Juan 3:2 - Tagbanwa

² Kaꞌsang delem nanungbalay kanya duꞌut ki Jesus. Maat ya, “Manigtulduꞌ, magkaꞌrutan namen nga esa ka nga Manigtulduꞌ nga ipiyatindeg it Ampuꞌang Diyus, sabap egay magkabwat it mga kalililuꞌang bagay nga subuk imu nga pamagbuwaten, in daꞌga pagtabangen kanyat Ampuꞌang Diyus.”

Juan 3:2 Iomraidhean Croise

1 Mga Adiꞌ 17:24

Yamanay nakatubag it babay ngayti, maat ya, “Kayti ku natantuwan nga talagang manigsirbi kang matuud it Ampuꞌang Diyus. Purus talaga kamatuudan i ipagsugid mu nga ampang it AMPUꞌANG DIYUS.”

Mateo 22:16

Binwat nira, may piyapaꞌaduꞌun nira nga mga manigsunud nira, sang siraan it beken nga kakampiꞌ ni Herodes. Pagꞌabut, maat nira, “Manigtulduꞌ, magkaꞌrutan namen nga purus matuud i imu, baw kamatuudan talagay ipagpanulduꞌ mu nga kaꞌirgan it Ampuꞌang Diyus. Kamatuudan, mataꞌas u raꞌyat nga taw, surubung i panulduꞌ mu.

Mateo 23:7

Baw iyan pay ireg nira, pagsaluduꞌan sira in duꞌun it mataawun nga mga rugar baw taꞌwagen sira nga manigtulduꞌ.

Mateo 23:8

Temed kamu, ayaw kamut pataꞌwag nga manigtulduꞌ, sabap esa-esa ku lamang i manigtulduꞌ mi. Subung it sang sulsugan kamu nga muꞌsa.

Marcos 12:14

Pagꞌabut nira, maat nira, “Manigtulduꞌ, magkaꞌrutan namen nga purus matuud i imu. Kamatuudan, mataꞌas u raꞌyat nga taw, surubung i panulduꞌ mu. Kamatuudan talagay ipagpanulduꞌ mu nga kaꞌirgan it Ampuꞌang Diyus. Ta unu bayan, uyun duꞌun it ipiyagꞌurdin ni Moises nga mayad it barayadan nga ipagpabayad it Romano ngayting Impiradur nga magsasakep it aten? Unu yan i magayen, magbayad u ega?”

Juan 1:38

Limningaw si Jesus baw lintegan yay duwa ngayting magdadasun it kanya. Iningkut ya sira, “Paꞌunu kamuytu? Subuk may pagtulusun mi.” Timnubag sira, “Tabiꞌ it imu, Manigtulduꞌ, ari pagꞌiꞌistaran mu?”

Juan 10:38

Temed in pagbuwaten kuy buwat ya ngaytu, maski ega pagpamayaꞌnen mi aku, kaꞌilangan nga pamayaꞌnen mi i mga pagbuwaten ku ngaytu ka sikayan mi matantuwan baw masiguru nga aku baw Amaꞌ ku, sang kagina-ginawaan kami.”

Juan 12:37

Maski dakel na nga naltegan it mga katataawan ngayti nga binwat ni Jesus nga mga tandaꞌanan nga kalililuꞌang bagay, ega ga lamang pagpamayaꞌnen nira kanya.

Juan 14:10

Unu, daꞌka magpamayaꞌ nga aku baw Amaꞌ ku, sang kagina-ginawaan kami? Iyan mga pagꞌampangen ku ngaytu nga ipagꞌaat kut imyu, egaytu pagsadiliyen ku na lamang, in daꞌga iyan Amaꞌ nga kasagpun kut ginawa ku, iyan i magbuwat it mga buwaten ya ngaytu.

Juan 15:24

In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

Juan 20:16

“Maria,” maat ni Jesus ngayti. Egay beken, nanarunga kanya baw nakagaꞌuy. Yanay naꞌampang ya, “Raboni!” (Ireg sugiden it Hinebreo ngayting ampang, Manigtulduꞌ.)

Juan 3:26

Egay beken, naꞌaduꞌun sirat ki Juan, ka maat nirat kanya, “Manigtulduꞌ, tabiꞌ it imu. Iyan baꞌ, taw ngayan nga iba mu ngayan duꞌun it dipag it Jordan, nga may ipagpamatuud mu pasar it kanya, kayti ngaytu magpamawtis na gasiꞌ. Magpuꞌsa-puꞌsa nay taw it magꞌaduꞌut kanya.”

Juan 4:31

Pagkagaring it babay nga nanuturan ngayti duꞌun it lansangan, sigi na nga aat it ki Jesus it mga alagad ya ngayti, “Manigtulduꞌ, kumaꞌen ka nay imu.”

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 6:2

Tiyundug kanya it dakel na nga mga taw sabap it magkaltegan nira ngayti nga mga tandaꞌanan nga kalililuꞌang bagay nga pagbuwaten ya, nga pagpagayenen ya i mga magsarut.

Juan 7:31

Temed dakel naga sira nga magpakimatuud it kanya. Maamaatan sira, “Unu sadaw, in paꞌasitu na ngayan i Cristo ngayang paꞌaaten, makabwat kanya it mga tandaꞌanan nga kalililuꞌang bagay nga subraꞌ paꞌ it magkabwat it itung taw?”

Juan 9:16

Maat i beken nga mga Pariseo ngayti, “Talagang ega garing duꞌun it Ampuꞌang Diyus i iyang taw, sabap it ega pagꞌintindiyen yay Aldaw it Kapaꞌnaan ngaytu.” Temed beken, magꞌaat gasiꞌ nga magꞌuꞌunu makabwat it atkaytung mga tandaꞌanan nga kalililuꞌang bagay i esang makasalaꞌan? Sikayti ega siꞌ magparag-paragen sira it pagsugiden.

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Filipos 1:14

Baw subung naga i kadaklan it mga sulsug ta kat pamayaꞌ sini. Aypaꞌ, kayti, subrang nagmapaꞌgen i pamayaꞌ baw pagsarig nira it Ampuꞌan. Ega lamang desang nagmapaꞌgen, in daꞌga nagmaꞌiseg pay nakem nira nga ipangadal i ampang it Ampuꞌang Diyus it egay pagꞌiꞌlaman nira.

Mga Pagbayaꞌen 6:27

Pagkagneg ni Gedeon, piyabayaꞌ ya i sang puluꞌ nga kataawan nga mga manigsirbi ya. Binwat nira i kumpur ipiyagꞌaat ngaytit kanya. Delemen i pagbuwat nira kayti ka magꞌiꞌlam si Gedeon it mga giyaringan ya baw mga kaꞌibaan nira duꞌut lansangan nira ngayti.