Juan 2:16 - Tagbanwa

¹⁶ Bawnga inlep yay mga magpaꞌalang ngayti it kalapatiꞌ. Maat yat kanira, “Pangawaꞌen mi gasiꞌ situ i imyu ngaytung mga dagangan! Ega buwaten mi nga papagtindaan i balay ngaytut Amaꞌ ku!”

Juan 2:16 Iomraidhean Croise

Mateo 21:12

Siminled si Jesus duꞌun it Templo. Piyangimugaw yay mga manigpaꞌalang baw mamagpangalang nga duꞌun it piyakakamaꞌyagan ya. Baw ipiyamagpakleb yay mga lamisaan it mga maniggantit pirak baw mga araꞌdungan it mga manigpaꞌalang it kalapatiꞌ.

Mateo 21:13

Maat ya it kanira, “Magbebtang duꞌun it isiyurat nga ampang it Ampuꞌang Diyus, ‘Iyan balay ku nga pagsambaan it aken, taꞌwagen nga balay nga papanalanginan.’ Temed binwat mi na nga pugad nat mga mananakaw!”

Mateo 22:5

Temed belag gay daeng-daeng it mga inimbitar ngayti. Daꞌsira nagpasasaw it kanya-kanyang kupanawun. Sang kataawan naꞌaduꞌut uma. Iyan sang kataawan, simnarunga it pagdagang ya.

Marcos 11:17

Bawnga nanulduꞌ kanya it mga taw nga maat ya, “Daꞌga baꞌ magbebtang duꞌun it isiyurat nga ampang it Ampuꞌang Diyus, nga magꞌaat, ‘Iyan balay ku nga pagsambaan it aken, taꞌwagen nga balay nga papanalanginan it muꞌsang bangsa.’ Temed binwat mi na nga pugad nat mga mananakaw!”

Lucas 2:49

Katubag si Jesus, nga maat ya, “Inaꞌ, unuka pagtulusun mi aku? Unu, daꞌga naꞌrutan mi nga kaꞌilangan situ aku it balay ngaytut Amaꞌ ku?”

Juan 10:29

Ka iyan Amaꞌ ku nga minggay it kanira situt aken, landaw kanya nga gunaan, nga egay kasbung. Talagang daꞌsira maꞌagaw it maski siyu duꞌun it Amaꞌ ku.

Juan 2:15

Binwat ni Jesus, miyanu it lubid nga binwat yang riripdas. Piyangimugaw ya i mga manigdagang ngayti baw idiyedeg ya duꞌut liꞌwan i mga tupa baw mga bakaꞌ. Ipiyanangkup yay mga pirak baw ipiyamagpakleb yay mga lamisaan it mga manigganti ngayti.

Juan 20:17

“Ega na daꞌan sumari kat sekel it aken, ka daꞌku paꞌ nakaꞌuliꞌ duꞌun it Amaꞌ. Iyan i buwaten mu kayti, paꞌaduꞌun kat mga alagad ku nga ipagpabetang ku na nga mga sulsug ku baw isugid mut kanira nga muliꞌ aku na duꞌun it Amaꞌ ku, nga Amaꞌ mi gasiꞌ, duꞌun it Ampuꞌang Diyus ku nga Ampuꞌang Diyus mi gasiꞌ.”

Juan 5:17

Ta it atkayti, inaat sira ni Jesus, “Iyan Amaꞌ ku, sigi nga buwat nga pangildaw. Ta atkayan naga i aken.”

Juan 8:49

“Daꞌku baytu pagpapulpugun it maraꞌe-raꞌet,” maat ni Jesus ngayti. “Paggalangen ku talagay Amaꞌ ku, temed kamu, egay galang mit aken.

1 Timoteo 6:5

Mga taw ngaytu, pirmi na nga magpakidaꞌeg ka karaꞌe-raꞌetan nay nakapnuꞌ it pikir nira. Talagang naꞌlam nat kanira i kamatuudan. Pananu-tanud nira, pagsunud nirat Ampuꞌang Diyus, panulus nga ipagmanggad.

2 Pedro 2:3

Ta it maꞌingarum talagay mga manigpangadal ngayti, kat biyuwat-buwat lamang ngayting sugi-sugid nira nga purus kaꞌambutan, buwaten nira kamu nga desang papanulusan. Temed yay matuud, garing it tagnaꞌ paꞌ magꞌaꞌareg nga lagi i ipiyabetang-betang nga ukuman nga mabeꞌgat. Talagang egay pagduwa-duwa nga daꞌsira abutun it panriga.