Juan 21:22 - Tagbanwa

²² Katubag si Jesus, maat ya, “In ireg ku nga egen kanya seked it pamaꞌuliꞌ ku, unuy labe-labet mu? Kaꞌilangan magsunud kay imu it aken.”

Juan 21:22 Iomraidhean Croise

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Mateo 24:27

Sabap in magꞌuꞌunu maꞌyagan i langit garing it lebatan seked duꞌun it sedpan basta magkilat, atkayan naga yan i pamaꞌuliꞌ ku situ, aku nga Taga Langit nga Ipiyanganak it Taw. Talagang mamuyaan tu it muꞌsang katataawan.

Mateo 24:3

Bawnga iyan duꞌun na Jesus it Mungsuꞌ it Olibo, nga magꞌaꞌdung na kanya, tiyeꞌe-teꞌeng it mingkut it mga alagad ya. Maat nira, “Kaꞌnu bayan magꞌabut i paꞌaaten mu ngayan nga maranggaꞌ i Templo ngayti? Unuy mga tandaꞌanan nga magdadarapaꞌ nay pamaꞌuliꞌ mu situ baw umur it banwa?”

Mateo 24:44

Aypaꞌ magꞌaꞌalistu kamu nga pirmi, sabap mabut aku nga Taga Langit nga Ipiyanganak it Taw kat uras nga ega pagsisiguruun mi.”

Mateo 25:31

Ipiyasigi ni Jesus, nga maat ya, “In mabut aku nga Taga Langit nga Ipiyanganak it Taw, nga maꞌyag nay kabantugan ku baw kaꞌibaan kuy muꞌsang mga anghil, madung aku na duꞌun it ega basta-bastang araꞌdungan it adiꞌ.

Mateo 8:22

Temed katubag si Jesus, “Magayen in mayaꞌ ka lamang it aken kayti. Ipataꞌan mu na nga ilbeng i miyatay ngayti it mga beken nga kabilangan patay gasiꞌ sabap daꞌsira kupamayaꞌ it aken.”

Marcos 9:1

Maat pay beken nga inaat ni Jesus it kanira, “Matuud talagaytu i iꞌaat ku ngaytut imyu, nga may pira situ kayti nga ega matay seked it ega naltegan niray pangabut it kaꞌadiꞌan it Ampuꞌang Diyus kat ega masbungan nga guna ya.”

Juan 21:19

Inampang ni Jesus i atkayti ka bilang ipagpaꞌrut ya in magꞌuꞌunu-unu i kamataynen ni Pedro nga ikabantug it Ampuꞌang Diyus. Bawnga maat siꞌ ni Jesus, “Kaꞌilangan pagsunudun mu aku nga pirmi.”

Juan 21:21

Pagkalteg it kanya ni Pedro ngayti, iningkut ya si Jesus, nga magꞌaat, “Ampuꞌan, unu gasiꞌ i mabetangan it itung taw?”

1 Corinto 11:26

Sabap kada kumaꞌen kamu it tinapay baw minum kamu it atkaytung pamwat, talagang ipagtanyag mi i kamataynen it Ampuꞌan seked it saꞌup siꞌ nga paꞌasitu ya.

1 Corinto 4:5

Aypaꞌ ega betanganan mit ukuman i maski siyu in magayen u ega i pagsirbi nira. Elaten mi i timpu nga ipangukuman kat pamaꞌuliꞌ it Ampuꞌan. Siguradu yan nga ipalbaw ya i mga bagay nga kayti magtataguꞌ paꞌ kat kadleman. Baw ipalbaw ya gasiꞌ i maski pagꞌantapen it nakem it kada esa. Bawnga tumanggap na i kada esa it kabantugan nga gumaring duꞌun it Ampuꞌang Diyus nga bagay it kanya-kanyang binwatan.

1 Tesalonica 2:19

Simpri, kupakikita kami sit imyu, ka sabap it imyu, dakulaꞌ nga banar nga kasagyaan namen. Baw talagang pagꞌiꞌinawaren namen nga maneꞌteꞌ i pamayaꞌ mi, nga yay kat ikasagya baw ikabantug namen in madap tami na duꞌun it Ampuꞌan tami nga si Jesu-Cristo, kat pamaꞌuliꞌ ya situ.

Santiago 5:7

Aypaꞌ kamu nga mga sulsug ku kat pamayaꞌ, sagkaꞌen mi lamang it magayen i nakem i mga kakuriꞌan mi ngaytu. Panawun it pikiran mi i manigꞌuma. Daꞌga baꞌ, ega magkaꞌyawan kanya mintras pagꞌeꞌlaten ya nga manggayen i buwaꞌ it piyakarigaan ya, baw uran nga patubuꞌ, pakseg, pabwaꞌ baw paꞌsi?

Santiago 5:8

Sana kamu atkayan naga, nga daꞌkamu gasiꞌ maꞌyawan, in daꞌga teꞌteꞌan baw iꞌunay mi i pamayaꞌ mi, sabap magꞌadeꞌdeng nay ipaꞌuliꞌ ngaytu it Ampuꞌan.

Mga Ipiyalteg 1:7

Dedemdemen mi tu, mabut kanya nga subuk mangindelangan it kunum. Talagang maltegan tu it muꞌsang katataawan, pati mga nagꞌimatay it kanya. Ta sabap it kanya ngaytu, sumgaw i muꞌsang bangsat taw situt sinirungat langit, ka matantuwan na niray panriga. Talagang matkaytuytu nga matuud.

Mga Ipiyalteg 2:25

In daꞌga itu na lamang i ipagꞌurdin kut imyu. Teꞌteꞌan mi i pamayaꞌ baw pagsarig mit aken seked it mabut aku.

Mga Ipiyalteg 22:20

Talagang pagꞌaaten ni Jesus ngayting nagpamatuud it muꞌsa ngaytu, “Siguradu nga mabut aku it ega na maꞌlay.” Aypaꞌ yay tubag ku, “Sana mabut ka nang matuud, Ampuꞌan ku nga si Jesus!”

Mga Ipiyalteg 22:7

“Kaꞌilangan pagneg kamu,” maat i inaat ni Jesus. “Talagang siguradu nga mabut aku kat ega naga maꞌlay nga timpu.” Aypaꞌ magkasagya i magsunud nga banar it muꞌsa ngaytung ipiyatantu na nga magbebtang situt itung kasuratan.

Mga Ipiyalteg 3:11

Talagang mabut aku kat madaliꞌ nga timpu. Inturun mi nga, iyan pamayaꞌ mi it kamatuudan baw pagsunud mi it kaꞌirgan it Ampuꞌang Diyus, ega mateꞌag-teꞌag, isaꞌun ega masalaud i tumbas kut imyu, in daꞌga matanggap mi talaga.