Juan 21:15 - Tagbanwa

¹⁵ Pagkakaꞌen nira, iningkut ni Jesus si Simon Pedro. Maat ya, “Simon, nga anak ni Juan, unu pagkayliyan mu aku subraꞌ pat kanira nga kayli it aken?” “Eeꞌ, Ampuꞌan. Urut mu na nga may pagꞌireg kut imu,” maat i tubag ni Pedro. “Ta in atkayan,” maat ni Jesus, “arigraen mut magayen i mga uꞌuybun nga tupa ku.”

Juan 21:15 Iomraidhean Croise

Genesis 33:13

“Barang daꞌtami kapagdenga-denganen,” maat ni Jacob, “ka magkaꞌrutan mu, agalen ku, nga may mangaꞌwaꞌ ngaytu nga marurupuk. Baw magregen akut barang matay i mga magꞌaꞌanak ngayan nga tupa baw bakaꞌ in ereg-eregen tami nga panaw nga maski seledat sang aldaw lamang i dareꞌdegan it kanira.

2 Mga Adiꞌ 20:3

“AMPUꞌANG DIYUS,” maat ya, “sanguꞌan mu naga aku ngayni nga nangaꞌgenan nga magsunud it imu it kamatuudan. Magkaltegan mu nga talagang pagbuwaten ku it tingled i nakem ku i kumpur mga bagay nga uyun it kaꞌirgan mu.” Siminggaw kanya nga banar kat kadakulaꞌ it kasmek ya.

Mateo 10:37

Iyan taw nga subrang pagmaꞌalen yay amaꞌ u inaꞌ ya, nga subraꞌ paꞌ it pagmaꞌal yat aken, ega mapakay kanya nga taawan ku. Baw iyan magmaꞌal it anak ya nga subraꞌ paꞌ it pagmaꞌal yat aken, ega mapakay kanya nga taawan ku.

Mateo 16:17

Pagtubag ni Jesus, maat ya, “Magkasagya ka, Simon nga anak ni Jonas, sabap kamatuudan ngaytung ituꞌun, ega ipiyaꞌrut it imu it maski siyu nga taw, in daꞌga Amaꞌ ku nga duꞌun it langit.

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 26:33

Mampang si Pedro, maat ya, “Maski kumurang i pamayaꞌ nira nga muꞌsa it imu, temed aku, ega tananan ku ikaw seked it kaꞌnu-kaꞌnu.”

Mateo 26:35

Temed magsusubraꞌ ga si Pedro, maat ya, “Maski baꞌ imatayen aku nga iba mu, ega talaga ipaylu ku ikaw!” Atkayti nagay inampang it muꞌsa ngayting beken nga mga alagad.

Marcos 14:29

Mampang si Pedro, maat ya, “Maski kumurang i pamayaꞌ nira nga muꞌsa it imu, temed aku, talagang ega tananan ku ikaw.”

Lucas 12:32

“Ayaw kamut iꞌlam, kamu nga pagtatarimaen ku nga bilang dekeyeng paenan it tupa ku. Sabap kasasagyaan talaga it Amaꞌ mi i pabetang-betang ya nga sakpen ya kamu kat kaꞌadiꞌan ya.

Lucas 22:32

Temed ta, ipiyanalangin ku naga, Simon, nga ega kapangindiꞌ ka it pamayaꞌ mut aken. Bawnga in kasinguliꞌ ka na baw makaꞌuliꞌnang kemseg i pamayaꞌ mut aken, paksegen mu i pamayaꞌ it mga kaꞌibaan mu ngaytu nga mga sulsug mu kat pamayaꞌ.”

Juan 1:42

Piyabayaꞌ ya si Simon duꞌun it ki Jesus. Pagkaꞌbut nira, liniling ni Jesus si Simon baw miyampang. Maat ya, “Ngaran mu kayti si Simon, nga anak ni Juan. Temed pangaranan kat ki Cefas.” (Cefas ngaytu, Pedro in kat Ginirego.)

Juan 13:37

“Ampuꞌan, unuka daꞌku kabayaꞌ it imu kayti?” ingkut siꞌ ni Pedro. “Yay matuud, ibgay kuy ginawa ku sabap it imu!”

Juan 16:27

Sabap pagmaꞌalen kamu nayang banar it Amaꞌ, ka pagmaꞌalen mi na aku baw magpamayaꞌ kamu nga garing aku duꞌun it Amaꞌ.

Juan 21:12

“Daliꞌ kamu na,” maat ni Jesus, “ka kumaꞌen tami daꞌat pangadedelman.” Egay nakaꞌurum mingkut nga maski siyu it kanira in siyu kanya, sabap urut na nira nga Ampuꞌan kanya.

Juan 21:7

Inaat si Pedro it alagad ngayti nga pagmaꞌalen ni Jesus, “Ampuꞌan bayan! Egay belag, talagang kanya!” Pagkagneg ni Simon Pedro ngayti, nagpakay kanya ka pagꞌaꞌawaꞌen yay pakayan ya. Bawnga nanugpa na duꞌut danum.

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Mga Binwat 20:28

Aypaꞌ kayti, yan pagꞌiꞌinturun mi nga pirmi i sadili mi nga pamayaꞌ, baw pagꞌiꞌipaten mi gasiꞌ i pamayaꞌ it kadakel it mga magpamayaꞌ asan it Efeso nga ipiyasakep it Espiritu Santo it imyu nga mga magpamaalaꞌ. Arigraan mit magayen i mga subuk inalang ngaytit Ampuꞌang Diyus isaꞌun kanya nang taawan, nga egay beken nga ipiyagꞌalang ya, in daꞌga duguꞌ it sadili yang Anak nga si Jesus.

Mga Binwat 20:29

Ka magkaꞌrutan ku nga pagkagaring ku, may mabut asan it Efeso nga mga taw nga manulduꞌ it talagang kamaliꞌ. Kaꞌalimbawaan nira, subuk maiꞌiseg nga bunglun nga magꞌaged it mga tupa, ka kuranggaꞌen nira i pamayaꞌ it mga magpamayaꞌ duꞌun it imyu.

Roma 14:1

Itu paꞌ gasiꞌ i isugid ku. Kaꞌilangan, tanggapen mit masagya i iyan mga kaꞌibaan mi nagat magpamayaꞌ it ki Cristo temed ega paꞌ magꞌalaid i kasepsep nirat kaꞌulugan it itung mga bagay kat pangaꞌgenan nira it aldaw-aldaw. Takaꞌ ega tanggapen mi isaꞌun lamang pakidaꞌgan mi sirang pirmi duꞌut kakurangan ngaytit kasepsep nira.

Roma 15:1

Ta, kayti, kita ngaytu nga magꞌalaid nay kasepsep pasar it magayen nga pagsunud it Ampuꞌan, kaꞌilangan, ega naga pabaya-bayaꞌan tami i iyan mga malbaw paꞌ ngayan nga kasepsep, in daꞌga tabangen. Magayen ega lamang sadili nga kaꞌirgan i kat pikiran,

1 Corinto 8:11

Aypaꞌ subraꞌ ngaytu nga kasepsep mu, yay ipagkaranggaꞌ it pamayaꞌ it sulsug mu nga kurang pay kasepsep, kanya nga esa nagang sana maribri sabap it kamataynen ni Cristo.

Galacia 5:6

In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.

Efeso 4:14

Ka ireg it Ampuꞌan nga daꞌta na subung it mangaꞌwaꞌ nga magkataban it duꞌun-sini nga panulduꞌ, nga subung sirat sakayan nga maglultaw lamang nga ipagtingbeꞌ-tingbet langeb baw ipagpirpir it deres. Magayen daꞌta na maluku it panulduꞌ it mga taw nga ega magayen i antap it nakem nira ka subung sirat magpangapaꞌ lamang it in siyuy maꞌakalan nira.

Efeso 6:24

Ipagpanalangin ku gasiꞌ nga subraꞌ nga begayan it ildaw it Ampuꞌang Diyus i muꞌsa nga may kamatuudang pagmaꞌal it Ampuꞌan tami nga si Jesu-Cristo.

Hebreo 13:20

Iyan duguꞌ nga ipiyaturuꞌ it Ampuꞌan ta nga si Jesus, iyan i magpapaꞌgen it Baꞌgu ngaytung Pakiꞌupakat nga egay kaskedan. Aypaꞌ inggen si Jesus it paꞌuliꞌ it Ampuꞌang Diyus baw nagbaraꞌ kanya nga ega Basta-bastang Manigꞌeper it mga tupa, sira nga magpamayaꞌ it kanya. Ampuꞌang Diyus ngaytu i puꞌun it kaꞌimbengan it nakem, baw ipagpanalangin ku nga ildawan ya kamu

Hebreo 4:13

Talagang egay magkataguꞌ duꞌun it Ampuꞌang Diyus. Muꞌsang bagay, maꞌyag kat panleteg ya, baw kanya i panubagan tami nga muꞌsa kat muꞌsang mga binwatan ta.

1 Pedro 1:8

Sabagay ega talaga naltegan mi si Jesu-Cristo ngaytu. Temed lamang ega naltegan mi, pagmaꞌalen mi na kanya. Baw pagpamayaꞌnen mi gasiꞌ, maski ega magkaltegan mi kanya. Aypaꞌ ka maski kayti paꞌ ngaytu, ega na masugid i ega basta-bastang kasagyaan kat nakem mi.

1 Pedro 2:2

Panawun it pikiran mi i adat it madaragen nga magkududuꞌ nga pirmi. Ta sana, atkayan nagay imyu, nga magkuꞌadal nga pirmi it ampang it Ampuꞌang Diyus, ampang ya nga purus kamatuudan, isaꞌun kemseg kamu nga mga anak ya, nga magsisigi nga dumakulaꞌ i pamayaꞌ mi, seked it maꞌbut na nga maribri kamu duꞌun it langit.

1 Pedro 2:25

Sabap kaꞌalimbawaan mi, subung kamut mga tupa nga namagkatari-tariwanak ka namagkateꞌag-teꞌag na. Temed kayti tiningped kamu siꞌ it Manigꞌeper nga si Cristo, nga magtatarima it imyu it kaꞌustuꞌan nga pagtarima.

1 Juan 4:19

Yay matuud, may pagmaꞌal baw kararas tami nay aten sabap it pagmaꞌalen baw pagrarasan ta nga lagi it Ampuꞌang Diyus.

1 Juan 5:1

In siyu-siyuy magpamayaꞌ nga si Jesus, kanya nay paꞌaateng Cristo ngayti nga Manriribring Adiꞌ nga isiyanggup, subung na kanyat ipiyanganak it Ampuꞌang Diyus. Baw yay matuud, in pagmaꞌalen ta kanya ngaytu nga bilang nanganak, simpri rarasan ta na i kumpur bilang ipiyanganak ya nga beken.

Mga Ipiyalteg 2:23

Pangimatayen ku gasiꞌ i mga anak ya nga lupaw. Sikayan maꞌrutan it muꞌsang magpamayaꞌ nga aku i manigrikisaꞌ it kaꞌirgan baw in unuy kat nakem it taw. Talagang tumbasan kuy kada esat imyu uyun kat mga pagbuwaten mi.