Juan 2:20 - Tagbanwa

²⁰ “Unu,” maat i mga Judio ngayti, “ipaꞌuliꞌnan mu it tulung aldaw lamang it beteꞌ epat nga puluꞌ baw enem baytung taꞌun i kaꞌlay it binwatan bawnga naꞌman i balay ngaytu nga papagsambaan?”

Juan 2:20 Iomraidhean Croise

Mateo 24:1

Nanliꞌwan na si Jesus duꞌun it Templo. Iyan magpapanaw na kanya, nagpatpad i mga alagad ya baw itiyulduꞌ it kanya i kagayen it mga kabalayan it Templo ngayti.

Lucas 21:5

Pamagrundingen it beken nga mga alagad i Templo ngayti, mga ega basta-bastang lininuꞌ nga batu nga giyamit baw mga ipiyagpabakas nga begay-matag it katataawan duꞌun it Ampuꞌang Diyus.

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

1 Corinto 15:4

Kat pagtuman naga it mga isiyurat ngaytu, ilimbeng kanya baw inggen it paꞌuliꞌ pagꞌikatlung aldaw.