Juan 3:29 - Tagbanwa

²⁹ Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

Juan 3:29 Iomraidhean Croise

Mateo 22:2

“Iyan kaꞌadiꞌan it Ampuꞌang Diyus, subung it itu ngaytu. Dakulang pagkaraꞌnen i binwat it esang adiꞌ, pagsadu it anak ya nga lalaki.

Mateo 25:1

Magꞌaat pay beken nga ipiyanulduꞌ ni Jesus, “Kaꞌalimbawaan it kaꞌadiꞌan it Ampuꞌang Diyus, subung it itu ngaytu. May sang puluꞌ nga umbay paꞌ nga mga babay. Kaꞌsang apu-apun, uyun it adat ta, napanaw sira ka sumusmu it lalaki nga papagsaduun na. Kada esat kanira, may taban nga titidawan.

Mateo 9:15

Katubag si Jesus, maat ya, “Unu baꞌ, mapakay nga masmek i mga inimbitar it pagsadu mintras iba nira i lalaki nga ipiyagsadu? Siguru ega. Ta atkayan naga i mga alagad ku ngaytu. Temed mabut i aldaw nga belagen aku na situt kanira. Baw mana yan nga magpuwasa sira.”

Lucas 15:6

Pagꞌabut ya duꞌut balay, pangimbitaren yay mga iba-iba ya baw mga kamalay ya. ‘Sigi,’ maat ya, ‘paragiꞌ kamu it kasagyaan ku, ka naparagan ku nagay naꞌlam ngayan nga tupa ku.’

Juan 15:11

Ipiyagsugid kut imyu i itu nga mga bagay isaꞌun mabagiꞌan kamu it magꞌuꞌunay nga kasagyaan ku, baw sumagya kamut kasagyaan nga egay kakurangan.

Juan 16:24

Seked kayti, ega pay pagꞌangutun mi kat keseg it pakilagpit mit aken. Mangut kamu. Siguradung ibgay it imyu baw sikayan makasagya kamung banar.

Juan 17:13

Temed kayti, magꞌuꞌuliꞌ aku na asat imu, baw ipagsugid ku nang lagi i mga itu ngaytung bagay mintras sini aku pat banwa ngayni isaꞌun, kadakulaꞌat kasagyaan ku, makanira it egay kurang ya.

Juan 3:30

Kaꞌilangan nga magmabantug kanya ngaytu, temed aku, magtimawaꞌ lamang.”

2 Corinto 11:2

Ipagsugid kuytu kat kadakulat imun ku, nga subung nat imun it Ampuꞌang Diyus. Ka pagꞌimunan kuy mga magpangadal asan nga magpaneꞌag-teꞌag it pamayaꞌ mi. Ka kamu, kaꞌalimbawaan mi, esang umbay paꞌ nga babay nga ipiyakiꞌupakat ku it esang lalaki, nga lalaki ngayti, si Cristo. Ta it atkayan, simpri ega ireg ku nga subuk salyaen kamu it beken.

Filipos 2:2

Ta it magkalabayan mi i muꞌsa ngaytu, aypaꞌ ka pasagyaen mi aku nga banar nga talagang urunyun kamu nga esa-esay kat nakem baw pikir mi nga muꞌsa, baw magsigraras kamu it esa may esa.

1 Juan 1:4

Ipagsurat namen i mga itu ngaytu isaꞌun makasagya tami it kasagyaan nga egay kakurangan.

2 Juan 1:12

Sana dakulaꞌ pang kusugiden ku, temed ega na isurat ku. Ka ireg ku baꞌ sana, kapaꞌasan akut imyu. Masugi-sugid ku kamu it nagꞌada-adapen tami isaꞌun makasagya tami it kasagyaan nga egay kakurangan.

Mga Ipiyalteg 21:9

Ta, bawnga minlep duꞌun it aken i esa kat pitu ngayting mga anghil nga teptep ngaytit pagseskelen nga karung nga betang ya, kiyaꞌpusan nga pitung panalakep. Maat yat aken, “Paꞌasini ka, ka ipalteg kut imu i asawaen it paꞌaaten ngaytung Uꞌuybun It Tupa.”