Juan 3:19 - Tagbanwa

¹⁹ Ukumanan sira it atkaytu sabap kanya nga paꞌaateng tidaw, naꞌasitu nat banwa, temed yagay paglabiyen it katataawan, kadleman, ega kaꞌyagan ngaytu, sabap it sigi gang buwat nirat karaꞌe-raꞌetan.

Juan 3:19 Iomraidhean Croise

Lucas 12:47

Dedemdemen mi tu, nga iyan uripen nga magkaꞌrutan ya nay kaꞌirgan it agalen ya temed ega biyanu-banu ya, siguradu nga panrigang mabeꞌgat i tanggapen ya.

Lucas 16:14

Nagnegan tu it mga Pariseo. Egay beken paglibaken na nira si Jesus, ka sira ngayti, maꞌireg nga banar it pagpirak.

Juan 1:4

Kanya ngaytung pagpangaranan it Ampang, kanyang kaꞌgenan, ega basta-basta, nga yanay puꞌun it kaꞌgenan it muꞌsang taw. Baw kanya ngaytu i piyakatidaw isaꞌun maꞌyagan i mga taw.

Juan 1:5

Magꞌeyag kanya nga bilang tidaw kat kadleman, temed sira nga kat kadleman, ega ireg nirang eyagan it tidaw ngaytu.

Juan 12:31

Ka naꞌbut nay timpu, kayti na ngaytu, nga betanganan nat ukuman i kumpur kakuntraꞌ ku. Daꞌgen na si Satanas nga magsasakep na situt sinirungat langit.

Juan 12:43

Ireg paꞌ nirang sagyaan sirat masigkataw nira, ega gat Ampuꞌang Diyus i sumagya it kanira.

Juan 12:46

Ka naꞌasitu aku nga bilang tidaw it banwa ngaytu, isaꞌun ega maneꞌteꞌ kat kadleman i iyan nga mamayaꞌ it aken.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Juan 7:17

Kumpur magꞌireg sumunud it kaꞌirgan it Ampuꞌang Diyus, matantuwan tu nira in unu, garing talaga duꞌun it Ampuꞌang Diyus i ipagpanulduꞌ ku ngaytu, u in kat sadi-sadili ku na lamang.

Juan 7:7

Kamu, ega yan mapakay nga isgan it katataawan. Temed aku, pagꞌisgan nira, sabap it ipagpaliꞌwan ku i mga buwat nira nga mararaꞌe-raꞌet.

Juan 8:12

Pagsaꞌup siꞌ ni Jesus it mampang duꞌun it mga taw, maat ya, “Aku ngaytu i bilang tidaw nga magbegay it eyag kat pikiran it mga taw situt sinirungat langit. Iyan sumunud it aken, ega na subung it magpanaw it delemen, sabap pagꞌeꞌyagan na kanyat tidaw ngaytu nga magbegay it kaꞌgenan nga egay kaskedan.”

Juan 9:5

Kabilangan ku, piyakatidaw. Baw kaꞌlay ku ngaytu situt banwa, magsisigi nga pagꞌeyagan kuy pikiran it mga taw.”

Roma 1:32

Talagang urut na nira i mataldeng nga ukuman it Ampuꞌang Diyus nga ega dapat egnen i mamagbuwat it mga bagay ngaytu. Temed, ta, magsisigi gay buwat nirat atkaytu ngaytu, baw masagyang-masagya sirang magkalteg it atkaytu gasing pagbuwaten it masigkataw nira.

Roma 2:8

Temed talagang egay maski sang kildan-tulduꞌ nga pasinsiya nga tanggapen it mga taw nga ipagpadaꞌeg lamang nga pirmi i sadili nira, nga yagay pagpakugayenen, karaꞌe-raꞌetan, nga pagpasngelan niray kamatuudan nga garing duꞌut Ampuꞌang Diyus. Talagang labayen nirang banar i iseg ya.

2 Tesalonica 2:12

Ipabetang na sirat atkaytu ka nakasiguru nay panriga kat muꞌsa nga, imbis nga pamayaꞌnen niray kamatuudan, karaꞌe-raꞌetan gay kiyayliyan.

1 Pedro 2:8

Baw natuman gasiꞌ i inaat nga, kabilangan ya, “Subuk batu nga pirming magkasampukan baw kakekleban it mga taw.” Magkasampuk sira ka iyan i ipiyabetang-betang it Ampuꞌang Diyus, sabap it daꞌsira magpamayaꞌ it ampang ya ngaytu nga Magayeng Baritaꞌ.

2 Pedro 3:3

Uꞌnat muꞌsa nga kaꞌilangan mi nga maꞌrutan, in magdadarapaꞌ nay umur it banwa, abutun kamu it mga mamagsumbayaꞌ it sadiling kaꞌirgan nga maraꞌe-raꞌet, baw buwaten nira na kamu nga kasesleman sabap it pamayaꞌ mi.