Juan 20:18 - Tagbanwa

¹⁸ Napanaw na si Maria Magdalena ngayti, nga naꞌaduꞌun nga matuud it mga alagad ka tuturanan sira. Pagꞌabut ya maat ya, “Naltegan ku siꞌ bay Ampuꞌan!” Baw isiyugid ya nay ipiyagꞌaat ngayti ni Jesus it kanya.

Juan 20:18 Iomraidhean Croise

Mateo 27:56

Uyut duꞌun it mga babay ngayti si Maria Magdalena, si Maria nga inaꞌ ni Santiago baw ni Jose, baw asawa ni Zebedeo.

Mateo 28:10

Maat ni Jesus it kanira, “Ayaw kamut iꞌlam. Mapanaw kamu na ka sugidan mi i mga alagad ku nga ipagpabetang ku na nga mga sulsug ku. Aaten mi nga paꞌaduꞌun sirat Galilea. Makitaan nira yan aku duꞌun.”

Lucas 24:10

Mga babay ngayti, si Maria Magdalena, si Juana baw si Maria nga inaꞌ ni Santiago, baw may kaꞌibaan paꞌ nirang beken nga mga babay it nanuturan ngayti duꞌun it mga alagad.

Juan 19:25

Magtitindeg duꞌun it adeꞌdeng it krus i inaꞌ ni Jesus baw minan ya nga sulsug nga babay it inaꞌ ya ngayti. Duꞌun gasiꞌ si Maria nga asawa ni Cleopas baw si Maria Magdalena.

Juan 20:1

Madelem-delem paꞌ it aldaw it Linggo, naꞌaduꞌun na si Maria Magdalena it limbengan ngaytit ki Jesus. Pagꞌabut ya, letganan ya, pagꞌaꞌawaꞌen nay ilimpen ngayti nga batu duꞌun it balaꞌbaꞌan it lebeng.