Juan 2:21 - Tagbanwa

²¹ Temed iyan inaat ngaytu ni Jesus nga balay, sadili yang bilug i pagpaꞌiguꞌan ya.

Juan 2:21 Iomraidhean Croise

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 2:22

Aypaꞌ ka pagꞌegen ni Jesus it paꞌuliꞌ, nademdeman it mga alagad ya ngayti i iti nga inampang ya. Duꞌun sira namayaꞌ nga banar it mga magbebtang duꞌun it mga kasuratang ampang it Ampuꞌang Diyus baw mga inampang gasiꞌ ni Jesus.

1 Corinto 3:16

Unuytu, ega magkaꞌrutan mi nga, kamu, bilang ega basta-bastang balay nga pagtataꞌidan it Ampuꞌang Diyus, ka magsasarum na asat imyu i Espiritu Santo ya?

1 Corinto 6:19

Unu, ega paꞌ magkaꞌrutan mi nga bilug mi, kabilangan ya, ega basta-bastang balay nga pagtataꞌidan it Espiritu Santo nga ipiyapasarum it Ampuꞌang Diyus? Aypaꞌ talagang ega nayan imyu i bilug mi in daꞌga, kat Ampuꞌang Diyus na.

2 Corinto 6:16

Unuytu, egay piyagbelagan it papagsambaang balay it Ampuꞌang Diyus baw papagsambaang balay it pagbete-beteꞌen nga diyus? Talagang dakulay piyagbelagan ya. Ka kita ngaytu i bilang balay it Ampuꞌang Diyus nga talagang egen it egay kaskedan, ka daꞌga baꞌ kanya naga i nagꞌaat, “Manaꞌidan aku duꞌut kanira baw mangaꞌgenan aku nga maꞌiba-iba nira nga pirmi. Aku na i Ampuꞌang Diyus nga sirbiyan nira, baw sira, buwaten ku na nga taawan ku.”

Colosas 1:19

Sabap yay ipiyabetang-betang it Ampuꞌang Diyus nga in magꞌuꞌunu i pagkaDiyus ya, maltegan kat Anak ya nga si Jesus. Aypaꞌ atkayan naga talaga i pagkaDiyus ni Jesus ngaytu.

Colosas 2:9

Ka si Cristo ngaytu, egay piyagbelagan it pagkaDiyus ya baw pagkaDiyus it Ampuꞌang Diyus, sabap sang kagina-ginawaan sira. Lamang piyabilugan i kanya.

Hebreo 8:2

Magbuwat kanyat buwat it Piyakamataꞌas nga Sasirduti duꞌun it matuud nga papagsambaan nga duꞌut langit, nga ega taw lamang i nagbuwat in daꞌga talagang Ampuꞌang Diyus.