Juan 20:25 - Tagbanwa

²⁵ Aypaꞌ itiyuturan na lamang it kanya it beken ngayting alagad. Maat nira, “Naltegan namen siꞌ bay Ampuꞌan!” Pagkagneg ni Tomas, maat ya, “Bilaꞌ, daꞌku bayan paratya basta ega maltegan kuy piyanawan it ransang ngayan asat alima ya, baw maruꞌukan kut tutulduꞌ ku, baw alima ku ilaꞌut ku gasiꞌ asat kilid ya.”

Juan 20:25 Iomraidhean Croise

Mateo 27:42

Maamaatan sira, “Magkaparibri yay beken, temed ega magkaribri yay sadili ya nga bilug. Daꞌga baꞌ kanyay Adiꞌ it Israel? In lumampud kanya kayti asan it krus ngayan, simpri mamayaꞌ tami nat kanya.

Marcos 16:11

Temed daꞌsira magpamayaꞌ it pagsugiden ngayti ni Maria nga egen siꞌ si Jesus, nagpakikita nat kanya.

Marcos 16:13

Nagpaꞌuliꞌ duꞌut Jerusalem i duwa ngayti ka isiyugid duꞌut mga kaꞌibaan nira i naꞌanuꞌan nira ngaytit magpanaw. Temed maski sira ngayti, daꞌsira pagpamayaꞌnen.

Marcos 16:14

Baw siꞌ nga nagpakikita na si Jesus it sang puluꞌ may esa ngayti nga mga alagad ya. Mamagkaꞌen i tiyakaꞌ ya. Siyardaw ya sira sabap kurang pay pamayaꞌ nira, baw sabap it kadsen it ulu nira nga daꞌsira ngayti magpamayaꞌ it mga piyakikitaan ya, pagꞌegen ya na ngaytit paꞌuliꞌ.

Lucas 24:25

Mampang si Jesus, maat yat kanira, “Abaa, kadsen it ulu mi ngaytu! Subuk ega paꞌ magkaꞌbut it pikir mi ka ega pagpakimatuudun mi i kapuꞌsaan it ipagꞌaat it mga prupitaꞌ.

Juan 1:41

Liyalangbus ni Andres it maduꞌun i sulsug ya ngayting si Simon. Pagꞌabut ya, maat ya, “Nakitaan namen nay Adiꞌ ngayan nga isiyanggup it Ampuꞌang Diyus” (nga ireg sugiden, Cristo).

Juan 20:27

Bawnga inaat ya si Tomas, “Letganan muy mga alima ku, baw iruꞌuk mu nay tutulduꞌ mu sinit bungad nga piyanawan it ransang. Ilaꞌut mu na gasiꞌ i alima mu sinit kilid ku. Ayaw ka nat pakiꞌambut. Pamayaꞌnen mu na.”

Juan 21:7

Inaat si Pedro it alagad ngayti nga pagmaꞌalen ni Jesus, “Ampuꞌan bayan! Egay belag, talagang kanya!” Pagkagneg ni Simon Pedro ngayti, nagpakay kanya ka pagꞌaꞌawaꞌen yay pakayan ya. Bawnga nanugpa na duꞌut danum.

Juan 6:30

Maat siꞌ it mga taw ngayti, “Ay unuy makapaliꞌwan mu nga tandaꞌanan nga kalililuꞌang bagay isaꞌun makapamayaꞌ kami it imu? Ta unu yan i mabwat mu nga subraꞌ paꞌ it pagpakaꞌnen i katataawan?

Hebreo 3:12

Aypaꞌ, mga kasulsugan, magꞌintur kamu nga pirmi isaꞌun sana egay maski siyu it imyu i may adat nga maraꞌway, nga ega tingled i nakem ya kat pamayaꞌ ya. Ka iyan nay tumaban it kanya it mangindiꞌ it Ampuꞌang Diyus nga egen it egay kaskedan.

Hebreo 3:18

Baw ta, siyu gasiꞌ i pagpaꞌiguꞌan ya it isiyumpa ya ngaytu nga magꞌaat, “Talagang daꞌsira makapapaꞌna kat pudir ku duꞌun it rugar ngayti nga isiyanggup kut kanira”? Daꞌga sira ngayti nga ega namagsunud it mga ampang ya i pagpaꞌiguꞌan?