Juan 2:10 - Tagbanwa

¹⁰ Maat ya, “Subuk yay pirmi, iꞌuꞌnat paꞌinum i pirmira nga pagꞌimnun. In dakulaꞌ nay naꞌinum it katataawan, bawnga ipaliꞌwan i ega pirmira. Temed kayti, biyaliswaꞌ mu, ka ipiyasauryan mu manay pirmira ngaytung pagꞌimnun.”

Juan 2:10 Iomraidhean Croise

Genesis 43:34

Duꞌut lamisaan ngayti ni Jose it kanya i pagpisiꞌan it mga pagsedaꞌ nga ipagduꞌut kanira. Limang dubli i kadakulaꞌ it pagsedaꞌ nga ipagduꞌun it ki Benjamin ngayti. Masasagya sirang mamagkaꞌen baw mamagꞌinum.

Mateo 24:49

Ta, sariyan ya nat pasakit i mga ipiyagkaꞌuripen ya. Sumari nat palaꞌuk it in unu-unu nga pagkaraꞌnen, pakiꞌinum na duꞌun it mga baraꞌinum.

Lucas 12:45

Temed in beteꞌ maraꞌe-raꞌet i adat it uripen ngayti, yay kat nakem ya, ‘Siguru maꞌlay baytuy iꞌuliꞌ it agalen ku ngaytu.’ Ta, buwaten ya, sariyan ya nat pasakit i mga ipiyagkaꞌuripen ya, babay, lalaki. Baw ega nay beken nga buwat ya, magkaꞌen na lamang baw magpalangu.

Lucas 16:25

Temed maat gay itiyubag ni Abraham, ‘Dunguꞌ, yay demdemen mu, pangaꞌgenan mu it duꞌun pat sinirungat langit, nga nagpasamunsayaꞌ ka na. Ki Lazaro ngaytu, dakulang kakuriꞌan i liyabay ya. Temed kayti, pagbanga-bangayen nat kanya sini. Ikaw siꞌ i maglabay it ega basta-bastang kakuriꞌan.

Mga Binwat 2:15

Kami ngaytu, egaytu mamaglangu nga subuk tandes it beken. Unuy ilangu namen it padali-daliꞌ it kadedelman paytu?

1 Corinto 11:21

in daꞌga sadili mi lamang nga kaꞌirgan i pagpikiren. Sabap iyan beken, magꞌuꞌna-uꞌna nat kumaꞌen baw inum nga daꞌna magdenga-denganen, kaꞌen baw inum nga daꞌna pagpatngen. Aypaꞌ mamaglangu nay beken, iyan beken pamaggetmanan.

Efeso 5:18

Raꞌwayen mi nay adat nga palangu, ka iyan i magtaban it imyu kat pangaꞌgenang ega nay kaꞌayusan. Kaꞌilangan ega na irimnun i magbebegbeg baw magpanakem it imyu, in daꞌga Espiritu Santo na.

1 Tesalonica 5:7

Ka daꞌga baꞌ in delemen, uras nga ipagꞌigaꞌ it katataawan baw ipagpalangu?

Mga Ipiyalteg 17:2

Talagang mga adiꞌ baw mga katataawan kat sinirungat langit, nagpadura-duraꞌit nang banar it adat ya ngaytung maraꞌway.”

Mga Ipiyalteg 17:6

Naltegan ku nga maglalangu i babay ngayti. Iliyangu ya, duguꞌ it mga taawan it Ampuꞌang Diyus, mga taw nga inimatay sabap it panindeg baw pamayaꞌ nirat ki Jesus. Pagkalteg kut kanya ngaytu, naliluꞌ aku talaga.