Juan 2:7 - Tagbanwa

⁷ Singkat ni Jesus i mga katabang ngayti. Maat ya, “Pangipnuꞌun mit danum i mga tapayan ngaytu.” Egay beken, inalinan nirat seked it mamaglimiꞌ-limiꞌ.

Juan 2:7 Iomraidhean Croise

1 Mga Adiꞌ 17:13

Mampang siꞌ si Elias ngayti, maat ya, “Ayaw kat palibeg it pikir mu. Muliꞌ ka na ka buwaten mu nay paꞌaaten mu ngayan. Temed uꞌnaen mu daꞌan it milutuꞌ i makaꞌen ku nga maski sang dekeyeꞌ lamang nga tina-tinapay. Isunud mu mana nga ilutuꞌun i imyung kaꞌnen.

Juan 2:3

Iyan kimnurang nay pagꞌimnun it mga magsadu ngayti, inaat si Jesus it inaꞌ ya, “Kimnurang nay pagꞌimnun nira.”

Juan 2:5

Inaat it inaꞌ ngayti ni Jesus i mga manigtarakan, “Iyan buwaten mi i kumpur iꞌaat yat imyu nga buwaten.”

Juan 2:6

May duꞌun nga enem nga katapayanan nga tagduwa u tulung puluꞌ nga galun i danum nga magkabtang. Magbebtang nga danum, ipagꞌugas it alima kat kaꞌugaliꞌan nira nga mga Judio nga paglimpiyuꞌ.

Juan 2:8

Iyan napnuꞌ na nga muꞌsa, maat siꞌ ni Jesus, “Sigi, sumaklut kamu asat mga tapayan ngayan ka tabanen mi duꞌun it magpamaalaꞌ it pagsadu ngaytu.” Siyunud niray inaat ngayti.