Juan 21:5 - Tagbanwa

⁵ Piyataꞌwagan sira ni Jesus, maat ya, “Mga Anak, daꞌga egay napisiꞌ mi nga sedaꞌ?” Nagdenga-denganen i tubag nira nga magꞌaat, “Daꞌga bay napisiꞌ namen.”

Juan 21:5 Iomraidhean Croise

1 Mga Adiꞌ 19:6

Pagmukrat ya pagpanigmata, naltegan ya duꞌut ayun it uluwan ya i sang batu nga tinapay nga ikiyalutuꞌ ya init it batu, baw may danum gasiꞌ nga duꞌut dadanuman. Nagbangun kanya ka kimnaꞌen. Pagkaꞌinum ya minigaꞌ siꞌ.

Mateo 14:15

Iyan apu-apun na, nagpatpad duꞌun it ki Jesus i mga alagad ya. Maat nira, “Tabiꞌ it imu, kapupuyangtan nga rugar i sikaytu baw ungaytu na, ega na maꞌlay semdep i aldaw. In mapakay sana, papanawun mu nay mga taw ngayan nga paꞌaduꞌun sirat mga baryu ka isaꞌun makapangalang sirat makaꞌen nira.”

Marcos 8:7

May pirang batu gasiꞌ nga seda-sedaꞌ nira. Nagpasalamat siꞌ si Jesus it sumaꞌup duꞌun it Ampuꞌang Diyus, bawnga isingkat yat mga alagad ya nga ipanundul gasiꞌ.

Filipos 4:19

Baw pagsisiguruun ku nga Ampuꞌang Diyus ngaytu nga pagsirbiyan ku, ildawan ya gasiꞌ kamu nga ibgay ya i muꞌsang mga pagkaꞌilanganen mi, sabap it pakilagpit mit ki Cristo Jesus. Yay matuud, kanyay tagpuꞌun it muꞌsa, aypaꞌ simpri talagang subray basta i ipagbegay yat aten nga ildaw ya.

Hebreo 13:5

Kaꞌilangan mangaꞌgenan kamu it ega kupagmanggad. Iyan i magayen, pagsagyaan mi na i kumpur magkaparagan mi, ega pagkudungagan nga pirmi. Sabap waytuy inaat it Ampuꞌang Diyus, maat ya, “Talagang ega pablagan u tananan ku kamu it seked kaꞌnu-kaꞌnu.”

1 Juan 2:13

Pagsuratan ku kamung magugurang sabap kilala mi naga kanya nga, garing it tagnaꞌ paꞌ nga ega pay banwa, may kanya nang lagi. Pagsuratan ku kamung mangaꞌwaꞌen sabap, kat pagsarig mit Ampuꞌan, naꞌindaꞌeg mi na si Satanas nga Gimpuꞌun it Karaꞌe-raꞌetan. Pagsuratan ku kamung mga bilang anak ku sabap kilala mi na talaga i Amaꞌ ta nga Ampuꞌang Diyus.

1 Juan 2:18

Mga bilang anak ku, adeꞌdeng nay kaskedan ngaytu, nga umur it banwa. Nagnegan mi na nga may mabut nga kakuntraꞌ ni Cristo. Baw maski kayti ngaytu, dakel i magpakikuntraꞌ it ki Cristo ngaytu, aypaꞌ urut tami na nga talagang adeꞌdeng nay umur it banwa.