Juan 3:15 - Tagbanwa

¹⁵ Temed ituy kaꞌirgan it Ampuꞌang Diyus isaꞌun in siyuy mamayaꞌ it aken, nga aku na lamang i pagsarigan ya, siguradung mabgayan na kanyat kaꞌgenan nga egay kaskedan.”

Juan 3:15 Iomraidhean Croise

Mga Bilang 21:9

Aypaꞌ binwat nga matuud ni Moises i itiꞌen ngayti. Garing sikayti, kada matundaꞌ it dalitan ngayting dukul, basta timingaraꞌ lamang duꞌut tumbaga ngayting dukul, ega nga matuud magpatay, maꞌgen naga.

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 25:46

Ta, egay beken, idedeg na sira duꞌun it panriga nga egay katupusan. Temed iyan mga mataldeng ngaytu kat panleteg it Ampuꞌang Diyus, tumanggap sirat kaꞌgenan nga egay kaskedan.”

Marcos 16:16

Siyu-siyu nga pakimatuud baw mamayaꞌ baw pabawtis, siguradu yan nga maribri. Temed in siyuy ega mamayaꞌ, siguradu yan nga ukumanan it panriga.

Lucas 19:10

Sabap aku nga Taga Langit nga Ipiyanganak it Taw, yay inasitu ku, pagtulusun kuy mga nateꞌag-teꞌag ka iribri ku sira kat panriga sabap it kasalaꞌan nira.”

Juan 1:12

Temed may mga taw nagang namayaꞌ baw simnarig it kanya. Sira ngaytu, binggayan ya sirat pudir nga makapabetang sira nga mga anak it Ampuꞌang Diyus.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 3:16

Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.

Juan 3:36

Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Juan 5:24

Talagang matuud tuy itu nga ipagꞌaat kut imyu. Iyan magpagneg it mga pagꞌampangen ku baw magpamayaꞌ it nagtaꞌeg ngaytit aken, iyan i may kaꞌgenan nga egay kaskedan. Ega na ukumanan kanya it mabeꞌgat. Imbis nga panriga nga kamataynen, siguradung may magꞌaꞌareg nat kanya nga kaꞌgenan nga egay kaskedan.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Mga Binwat 13:41

nga magꞌaat, ‘Pagnegan mi tu, kamung mga mapiyanibabaꞌ. Talagang maliluꞌan mi i mabut it imyu nga ikaꞌilang mi. Sabap may buwaten ku kat timpu mi nga maski iꞌunu-unu pat tuturan it imyu i buwaten ku ngaytu, ega pakimatuudun mi.’”

Mga Binwat 8:36

Siging panulduꞌ ni Felipe, siging panaw it sarakayan ngayti. Ega naꞌlay, nakaꞌbut na sira duꞌut may danum. Maat it katimbang ngayti, “Ta, danum nay ituꞌun. Unu yan, mapakay na nga bawtisan mu aku?”

Roma 5:21

Aypaꞌ, maski nandaꞌeg i kasalaꞌan ngaytu nga liꞌwan ya kamataynen, diyaꞌeg naytut ildaw it Ampuꞌang Diyus. Ildaw na ngaytuy magpandaꞌeg ka, sabap it binwat it Ampuꞌan ta nga si Jesu-Cristo, mapakay na nga tumaldeng nay taw kat panleteg it Ampuꞌang Diyus baw mabgayan it kaꞌgenang egay kaskedan.

1 Corinto 1:18

Sabap kamataynen ngaytu ni Cristo nga ipagpangadal ku, subuk egay kakapulusan kat pasepsep it mga taw nga egay beken nga pagꞌabutun nira in daꞌga kamatayneng panriga nga egay kaskedan. Temed kita nga ipagribri nat Ampuꞌang Diyus, pagkilalaen tami nga kat kamataynen ngaytu ni Cristo i guna it Ampuꞌang Diyus kat ikaribri it taw.

2 Corinto 4:3

In beteꞌ subuk magtataguꞌ paꞌ i paꞌaaten it Magayen ngaytung Baritaꞌ nga ipagpangadal namen, pagsisiguruun ku nga atkaytu lamang kat mga taw nga kamatayneng panriga nga egay kaskedan i abutun.

Galacia 2:16

nasepsepan tami na nga ega kat pagsunud it taw it mga urdin ipabetang kanya nga mataldeng kat panleteg it Ampuꞌang Diyus, in daꞌga kat kamatuudang pamayaꞌ baw pagsarig ya it binwat ni Cristo Jesus. Aypaꞌ, maski kita ngaytu nga mga Judio, paribasay nakasepsep nat itu ngaytu, namayaꞌ tami na it ki Cristo Jesus. Ka natantuwan tami na nga pamayaꞌ baw pagsarig tami ngaytu it binwat ni Cristo i ikapisiꞌ tat maꞌawaꞌ i kasalaꞌan tami kat panleteg it Ampuꞌang Diyus, ega maat sadili tang pagsunud it mga urdin. Ka ega talagay maski siyu nga ipabetang it Ampuꞌang Diyus nga mataldeng sabap it pagsunud yat mga urdin, ka egay magkasunud it kaꞌustuꞌan.

Galacia 2:20

Ta kayti, maski egen aku paꞌ ngaytu, pagkilalaen ku nga subung it ega na akuy egen in daꞌga si Cristo na i egen kat bilug ku. Ka ega na aken nga kaꞌirgan i pagsunudun ku, in daꞌga kaꞌirgan ya na. Aypaꞌ mintras situ aku pat banwa, magpangaꞌgenan aku kat keseg it pamayaꞌ baw pagsarig ku it kanya nga Anak it Ampuꞌang Diyus, kanya nga nagpagtas it ginawa ya kat kadakulat raras ya it aken.

Hebreo 10:39

Temed kita, ega uyut duꞌut mga magpangindiꞌ ngayti nga maꞌilang kat pagdadarapaꞌen, ka aten, teꞌteꞌ i pamayaꞌ baw pagsarig tat Ampuꞌang Diyus. Aypaꞌ, kita, maribri ta talagay aten.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

1 Juan 2:25

Baw ituy isiyanggup it aten it Ampuꞌang Diyus, kaꞌgenan nga egay kaskedan.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.