Juan 20:2 - Tagbanwa

² Ta sabap it itiꞌen, magpapalagyu kanya nga naꞌaduꞌun it ki Simon Pedro baw duꞌun it alagad ngayti nga pagmaꞌalen ni Jesus. Pagꞌabut ya, maat ya, “Pinsiꞌ na bay Ampuꞌan duꞌun it lebeng ya. Ega magkaꞌrutan namen in ipiyaꞌunu-unu na.”

Juan 20:2 Iomraidhean Croise

Juan 13:23

Iyan esa nga alagad nga talagang pagmaꞌa-maꞌalen ni Jesus, magꞌaꞌdung duꞌun it tepad ya.

Juan 19:26

Pagkalteg ni Jesus it inaꞌ ya ngayti, baw pagmaꞌalen ya ngayting alagad ya nga magtitindeg duꞌun it umi-umid it inaꞌ ya, maat ya, “Iyan nay ipabetang mu nga anak mu.”

Juan 20:13

Miyampang sira nga ingkut nirat ki Maria, maat nira, “Edeꞌ, unuy magkasgawan mu?” Katubag si Maria, maat ya, “Pinsiꞌ nira bay Ampuꞌan ku. Taꞌway in ari nay tiyabanan nira.”

Juan 20:15

Iningkut kanya ni Jesus, “Unuy magkasgawan mu? Siyuy pagtulusun mu?” Tanud ni Maria, iti, manigꞌarigra it kalulwakan ngayti. Aypaꞌ maat ya, “Amay, tabiꞌ it imu, in beteꞌ ikaw i minsiꞌ it kanya, itulduꞌ mut aken in ari tiyabanan mu, ka pisiꞌen ku naga.”

Juan 20:9

(Ega paꞌ magkasepsepan niray duꞌun it kasuratan, nga magbebtang duꞌun nga magꞌaat, kaꞌilangan magꞌegen nagat paꞌuliꞌ si Jesus.)

Juan 21:20

Nalingawan ni Pedro nga magdadasun it kanira i alagad ngayting pagmaꞌalen ni Jesus, kanya ngayti nga simnandir duꞌun it ki Jesus iyan magkaraꞌnen sira ngayti it pangiyapun, baw miningkut ngayti nga magꞌaat, “Ampuꞌan, siyu bay bayaꞌen ngayan it mga kuꞌimatay it imu?”

Juan 21:24

Ta, itu nagang alagad nga dimnasun ngaytit kana Jesus duwa ni Pedro, magpamatuud kanya it muꞌsa ngaytu pasar it ki Jesus. Kanya naga gasiꞌ i simnurat it mga itu ngaytu. Talagang magkaꞌrutan namen nga matuud tuy ipagpamatuud ya ngaytu.

Juan 21:7

Inaat si Pedro it alagad ngayti nga pagmaꞌalen ni Jesus, “Ampuꞌan bayan! Egay belag, talagang kanya!” Pagkagneg ni Simon Pedro ngayti, nagpakay kanya ka pagꞌaꞌawaꞌen yay pakayan ya. Bawnga nanugpa na duꞌut danum.