Juan 2:4 - Tagbanwa

⁴ Katubag si Jesus, maat ya, “Tabiꞌ it imu, aku na bay baalaꞌ kayan. Magayen ega panguꞌnaan mu aku kat buwaten ku ka ega paꞌ naꞌbut i tamaꞌ nga timpu.”

Juan 2:4 Iomraidhean Croise

1 Mga Adiꞌ 17:18

Kaꞌampang i babay ngayti, maat yat ki Elias, “Unu nay naꞌisgan mut aken, manigsirbi it Ampuꞌang Diyus? Siguru yay inasitu mu, isaꞌun nga irapar mut aken i mga kasalaꞌan ku baw isaꞌun matay i anak ku ngaytu.”

Mateo 15:28

Pagkagneg ni Jesus, maat yat babay ngayti, “Talagang dakulaꞌ i pamayaꞌ mut aken. Maꞌimu i kaꞌilangan mu ngayan.” Kat iti nagang uras, gimnayen nga matuud i anak ya ngayti.

Mateo 8:29

Gimnaꞌuy nga lagi sira, nga magꞌaat, “Unuy lalabeten mut amen, ikaw nga Anak it Ampuꞌang Diyus? Unuy inasitu mu, pakuriꞌan kami na it ega paꞌ naꞌbut i ipiyabetang-betang nga timpu it pangukuman?”

Lucas 2:49

Katubag si Jesus, nga maat ya, “Inaꞌ, unuka pagtulusun mi aku? Unu, daꞌga naꞌrutan mi nga kaꞌilangan situ aku it balay ngaytut Amaꞌ ku?”

Juan 12:23

Katubag si Jesus, nga maat ya, “Naꞌbut nay timpu nga makapaliꞌwan nay kabantugan it Taga Langit nga Ipiyanganak it Taw.

Juan 13:1

Naꞌbut nay papuꞌun na it Pistaꞌ ngaytit Tiyaꞌliban. Si Jesus ngayti, magkaꞌrutan ya nang lagi nga naꞌbut nay timpu nga ilꞌid ya situt banwa ngaytu, ka muliꞌ na duꞌun it Amaꞌ ya. Talagang pagmaꞌalen yay mga alagad ya nga situt banwa ngaytu. Ta kayti, ipiyalteg ya na in sang unuy kadakulat pagmaꞌal ya ngayti it kanira.

Juan 2:3

Iyan kimnurang nay pagꞌimnun it mga magsadu ngayti, inaat si Jesus it inaꞌ ya, “Kimnurang nay pagꞌimnun nira.”

Juan 20:13

Miyampang sira nga ingkut nirat ki Maria, maat nira, “Edeꞌ, unuy magkasgawan mu?” Katubag si Maria, maat ya, “Pinsiꞌ nira bay Ampuꞌan ku. Taꞌway in ari nay tiyabanan nira.”

Juan 20:15

Iningkut kanya ni Jesus, “Unuy magkasgawan mu? Siyuy pagtulusun mu?” Tanud ni Maria, iti, manigꞌarigra it kalulwakan ngayti. Aypaꞌ maat ya, “Amay, tabiꞌ it imu, in beteꞌ ikaw i minsiꞌ it kanya, itulduꞌ mut aken in ari tiyabanan mu, ka pisiꞌen ku naga.”

Juan 7:30

Pagkagneg it mga taw ngayti, pagkudakpen nira si Jesus, temed ega naga nabwat nira, sabap ega paꞌ miyabut i ipiyabetang-betang nga timpu.

Juan 7:6

Maat i tubag ni Jesus it kanira, “Ega paꞌ kayti i ibinggay it aken nga iꞌaduꞌun. Iyan imyu, maski unu nga timpu mapakay nga paꞌaduꞌun kamu.

Juan 7:8

Muꞌna kamu nay pakipistaꞌ. Aken, ega na daꞌan, ka subung nat inaat ku, ega paꞌ kayti i ibinggay it aken nga timpu.”

Juan 8:20

Mga itu ngaytu, inampang ni Jesus iyan magpanulduꞌ kanya duꞌun it esang bagiꞌ it Templo nga duꞌun manggid it adeꞌdeng it mga berebtangan it bilang ipagbegay it mga taw duꞌun it Ampuꞌang Diyus. Temed ega naga diyakep kanya it maski siyu, ka ega paꞌ naꞌbut i ipiyabetang-betang nga timpu.

2 Corinto 5:16

Aypaꞌ kayti, ega na ipagpabetang namen nga magayen u ega i maski siyu in sabap lamang it mga kat liꞌwan nga bagay nga magkaltegan. Sabagay tagnaꞌ atkayan naga i pabetang ku it ki Cristo. Temed kayti, talagang ega na atkayan.