Juan 3:14 - Tagbanwa

¹⁴ Baw in magꞌuꞌunu ipiyadibwat ni Moises i binwat ya nga subuk dukul duꞌut rugar nga kapupuyangtan, nga idiyuꞌun yat ipiyatindeg ya nga kayu, magꞌaꞌatkayan naga yan i buwaten it aken nga Taga Langit nga Ipiyanganak it Taw. Iransang nira aku duꞌut krus bawnga ipadibwat nira naga subuk dukul ngayting binwat.

Juan 3:14 Iomraidhean Croise

2 Mga Adiꞌ 18:4

Ipiyaranggaꞌ ya i mga papagsambaan duꞌun it mga mungsuꞌ baw ipiyaranggaꞌ ya paꞌ i mga pagsambaen nga mga ladawan it mga pagbete-beteꞌen nga diyus, pati mga piyakaꞌarigi nga ladawan ni Ashera. Ipiyarmek ya na gasiꞌ i ipiyabwat naga ngayti ni Moises nga dukul nga tumbaga i binwat sabap, seked it iting timpu, pagꞌantengan nira paꞌ it kamangyan baw piyangaranan nira nat Nehustan.

Mateo 26:54

Temed in angutun ku nga tabangen, magꞌuꞌunu matuman i duꞌun it mga isiyurat nga ampang it Ampuꞌang Diyus, nga magsugid nga talagang magꞌabut i atkaytu ngaytu?”

Mateo 8:20

Katubag si Jesus, maat ya, “Unu, matuud yan? Magayen demdemen mu nga may mga luꞌguꞌ it mga bunglun baw mga manu-manuk, may mga pugad nirat kanira. Temed aku nga Taga Langit nga Ipiyanganak it Taw, egay tandaꞌ nga pagꞌistaran ku, in daꞌga maski ari na lamang.”

Lucas 24:20

Ipiyaꞌalima kanya it mga pagbayaꞌen it sasirduti baw mga mataꞌas nga ginuꞌu duꞌun it gubirnadur isaꞌun mabetanganan kanyat ukuman nga kamataynen. Ta unupat iriyansang kanya duꞌun it krus.

Juan 18:32

Atkayti ka isaꞌun matuman i ipiyagꞌaat ni Jesus pasar it pabetang-betang it kamataynen ya.

Juan 6:51

Aku i pangaꞌen ngaytu nga magbegay it kaꞌgenan, nga limnampud nga garing duꞌut langit. May kaꞌgenan nga egay kaskedan it in siyu-siyuy kumaꞌen kaytu. Iyan pangaꞌen ngaytu nga ibgay ku, nga megay it kaꞌgenan nga egay kaskedan kat muꞌsang katataawan, sadili kung bilug.”

Juan 8:28

Aypaꞌ maat siꞌ ni Jesus it kanira, “Basta makapatindeg mi na i krus nga pagraransangan it kanya nga Taga Langit nga Ipiyanganak it Taw, sikayan payan matantuwan mi nga talagang matuud i ipagsugid ku nga in siyu aku. Maꞌrutan mi nga egaytuy pagbuwaten ku nga kat sadili ku na lamang, in daꞌga pagꞌampangen ku, iyan nga ipagtulduꞌ it aken it Amaꞌ ku.

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.