Juan 20:16 - Tagbanwa

¹⁶ “Maria,” maat ni Jesus ngayti. Egay beken, nanarunga kanya baw nakagaꞌuy. Yanay naꞌampang ya, “Raboni!” (Ireg sugiden it Hinebreo ngayting ampang, Manigtulduꞌ.)

Juan 20:16 Iomraidhean Croise

Genesis 22:1

Nagtaꞌlib i mga taꞌun, siyukdanan it Ampuꞌang Diyus si Abraham. Tiyaꞌwagan kanyat Ampuꞌang Diyus, nga magꞌaat, “Abraham!” “Wayni aku, Agalen ku,” maat i tubag ya.

Genesis 22:11

sakaliꞌ nga nakagneg kanyat taꞌwag nga duꞌun it langit i garing. Anghil it AMPUꞌANG DIYUS i magpataꞌwag it kanya, nga magꞌaat, “Abraham, Abraham!” Maat i tubag ya, “Wayni aku, Agalen ku.”

Genesis 45:12

Ta kamung mga sulsug ku, magkaltegan mi na, baw kuꞌkup ku nga si Benjamin ngaytu, magkaltegan ya gasiꞌ nga talagang aku naytu, si Jose na baytuy magpakiꞌsugi-sugid ngaytut imyu.

Exodo 3:4

Temed desa maat nga elpen na ni Moises, piyataꞌwagan kanya it Ampuꞌang Diyus, nga duꞌun na it sugu ngayti i pagseraꞌan, nga magꞌaat, “Moises, Moises!” “Wayni aku,” katubag si Moises ngayti.

Exodo 33:17

“Ta, buwaten ku nayan i kaꞌirgan mu ngayan,” maat it AMPUꞌANG DIYUS, “sabap matuud nga pagsagyaan ku ikaw baw kilala ku nay adat mu.”

Isaias 43:1

Bangsa nga Israel, kamu nga mga tungtung-inapuꞌ ni Jacob, itu i ipagsasar it AMPUꞌANG DIYUS nga nagguna it imyu. “Ayaw kamu it iꞌlam. Ipagribri ku yan kamu. Akuy nagpabetang-betang it in siyu kamu nga mga taw, nga kamu, aken talaga.

Mateo 14:27

Miyampang nga lagi si Jesus, nga magꞌaat, “Ayaw kamut iꞌlam. Si Jesus aku naga bayni. Paksegen mi lamang i nakem mi.”

Marcos 10:51

Maat ni Jesus it kanya, “Unuy ireg mu nga buwaten kut imu?” “Agalen, abaa, ireg ku baꞌ magkalteg aku!” tubag it beleg ngayti.

Lucas 10:41

Temed tiyubag kanya it Ampuꞌan ngayti nga si Jesus, nga magꞌaat, “Marta, Marta, daꞌka na magkabaraꞌan ka dakel nga mga bagay i magkasasawan mu.

Juan 1:38

Limningaw si Jesus baw lintegan yay duwa ngayting magdadasun it kanya. Iningkut ya sira, “Paꞌunu kamuytu? Subuk may pagtulusun mi.” Timnubag sira, “Tabiꞌ it imu, Manigtulduꞌ, ari pagꞌiꞌistaran mu?”

Juan 1:49

“Aa bilaꞌ,” maat siꞌ ni Natanael, “Manigtulduꞌ, in atkayan palan, matuud nga ikaw i Anak it Ampuꞌang Diyus! Ikaw talagay Adiꞌ it bangsa nga Israel!”

Juan 10:3

Pagpasleden kanya it guwardiya it puwirtaꞌan, baw pagpapagnegan nga pirmi it mga tupa i gaꞌmaran ya. Saꞌnulun yay sadiling mga tupa it ingaranen ya, ka ipaliꞌwan ya sira duꞌut antur.

Juan 11:28

Pagkaꞌampang kayti ni Marta, nagpaꞌuliꞌ na kanya duꞌut balay. Sininyasan ya si Maria bawnga kinidem-kideman ya nga magꞌaat, “Miyabut nay Manigtulduꞌ. Pagpaꞌaduꞌunun ka.”

Juan 13:13

Pagtaꞌwagen mi aku nga Manigtulduꞌ baw Ampuꞌan. Tamaꞌ yan i panaꞌwag mi ngayat aken, ka talagang matuud.

Juan 20:28

Yanay seked it naꞌampang ni Tomas, maat ya, “Ampuꞌan ku, Ampuꞌang Diyus ku!”

Juan 3:2

Kaꞌsang delem nanungbalay kanya duꞌut ki Jesus. Maat ya, “Manigtulduꞌ, magkaꞌrutan namen nga esa ka nga Manigtulduꞌ nga ipiyatindeg it Ampuꞌang Diyus, sabap egay magkabwat it mga kalililuꞌang bagay nga subuk imu nga pamagbuwaten, in daꞌga pagtabangen kanyat Ampuꞌang Diyus.”

Juan 5:2

Duꞌun it iting siyudad, adeꞌdeng duꞌun it pagpangaranan it Puwirtaꞌan it mga Tupa, may dakulaꞌ nga ipiyaldung nga danum. Pangaran it itiꞌen kat Hinebreo, Betesda. Lima i mga pagꞌaꞌatpan kat linibut ya.

Juan 6:25

Naparagan nira si Jesus duꞌun it sang dipag it lapnaw ngayti. Pagkaparag nira, iningkut nira nga magꞌaat, “Manigtulduꞌ, kaꞌnuy pagꞌabut mu situ?”

Mga Binwat 10:3

Kaꞌsang aldaw nga mga kabaling alaid, lamang ega magꞌigaꞌ kanya, subung kanyat magpanagaynep. Maꞌyag nga naltegan ya i esang anghil it Ampuꞌang Diyus nga miyabut duꞌut kanya baw miyampang. Maat ya, “Cornelio!”

Mga Binwat 9:4

Simnuꞌsub nga lagi kanya duꞌut lugtaꞌ bawnga may nagnegan ya nga esang gaꞌmaran nga magpakisugid it kanya, nga magꞌaat, “Saulo, Saulo, unuka atkaytuy buwat mu nga pagpakuriꞌan mu aku?”

1 Samuel 3:10

Nagpaꞌadeꞌdeng nay AMPUꞌANG DIYUS duꞌun it ki Samuel, bawnga tiyaꞌwagan ya siꞌ. Munaꞌaw na ngayti ni Eli i itiyubag ni Samuel. Maat ya, “Mampang ka lamang, AMPUꞌANG DIYUS. Magpapagneg aku na bayning manigsirbi mu.”

1 Samuel 3:6

Tiyaꞌwagan siꞌ kanyat sumaꞌup it AMPUꞌANG DIYUS. Nagbangun siꞌ si Samuel, naꞌaduꞌun siꞌ it ki Eli. “Unu bayan?” maat ya. “Pagtaꞌwagan mu aku.” Maat siꞌ i tubag ni Eli, “Ega bayan pagtaꞌwagan ku ikaw, anak. Ayaw kat pasasaw it igaꞌ mu.”