Juan 3:17 - Tagbanwa

¹⁷ Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 3:17 Iomraidhean Croise

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mateo 1:23

“Dumarugmatiꞌ i esang umba-umbay paꞌ nga ega paꞌ nakalabay it lalaki. Sumakit nga anak ya, lalaki. Taꞌwagen kanya nga Emmanuel (nga ireg sugiden, kaꞌiba-iba tami na i Ampuꞌang Diyus).”

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 18:11

Baw aku nga Taga Langit nga Ipiyanganak it Taw, yay inasitu ku, isaꞌun iribri kuy mga magkaꞌlam.

Lucas 19:10

Sabap aku nga Taga Langit nga Ipiyanganak it Taw, yay inasitu ku, pagtulusun kuy mga nateꞌag-teꞌag ka iribri ku sira kat panriga sabap it kasalaꞌan nira.”

Lucas 9:56

Egay beken, naꞌaduꞌun sira it beken nga baryu.

Juan 1:29

Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.

Juan 10:36

Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?

Juan 11:42

Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 17:18

In magꞌuꞌunu tiyaꞌeg mu aku nga manulduꞌ sinit kadakel it mga makasalaꞌan, atkayan naga pagtaꞌgen ku na sira, nga manulduꞌ naga duꞌut katataawan nga alaid pat imu.

Juan 17:21

isaꞌun magꞌurunyun sirang muꞌsa. Subung nagat aten, Amaꞌ, nga nagꞌuyun ta nga banar, ikaw sinit aken, aku asat imu, sang kagina-ginawaan ta lamang. Pagꞌangutun ku nga urunyun sira kat kaꞌirgan mu, isaꞌun sira baw kita, subuk sang kabilu-bilugan na. Pagꞌangutun kuytu isaꞌun pamayaꞌnen it mga katataawan nga ikaw i nagtaꞌeg it aken.

Juan 17:23

nga aku baw sira, ega nay beblagan sabap it pasarum duꞌut kanira nga Espiritu Santo, ka ikaw baw aku, sang kagina-ginawaan ta lamang. Sana buwaten mu sira nga magꞌuyun-uyunun nga banar, ka sikaytu makilalaan it mga katataawan ngayni nga ikaw i nagtaꞌeg it aken, baw sira pagmaꞌalen mu, subung gasiꞌ it pagmaꞌal mut aken.

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 17:3

Ituy mapisiꞌan nirat kaꞌgenang egay kaskedan, kamatuudang pagkilala nira it imu nga esa-esang matuud nga Ampuꞌang Diyus baw aku nga si Jesu-Cristo gasiꞌ nga tiyaꞌeg mu.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 20:21

Maat siꞌ ni Jesus it kanira, “Maꞌimyu nay kaꞌimbengan it nakem mi. In magꞌuꞌunu tiyaꞌeg akut Amaꞌ, atkayan naga pagtaꞌgen ku gasiꞌ kamu.”

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

Juan 5:36

Temed may pamatuud pasar it aken nga subraꞌ paꞌ it pamatuud ngaytu ni Juan. Iyan mga pagbuwaten ku nga ipagpabwat it aken it Amaꞌ ku, iyan i magpamatuud nga aku, tiyaꞌeg it Amaꞌ it paꞌasitu.

Juan 5:38

Talagang ega ipagdawaꞌ mi asat ulu mi i ampang ya sabap daꞌkamu magpamayaꞌ it aken nga tiyaꞌeg yang paꞌasitu.

Juan 5:45

Ega pikiren mi nga akuy dimimanda it imyu duꞌun it Amaꞌ. In daꞌga iyan si Moises, nga mga kasuratan yay pagpanggaringan it pagꞌiꞌinawaren mi, kanya i dimimanda it imyu.

Juan 6:29

“Ta itu bay ipagpabwat it Ampuꞌang Diyus, kaꞌilangan nga mamayaꞌ kamu it tiyaꞌeg ya nga paꞌasitu,” maat i tubag ni Jesus it kanira.

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Juan 6:57

Egen talagay Amaꞌ nga timnaꞌeg it aken it paꞌasitu baw aku, egen gasiꞌ sabap it kanya. Atkayan nagay in siyu-siyu nga kumaꞌen it aken. Egen kanya sabap it aken.

Juan 7:29

Temed aku, kilala ku kanya, ka duꞌun i garing ku, baw kanya i nagtaꞌeg it aken it paꞌasitu.”

Juan 8:11

Katubag i babay ngayti, maat ya, “Ta ega, Agalen.” “Ta maski aku,” maat ni Jesus, “ega rigaen ku ikaw. Mapanaw ka na baw pedkanan mu nay buwat it kasalaꞌan.”

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

1 Juan 2:2

Ka si Jesus ngaytu, binwat kanya nga panalisi, isaꞌun matanggung yay mga kasalaꞌan tami. Tiyanggung ya ngaytu nga kasalaꞌan, ega maat aten lamang, in daꞌga kasalaꞌan it muꞌsang taw situt sinirungat langit.

1 Juan 4:14

Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.