Juan 20:19 - Tagbanwa

¹⁹ Iyan delem na it aldaw ngaytit Linggo, duꞌun nay mga alagad ngayti it seled it esang balay. Mamagsisiradu it magayen i mga talaꞌep ka magꞌiꞌlam sirat mga pagbayaꞌen nirang mga Judio. Sakaling naltegan nirang magtitindeg si Jesus duꞌut piyagtenga-tengaꞌan nira! Maat yat kanira, “Ayaw kamut iꞌlam. Pasagyaen mi nay nakem mi.”

Juan 20:19 Iomraidhean Croise

Mateo 10:13

Ta, makaniraytu nga matuud basta pamayaꞌnen niray panulduꞌ mi, temed in ega, ta ega naga.

Mateo 18:20

Sabap maski ari nga may magtingped nga maski duwa u tulu lamang nga kataawan nga mga taawan ku, duꞌun aku naga nga iba nira.”

Marcos 16:14

Baw siꞌ nga nagpakikita na si Jesus it sang puluꞌ may esa ngayti nga mga alagad ya. Mamagkaꞌen i tiyakaꞌ ya. Siyardaw ya sira sabap kurang pay pamayaꞌ nira, baw sabap it kadsen it ulu nira nga daꞌsira ngayti magpamayaꞌ it mga piyakikitaan ya, pagꞌegen ya na ngaytit paꞌuliꞌ.

Juan 14:27

Kaꞌimbengan it nakem mi i ipasubli kut imyu. Iyan kaꞌimbengan nga ibgay ku ngaytu, ega nay kasbung. Ega subuk kaꞌimbengan nga magkabgay it banwa ngaytu nga ega magpaneꞌteꞌ. Aypaꞌ ayaw kamut kasusa. Daꞌkamu miꞌlam.

Juan 16:22

Kamu, atkayan naga yan. Kayti masmek kamu, temed makitaan mi naga yan aku. Sikayan subrang-subraꞌ siꞌ i kasagyaan mi. Baw kasagyaan mi ngaytu, magꞌuꞌunay na, nga ega maꞌawaꞌ it maski siyu.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 20:21

Maat siꞌ ni Jesus it kanira, “Maꞌimyu nay kaꞌimbengan it nakem mi. In magꞌuꞌunu tiyaꞌeg akut Amaꞌ, atkayan naga pagtaꞌgen ku gasiꞌ kamu.”

Juan 20:26

Nagtaꞌlib i sang lingguꞌ, natiꞌmes it sumaꞌup i mga alagad duꞌut seled it balay. Puꞌsa na sira, pati si Tomas duꞌun na. Mamagsisiradu nagat magayen i mga talaꞌep. Temed batiꞌan nira duꞌun nat seled si Jesus, magtitindeg siꞌ duꞌut piyagtenga-tengaꞌan nira. Inaat ya sira, “Pasagyaen mi nay nakem mi.”

Juan 21:1

Ega siꞌ naꞌlay, nagpakikita siꞌ si Jesus duꞌun it mga alagad ya ngayti, duꞌun it tambing it Lapnaw it Tiberias, magꞌaꞌatkaytu siꞌ i pakikita ya.

Juan 21:14

Ituy ikatlu nga pakikita ni Jesus it mga alagad ya, pagkaꞌgen ya ngaytit paꞌuliꞌ.

Juan 7:13

Temed yanayti, ega ipagpabusak-busak nira duꞌun it kadadaklan ka magꞌiꞌlam sirat mga pagbayaꞌen nira.

Mga Binwat 1:3

Mga alagad ya ngayti, siray paꞌaaten nga mga apustul. Baw garing it inimatay baw nagꞌegen siꞌ si Jesus seked it pagꞌuliꞌ ya ngayti duꞌun it langit, seledan it epat nga pulung aldaw pirmi kanya nga magpakikita duꞌun it kanira. Dakel i ipiyalteg ya nga puriba nga nagꞌegen naga kanya, baw itiyulduꞌ ya paꞌ it kanira i pasar it kaꞌadiꞌan it Ampuꞌang Diyus.

Roma 15:33

Baw ipagpanalangin ku gasiꞌ kamu nga sana pagtatarimaen kamung muꞌsa it Ampuꞌang Diyus, kanya nga puꞌun it kaꞌimbengan it nakem.

1 Corinto 15:5

Baw nagpakikita kanya it ki Pedro, bawnga iti, beken ngayting mga alagad.

Efeso 2:14

Talagang, sabap it ki Cristo ngaytu, magkagayen tami na, kami nga mga Judio baw kamu nga ega Judio. Inesa-esa ya na kita ka piyaraw ya na i pagkuntra-kuntraꞌen tami nga yanay magkaꞌarbeng it aten, nga daꞌga ipagkapagꞌiba-iba tami.

Efeso 6:23

Ipagpanalangin ku nga sana ibgay it imyu it Diyus Amaꞌ baw Ampuꞌan nga si Jesu-Cristo i pagꞌurunyun nga kat ikaꞌimbeng it pakiꞌiba-iba mi nga sang sulsugan. Sana padakulaꞌen gasiꞌ i raras mi it esa may esa baw papaꞌgenen i pamayaꞌ mi.

Filipos 1:2

Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Ampuꞌang Diyus nga Amaꞌ tami baw Ampuꞌan nga si Jesu-Cristo.

2 Tesalonica 3:16

Ta, ipagpanalangin namen duꞌun it Ampuꞌan nga puꞌun it kaꞌimbengan it nakem, nga maski unuy kabetangan mi, sana pirmi ya nga ipagbegay it imyu i kaꞌimbengan ngaytu. Baw sana pirmi nga kaꞌibaan mi nga muꞌsa i Ampuꞌan ngaytu.

Hebreo 7:2

Bawnga binwat ni Abraham, ibinggay yat ki Melquisedec ngayti i ikasang puluꞌ nga bagiꞌ it kumpur narangpas ya duꞌut piyakibunuꞌan ya ngayti nga mga adiꞌ nga inusig nira. (Ta ngaran ngaytu nga Melquisedec, may kaꞌulugan ya. Ireg nga sugiden “adiꞌ nga magbegay it kataldengan.” Baw ngaran ngaytung Salem, ireg nga sugiden “kaꞌimbengan.” Aypaꞌ, paribasay adiꞌ si Melquisedec duꞌut Salem, kaꞌulugan ya, “adiꞌ nga magbegay it kaꞌimbengan.”)

3 Juan 1:14

Pagꞌiꞌinawaren ku sana nga kapaꞌasan aku it imyu it madaliꞌ, isaꞌun kapagsugi-sugid tat nagꞌadap.

Mga Ipiyalteg 1:4

Aku nga si Juan i magsurat asat imyu, mga gurupu it mga magpamayaꞌ baw magsarig it Ampuꞌan kat pitung rugar nga sakep it Asia. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Diyus Amaꞌ, baw Ampuꞌan nga si Jesu-Cristo baw Espiritu Santo. Diyus Amaꞌ ngaytu, egen it egay kaskedan, ka garing it tagnaꞌ paꞌ may kanya na, pati kayti baw seked it kaꞌnu-kaꞌnu may kanya ga lamang. Baw Espiritu Santo ngaytu, tuluꞌ tu kanya it Ampuꞌang Diyus ngayting magꞌaꞌdung duꞌun it araꞌdungan ya kat pagkaꞌadiꞌ.