Juan 3:27 - Tagbanwa

²⁷ Katubag si Juan, maat ya, “Yay matuud, ega mabwat it esang taw nga subuk atkaytu ngaytu in daꞌga pabetang-betang it Ampuꞌang Diyus it kanya.

Juan 3:27 Iomraidhean Croise

Mateo 21:25

Ari giyaringan it pudir ni Juan nga mamawtis? Unu, duꞌun it Ampuꞌang Diyus u duꞌun it mga taw?” Pagkagneg nira kayti, remeteng-retengan sira, “In aaten ta, ‘Garing duꞌun it Ampuꞌang Diyus,’ aaten ya siꞌ kita, ‘Ta unuka ega pagpamayaꞌnen mi kanya?’

Mateo 25:15

Tiyuduꞌan yat pirak i kada esa uyun kat kanya-kanyang kaya. Ibinggay yat sang kataawan, kantidad it limang ribu, kat sang kataawan duwang ribu, baw kat sang kataawan sang ribu. Bawnga napanaw na kanya.

Marcos 13:34

Ka kaꞌalimbawaan yaytu, taw nga nagpana-panaw duꞌun it alaid na nga rugar. Ipiyabalaꞌ yat mga uripen ya i pamalay-balay ya nga binggayan ya sira it kanya-kanyang pagsarungaen, baw ibiyenge-bengel ya it guwardiya it salakwatan nga pirmi nga alistu.

Juan 10:41

Dakel nga nagpaꞌaduꞌut kanya. Maamaatan sira nga, “Si Juan, egay binwat ya nga tandaꞌanan nga kalililuꞌang bagay, temed matuud i muꞌsa nga pagꞌaaten ya pasar it itu nga taw.”

Juan 6:65

Paꞌugdun ya paꞌ nga inaat, “Ta it may ega naga magpamayaꞌ it aken, aypaꞌ ka ipiyagꞌaat kut imyu nga egay makapasakep it aken magpuyra it ildawan kanya it Amaꞌ.”

Roma 1:5

Kanya i minildaw it aken it katengdanan ngaytut apustul, nga mangadal akut Magayeng Baritaꞌ duꞌut mga babanwaan it mga taw nga ega Judio. Itu naytuy pagsirbi kut kanya isaꞌun, sana, dakel i mamayaꞌ it ki Jesu-Cristo ngaytu, nga yay tumaban it kanira it pangaꞌgenang masiyunudun it kaꞌirgan ya.

Roma 12:6

Ta it kada esat aten, inildawan it Ampuꞌan it kalasi-kalasing kakayaan, kaꞌilangan gamiten tami i ipiyagꞌildaw ya ngaytu. In beteꞌ iyan i ipiyagꞌildaw yat imu, pagpanakman ka it ampang nga ipagpaꞌrut it Ampuꞌang Diyus duꞌut kadakel, kaꞌilangan ituturan mu nga uyun kat kadakulat pamayaꞌ mu, ega sumubraꞌ u kumurang.

1 Corinto 1:1

Mga taga Corinto nga magsarig baw magpamayaꞌ it Ampuꞌang Diyus, wayan i surat namen, aku nga si Pablo nga riyumraan ni Cristo Jesus nga esang apustul ya kat pabetang-betang it Ampuꞌang Diyus, baw si Sostenes nga sulsug tami kat pamayaꞌ. Pagsuratan namen, kamu nga ipiyapinpin nat Ampuꞌang Diyus nga mga taawan ya na sabap it pakilagpit mi it ki Cristo Jesus. Eeꞌ baꞌ, ipagpabetang ya na kamu nga ega nay kakasalaꞌan baw ipiyabetang-betang ya nga magpangaꞌgenan kamu nga pirmi uyun kat kaꞌirgan ya. Atkayan naga i muꞌsa kat paꞌari-aring banwa nga nagpasakep na it Ampuꞌan tami nga si Jesu-Cristo nga Ampuꞌan na nira gasiꞌ.

1 Corinto 12:11

Temed ta, yanayan, esa-esa lamang tu i Espiritu Santo nga magpamgay it muꞌsa ngaytu baw magpamagiꞌ-bagiꞌ it namelag-belagen ngaytung kakayaan uyun kat pabetang-betang ya.

1 Corinto 15:10

Temed, sabap it subrang kaꞌildaw it Ampuꞌang Diyus, ipiyatindeg ya aku nga apustul, nga kayti, magsirbi nga banar it kanya. Ega naga nagbaraꞌ nga egay kakapulusan i ildaw ya ngaytu it aken. Talagang nagpaꞌres aku it subraꞌ paꞌ it maski siyu nga mga apustul ngaytu. Takaꞌ egaytu maat sadili ku nga kakayaan, in daꞌga tabang tu it Ampuꞌang Diyus it aken.

1 Corinto 3:5

Ta, abir kunuꞌ, siyuytu si Apolos baw si Pablo ngaytu? Daꞌga baꞌ mga manigsirbi kami lamang it Ampuꞌan nga giyamit ya isaꞌun mamayaꞌ kamu it kanya? Pagbuwaten namen lamang i buwaten nga ipiyakarguꞌ yat amen.

1 Corinto 4:7

Ka unuytu, subraꞌ kamu nga makaꞌrut, subraꞌ pat beken nga taw? Unu nay kakayaan mi nga ega ipiyagꞌildaw it imyu it Ampuꞌang Diyus? Ta, it atkayan, unuka ipagpatuꞌgud mi paꞌ, adimaat ega ipiyagꞌildaw it imyu?

Galacia 1:1

Mga magpamayaꞌ it ki Cristo nga asan it Galacia, wayan i surat ku, aku nga si Pablo nga esang apustul, nga ega taw-tiyaw na lamang i nagpiliꞌ u nagpatindeg it aken kat pagkaꞌapustul ku, in daꞌga mismu si Jesu-Cristo baw Amaꞌ ta nga Ampuꞌang Diyus nga minggen it paꞌuliꞌ it ki Jesu-Cristo ngaytu. Muꞌsang mga sulsug ta kat pamayaꞌ nga kaꞌibaan ku sini, magkumusta it imyu.

Efeso 1:1

Mga sulsug namen kat pamayaꞌ nga asan it Efeso, wayan i surat ku, aku nga si Pablo, nga esang apustul ni Cristo Jesus kat pabetang-betang it Ampuꞌang Diyus. Pagsuratan ku kamu nga maglalagpit nat ki Cristo, kamu nga ipiyapinpin it Ampuꞌang Diyus nga mga taawan ya na, nga magsarig baw magpamayaꞌ nga matuud it ki Cristo Jesus ngaytu.

1 Timoteo 2:7

Ta, kat pagpangadal it ituꞌun ngaytu, piyaꞌapustul ya aku. Tiyaꞌeg ya aku nga manigpaꞌrut it karibriyan ngaytu duꞌun it mga taw nga ega Judio, ka ipanulduꞌ kut kanira i kamatuudan ya, isaꞌun pamayaꞌnen nira. Matuud tuy pagꞌaaten ku ngaytu. Egaytu maat ambut ku.

Santiago 1:17

Ampuꞌang Diyus i puꞌun it muꞌsang kagayenan, baw purus magayen i ipagbegay ya. Ega talagay kakurangan it ildaw nga magpanggaring duꞌun it Amaꞌ ta ngaytu nga gimnuna it muꞌsang mga mamagꞌeyag duꞌun it langit. Mga giyuna ya ngaytu, magꞌugad-ugad i eyag nira, temed Ampuꞌang Diyus, talagang ega magꞌugad-ugad i adat yat kanya.