Juan 3:21 - Tagbanwa

²¹ Temed iyan nga magpangaꞌgenan na kat kataldengan, ega nay pagꞌaliꞌan ya it patpad it tidaw ngaytu, isaꞌun matanyag i buwat ya nga magsunud it kaꞌirgan it Ampuꞌang Diyus.

Juan 3:21 Iomraidhean Croise

Juan 1:47

Naltegan ni Jesus nga magꞌelep duꞌut kanya si Natanael. Pagkalteg ya, maat ya, “Waytu nay esang matuud nga Israelita nga egay maski unu nga aꞌakal.”

Juan 3:20

Iyan magbuwat ngaytut karaꞌe-raꞌetan, talagang ega ireg yay tidaw ngaytu. Ega ireg yang patpad ka maꞌyagan i buwat ya nga maraꞌe-raꞌet.

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Juan 7:17

Kumpur magꞌireg sumunud it kaꞌirgan it Ampuꞌang Diyus, matantuwan tu nira in unu, garing talaga duꞌun it Ampuꞌang Diyus i ipagpanulduꞌ ku ngaytu, u in kat sadi-sadili ku na lamang.

1 Corinto 15:10

Temed, sabap it subrang kaꞌildaw it Ampuꞌang Diyus, ipiyatindeg ya aku nga apustul, nga kayti, magsirbi nga banar it kanya. Ega naga nagbaraꞌ nga egay kakapulusan i ildaw ya ngaytu it aken. Talagang nagpaꞌres aku it subraꞌ paꞌ it maski siyu nga mga apustul ngaytu. Takaꞌ egaytu maat sadili ku nga kakayaan, in daꞌga tabang tu it Ampuꞌang Diyus it aken.

2 Corinto 1:12

Ituy magbegay it kasagyaan kat nakem namen nga talagang magkatantuwan namen nga, kat tabang it Ampuꞌang Diyus, purus kamatuudan baw kagayenan i adat namen kat muꞌsang taw, subraꞌ na kamu. Ega maat may maraꞌe-raꞌet nga antap it nakem namen, nga subuk pagꞌadaten it taw situt banwa, in daꞌga magpangaꞌgenan kami kat keseg it tabang it Ampuꞌang Diyus nga ipagꞌildaw yat amen.

Galacia 6:8

In siyuy magluwak it karaꞌe-raꞌetan, nga magsarit sumbayaꞌ it singkadan yang kaꞌiꞌirgan nga maraꞌe-raꞌet, egay beken nga kaygen ya, subuk rumunut i pangaꞌgenan ya baw kamataynen nga egay kaskedang panriga i abutan ya. Temed iyan magluwak it kagayenan, nga magsunud nga pirmi it padisir it Espiritu Santo it kanya, iyan i kanyang kaygen, kaꞌgenang egay kaskedan.

Efeso 5:9

Sabap yay liꞌwan it magpangaꞌgenan ngaytu kat kaꞌyagan, purus kagayenan, kataldengan baw kamatuudan.

Filipos 1:11

Baw mamuyaan kat pangaꞌgenan mi nga mataldeng i adat mi, kat ikabantug it Ampuꞌang Diyus. Temed kagayen ngaytu it adat mi, mapakay lamang tu kat tabang ni Jesu-Cristo.

Filipos 2:13

Sabap Ampuꞌang Diyus ngaytu i magpanakem it imyu it makusunud baw magbegay it imyu it kakayaan nga mabwat mi i kaꞌirgan ya.

Colosas 1:29

Aypaꞌ pagpaꞌresan ku nga banar i katengdanan ku ngaytu kat keseg it ega basta-bastang kakayaan nga ipagbegay ni Cristo it aken.

Hebreo 13:21

it muꞌsa nga pagkaꞌilanganen mi isaꞌun, kat tabang ni Jesu-Cristo, iyan i pirmi nga mabwat mi, kaꞌirgan ya, baw magbaraꞌ kamung mga taw nga magkasagyaan ya. Aypaꞌ bantugun ta kanya it egay katupusan. Kamatuudan tu.

1 Pedro 1:22

Ta kayti, kat pamayaꞌ mi it kamatuudan ngaytung Magayeng Baritaꞌ, bilang nanlimpiyuꞌ kamu na. Ka naꞌawaꞌ nay kasalaꞌan mi, iyan nagpasakep kamu na it ki Cristo. Aypaꞌ mapakay na nga kamatuudan nay raras mi it esa may esa nga subung it sang sulsugan. Aypaꞌ tingleden mi talagay nakem mi kat kamatuudang raras it esa may esa nga ega desang awam.

1 Juan 1:6

In maat ta, magpakiꞌiba-iba ta na it kanya, temed magpangaꞌgenan ta paꞌ kat kadleman, ka magsisigi paꞌ nga magbuwat it kasalaꞌan, magꞌambut ta lamang. Daꞌta magpangaꞌgenan nga uyun kat kamatuudan.

3 Juan 1:11

Pagmaꞌaleng iba-iba, ega mu guruun i maraꞌe-raꞌet nga buwat it beken, in daꞌga ari-ari magayen, iyan i imu. Ka iyan magbuwat it magayen, magpakiꞌuyun kanyat Ampuꞌang Diyus. Temed iyan magbuwat ngayat maraꞌe-raꞌet, ega yan nakatantu it in unuy adat it Ampuꞌang Diyus.

Mga Ipiyalteg 3:15

Ega talagay ipaꞌlam it aken kat muꞌsang mga buwat mi. Daꞌkamu naga magpakikuntraꞌ it aken temed ega gasiꞌ tulanged i pamayaꞌ mi, in daꞌga ereꞌeret na nga mataꞌbang. Sana tulanged i pamayaꞌ mit aken, ka talagang ega magkapakay ku i pamayaꞌ nga egay kamatuudan, nga kat munung na lamang. Sabagay talagang dakulaꞌ i iseg ku kat mga taw nga egay pamayaꞌ, temed subraꞌ pay iseg ku kat magbete-beteꞌ ngaytu.