Juan 21:19 - Tagbanwa

¹⁹ Inampang ni Jesus i atkayti ka bilang ipagpaꞌrut ya in magꞌuꞌunu-unu i kamataynen ni Pedro nga ikabantug it Ampuꞌang Diyus. Bawnga maat siꞌ ni Jesus, “Kaꞌilangan pagsunudun mu aku nga pirmi.”

Juan 21:19 Iomraidhean Croise

Mateo 10:38

Baw in siyu nga ega pasaꞌnen yay kanyang krus ka sumunud nat aken, talagang ega mapakay kanya nga taawan ku.

Mateo 19:28

Katubag si Jesus, maat yat kanira, “Kamatuudan tu nga iꞌaat kut imyu, nga in asan nat mabaꞌgu it Ampuꞌang Diyus i langit baw banwa, magꞌadiꞌ aku na nga Taga Langit nga Ipiyanganak it Taw, kat ega na babasta-bastaeng kabantugan. Bawnga kamu ngaytung sang puluꞌ may duwang alagad ku, kaꞌibaan ku na kamu kat pamegbeg ku ngaytut mga taawan ku nga bilang mga tungtung-inapuꞌ it sang puluꞌ may duwang iriyasyaꞌ ni Israel.

Mateo 8:22

Temed katubag si Jesus, “Magayen in mayaꞌ ka lamang it aken kayti. Ipataꞌan mu na nga ilbeng i miyatay ngayti it mga beken nga kabilangan patay gasiꞌ sabap daꞌsira kupamayaꞌ it aken.”

Juan 12:26

Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 12:33

Inampang yay atkaytu isaꞌun ipaꞌrut it kanira in magꞌuꞌunu matay kanya.

Juan 18:32

Atkayti ka isaꞌun matuman i ipiyagꞌaat ni Jesus pasar it pabetang-betang it kamataynen ya.

Juan 21:18

Kamatuudang-kamatuudan i pagꞌaaten ku ngaytut imu, nga iyan mangaꞌwaꞌen ka paꞌ, pagsadiliyen muy panaꞌbit mu baw magpanaw ka it in ari ireg mu nga panawan. Temed in gurang ka na, ibtir mu i mga alima mu baw belag nay pasaꞌbit it imu, baw tabanen ka na duꞌun it ega ireg mung aduꞌunan.”

Juan 21:22

Katubag si Jesus, maat ya, “In ireg ku nga egen kanya seked it pamaꞌuliꞌ ku, unuy labe-labet mu? Kaꞌilangan magsunud kay imu it aken.”

Filipos 1:20

Baw pagꞌiꞌinawaren ku gasing banar nga egay maski unu nga mabwat ku nga ikaꞌeyaꞌ ku. In daꞌga, pagꞌangutun ku nga subrang magmaꞌiseg i nakem ku kayti, subung it kaꞌlay ngaytu, isaꞌun matay maꞌgen aku, subraꞌ nga kat ikabantug ni Cristo.

2 Pedro 1:14

Sabap natantuwan ku nga daꞌku na paꞌlayen, ka ipiyaꞌrut tu it aken it Ampuꞌan tami nga si Jesu-Cristo.