Juan 20:21 - Tagbanwa

²¹ Maat siꞌ ni Jesus it kanira, “Maꞌimyu nay kaꞌimbengan it nakem mi. In magꞌuꞌunu tiyaꞌeg akut Amaꞌ, atkayan naga pagtaꞌgen ku gasiꞌ kamu.”

Juan 20:21 Iomraidhean Croise

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Mateo 10:40

Pangiyaꞌpusan it ipagpanulduꞌ ngaytu ni Jesus, maat ya, “Iyan talaga magtanggap baw mistimar it imyu, magtanggap gasiꞌ yan it aken. Baw iyan magtanggap it aken, pagtanggapen ya gasiꞌ i Ampuꞌang Diyus nga nagtaꞌeg it aken it paꞌasitu.

Lucas 24:36

Iyan sigi paꞌ nga runding nira pasar it iti ngayti, sakaliꞌ nga magtitindeg na si Jesus duꞌun it piyagtenga-tengaꞌan nira. Maat yat kanira, “Ayaw kamut iꞌlam. Pasagyaen mi nay nakem mi.”

Juan 13:20

Kamatuudan talagay ipagꞌaat ku ngaytut imyu. Iyan magtanggap it pagtaꞌgen ku, aku i pagtanggapen ya. Baw iyan nga magtanggap it aken, pagtanggapen ya gasiꞌ i nagtaꞌeg it aken.”

Juan 14:27

Kaꞌimbengan it nakem mi i ipasubli kut imyu. Iyan kaꞌimbengan nga ibgay ku ngaytu, ega nay kasbung. Ega subuk kaꞌimbengan nga magkabgay it banwa ngaytu nga ega magpaneꞌteꞌ. Aypaꞌ ayaw kamut kasusa. Daꞌkamu miꞌlam.

Juan 20:19

Iyan delem na it aldaw ngaytit Linggo, duꞌun nay mga alagad ngayti it seled it esang balay. Mamagsisiradu it magayen i mga talaꞌep ka magꞌiꞌlam sirat mga pagbayaꞌen nirang mga Judio. Sakaling naltegan nirang magtitindeg si Jesus duꞌut piyagtenga-tengaꞌan nira! Maat yat kanira, “Ayaw kamut iꞌlam. Pasagyaen mi nay nakem mi.”

Juan 20:22

Pagkaꞌampang ya kayti, inyepan ya sira baw maat ya, “Mapakay na nga matanggap mi nay pasarum kat bilug mi nga Espiritu Santo.

Juan 20:26

Nagtaꞌlib i sang lingguꞌ, natiꞌmes it sumaꞌup i mga alagad duꞌut seled it balay. Puꞌsa na sira, pati si Tomas duꞌun na. Mamagsisiradu nagat magayen i mga talaꞌep. Temed batiꞌan nira duꞌun nat seled si Jesus, magtitindeg siꞌ duꞌut piyagtenga-tengaꞌan nira. Inaat ya sira, “Pasagyaen mi nay nakem mi.”

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Mga Binwat 1:2

seked it aldaw nga piyaꞌuliꞌ na kanya duꞌun it langit, pagkatupus it mga ipiyagꞌaat yat mga piniliꞌ ya ngayti nga mga alagad, nga isingkat yat kanira i buwaten nira kat keseg it Espiritu Santo.

Mga Binwat 1:8

Temed yay matuud, pagpasarum it Espiritu Santo kat bilug mi, maꞌimyu nay ega basta-bastang kakayaan. Baw pamatuud kamu na sabap it aken, ega lamang situt Jerusalem in daꞌga duꞌun it muꞌsang rugar nga sakep it Judea baw Samaria, baw kat paꞌari-aring rugar nga situt sinirungat langit.”

2 Timoteo 2:2

Magayen, iyan mga nagnegan mu sinit aken kat adapan it kadakel nga magdedngeg, ipangadal mu kat mga taw nga magkasarigan, isaꞌun magkakayaan na nira nga ipangadal gasiꞌ duꞌun it beken.

Hebreo 3:1

Aypaꞌ kayti, mga kasulsugan ku nga subung nat ipiyapinpin it Ampuꞌang Diyus, kamu nga ipiyabetang-betang ya nga makaꞌistar duꞌut langit kat pagdadarapaꞌen, magayen in panawun it pikir mi si Jesus ngaytu. Kat kamatuudan nga pagpamayaꞌnen tami, kanya i ipiyaꞌasitu it Ampuꞌang Diyus, baw kanya i Piyakamataꞌas nga Sasirduti nga magpanindeg it aten.

3 Juan 1:14

Pagꞌiꞌinawaren ku sana nga kapaꞌasan aku it imyu it madaliꞌ, isaꞌun kapagsugi-sugid tat nagꞌadap.