌun daꞌsira makalteg u makasepsep, u makapaꞌuliꞌ sira duꞌut kanya isaꞌun nga mapagayen ya sira.”

Juan 3:4

Iningkut ni Nicodemo, “Magꞌuꞌunu ipanganak it sumaꞌup i esang taw nga gurang na? Unu, makasled paꞌ it sumaꞌup duꞌun it panganganakan it inaꞌ ya bawnga ipanganak siꞌ?”

2 Corinto 4:4

Itung mga taw, daꞌsira magpamayaꞌ sabap, mga pikir nira, piyadlem ni Satanas, kanya nga magpaDiyu-Diyus situt sinirungat langit ngaytu. Pagpadlemen yay pikir nira isaꞌun ega masepsepan nira i kaꞌyagan it Magayen ngaytung Baritaꞌ sabap it kabantugan ni Cristo, kanya nga ladawan it Ampuꞌang Diyus.

2 Corinto 5:17

Ta, atkayan naga, in siyu-siyu nga talagang maglalagpit na it ki Cristo, mabaꞌgu i muꞌsang-muꞌsa ya. Kaꞌalimbawaan ya, giyuna it sumaꞌup, aypaꞌ ega na i tagnaꞌ ngayti nga karaꞌe-raꞌetan kat pangaꞌgenan ya ka nabaꞌgu na.

Galacia 6:15

Ka ega impurtantiꞌ in turiꞌ u ega i esang taw. Iyan i impurtantiꞌ, in nabaꞌgu nat Espiritu Santo i adat baw nakem ya.

Efeso 2:1

Talagang kamu katꞌesa, kaꞌalimbawaan mi, subuk patay kat panleteg it Ampuꞌang Diyus kat kadakulat mga kasalaꞌan mi nga kuntraꞌ kat kaꞌirgan ya. Egay maski unu nga magpangbit kat nakem mi in pasar it pagkilala it kanya.

Tito 3:5

Ka ipiyagribri ya kita, ega sabap it may nabwat tami nga mataldeng kat panleteg ya, in daꞌga sabap it kadakulat ildaw ya. Ipiyagribri ya kita, nga subuk ipiyanganak tami sit sumaꞌup kat buwat it Espiritu Santo nga panlimpiyuꞌ baw pagbaꞌgu it mga adat ta.

Santiago 3:17

Temed iyan may kasepsep nga garing duꞌun it Ampuꞌang Diyus, mangaꞌgenan kanya it alaid kat kasalaꞌan. Magayen nga pakiꞌiba-iba it masigkataw ya i kaꞌiꞌirgan ya. Nakman kanya baw mapiyalulus, maꞌildaw baw mapaꞌres kat mga buwat nga magayen. Tingled i nakem ya duꞌun it kataldengan baw ega mapiyaꞌisti-isti.

1 Pedro 1:3

Kayti, bantugun tami nga muꞌsa i Ampuꞌang Diyus, nga Amaꞌ it Ampuꞌan tami nga si Jesu-Cristo! Sabap natantuwan ta nga, kat kadakulat ildaw yat aten, bilang ipiyanganak ta kayti it sumaꞌup baw siguradu na talagay pagꞌiꞌinawaren tami nga kagayenan. Ildaw ya ngaytu, siguraduytu sabap duꞌun it pagkaꞌgen ni Jesu-Cristo it paꞌuliꞌ.

1 Juan 2:29

Urut mi na nga talagang mataldeng i Ampuꞌang Diyus. Aypaꞌ sikayan matantuwan mi nga sira nga magbuwat nat mataldeng kat panleteg it Ampuꞌang Diyus ngaytu, sira i ipagpabetang ya nga mga anak ya na.

1 Juan 3:9

Ka in siyu-siyuy bilang ipiyanganak nat Ampuꞌang Diyus, ega nayan magpasigi pat muwat it kasalaꞌan. Simpri ega na mamlag kanya it bilang nanganak ngaytut kanya. Ta it Amaꞌ ya nay Ampuꞌang Diyus, ega na mapakay nga pasigi paꞌ kanyat muwat it kasalaꞌan.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

1 Juan 5:18

Talagang magkaꞌrutan ta na nga iyan mga bilang ipiyanganak nat Ampuꞌang Diyus, ega na maat magpasigi pat muwat it kasalaꞌan, sabap pagtatarimaen na sira ni Jesu-Cristo ngayting Anak it Ampuꞌang Diyus. Ega na mapakay nga sakpen siꞌ ni Satanas.

1 Juan 5:4

Sabap kada bilang ipiyanganak nat Ampuꞌang Diyus, magkaꞌindaꞌeg ya na i pagsakep it kanya it karaꞌe-raꞌetan situt banwa ngaytu. Magkaꞌindaꞌeg ta naytu kat keseg it pamayaꞌ baw pagsarig tat ki Jesu-Cristo.

Mga Ipiyalteg 3:14

“Ituy ibtang mu duꞌun it surat nga ipataban mu duꞌut manigpamaalaꞌ it mga magpamayaꞌ it aken duꞌun it Laodicea. Aaten mu nga, ‘Ituy ipagkusugid it iyan kanya nga magngangaran it Kamatuudan, kanya nga talagang egay pagbaꞌgu ka purus kamatuudan i ipagsugid ya, kanya naga nga manigpamegbeg it muꞌsang giyuna it Ampuꞌang Diyus.