Juan 20:30 - Tagbanwa

³⁰ Dakel paꞌ i mga tandaꞌanan nga kalililuꞌang bagay nga binwat ni Jesus, nga nagpasar kat matat mga alagad ya ngayti, temed ega na nakabtang situt itu ngaytung kasuratan.

Juan 20:30 Iomraidhean Croise

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

Juan 21:25

May beken baw dakel paꞌ nga binwat ni Jesus. In beteꞌ isurat nga muꞌsa, pagsisiguruun ku nga ega kasadang it muꞌsang banwa nga situt sinirungat langit i kadakel it mga masuratan kaytu.

Juan 6:2

Tiyundug kanya it dakel na nga mga taw sabap it magkaltegan nira ngayti nga mga tandaꞌanan nga kalililuꞌang bagay nga pagbuwaten ya, nga pagpagayenen ya i mga magsarut.

Roma 15:4

Ega lipaten mi nga, muꞌsa nga magbebtang duꞌun it kasuratan garing paꞌ it tagnaꞌ, panulduꞌ naytut Ampuꞌang Diyus it aten. Ka sabap it ampang ya ngaytu magkasagkaꞌ ta it mga kakuriꞌan nga magꞌabut it aten, baw pagpaksegen i nakem tami isaꞌun subraꞌ nga maꞌingget i paniguru ta it kagayenan nga maꞌaten kat pagdadarapaꞌen.

1 Corinto 10:11

Nagꞌabut tu it kanira nga bilang paꞌimbanda it kadakel, baw isiyurat isaꞌun paꞌimbandaan tami gasiꞌ, kita nga mga inabut na it sauryan nga timpu.

1 Juan 5:13

Itung mga bagay, ipagsurat kuytu asat imyu nga mga magpamayaꞌ baw magsarig it Anak it Ampuꞌang Diyus, isaꞌun masiguru mi nga kamu, may kaꞌgenan na nga egay kaskedan.