Juan 21:18 - Tagbanwa

¹⁸ Kamatuudang-kamatuudan i pagꞌaaten ku ngaytut imu, nga iyan mangaꞌwaꞌen ka paꞌ, pagsadiliyen muy panaꞌbit mu baw magpanaw ka it in ari ireg mu nga panawan. Temed in gurang ka na, ibtir mu i mga alima mu baw belag nay pasaꞌbit it imu, baw tabanen ka na duꞌun it ega ireg mung aduꞌunan.”

Juan 21:18 Iomraidhean Croise

Lucas 12:37

Talagang makasagya i mga uripen nga, abutan it agalen nira, alistu sira nagay mamagꞌelat. Matuud talagay iꞌaat kut imyu, nga magtarakan i agalen ngaytu ka pakaꞌnen ya duꞌut papangaꞌnan i mga uripen ngaytu, nga kanya paꞌ i magꞌarigra it magkaꞌen.

Juan 13:36

“Ay ari aduꞌunan mu, Ampuꞌan?” ingkut ni Simon Pedro. Tubagen ni Jesus, maat ya, “Duꞌun it aduꞌunan ku daꞌka kabayaꞌ it aken kayti, temed tumundug ka naga yan it aken asat malangbusan.”

Juan 21:17

Tulung saꞌup i ingkut ngayti ni Jesus ngayting magꞌaat, “Simon nga anak ni Juan, unu talagang, kamatuudan i pagꞌireg mu ngayat aken?” Nasmek si Pedro kat ikatlu ngayting ingkut it kanya, nga magꞌaat, “Unu, pagꞌirgan mu aku?” Tumubag siꞌ si Pedro, maat ya, “Ampuꞌan, talagang magkaꞌrutan mu nay muꞌsang mga bagay. Urut mu na gasiꞌ in sang unuy pagꞌireg kut imu.” “Ta in atkayan,” maat siꞌ ni Jesus, “arigraen mut magayen i mga tupa ku.

Juan 21:19

Inampang ni Jesus i atkayti ka bilang ipagpaꞌrut ya in magꞌuꞌunu-unu i kamataynen ni Pedro nga ikabantug it Ampuꞌang Diyus. Bawnga maat siꞌ ni Jesus, “Kaꞌilangan pagsunudun mu aku nga pirmi.”

Mga Binwat 21:11

Inlep ya kami, bawnga inawaꞌ yay sambut ni Pablo ka ibiyayuk yat sadili yang mga aꞌay baw mga alima. Pagkabwat yat atkayti, miyampang kanya nga magꞌaat, “Ituy ipagpaꞌrut it Espiritu Santo. Atkaytuy buwaten it mga Judio duꞌun it Jerusalem, nga bayukun nira i tagpuꞌun it sambut ngaytu, bawnga ipaꞌalima nira duꞌun it mga taw nga ega Judio.”

2 Corinto 5:4

Ta kayti it situ tami pat banwa subuk daꞌta magkabaraꞌan sabap it mga kalubayan baw kakurangan it pandenaꞌ ngaytung bilug ta. Egaytu maat pagpaꞌbutun tami i kamataynen isaꞌun awaꞌan ta it bilug ta ngaytu, in daꞌga iyan i pagpaꞌbutun tami nga banar, nga magantiyan i bilug ta kayti it ega basta-bastang bilug nga panlangit. Ta sikayan, kaꞌgenan tami ngaytung may kaskedan, magantiyan na it kaꞌgenan nga egay kaskedan.