Juan 19:40 - Tagbanwa

⁴⁰ Pagkapisiꞌ nirat bilug ni Jesus, binwat nira, biyuꞌtungan it mga rambay nga pirmira nga abel. Magbuꞌtung magdaprus it babangluun, ka yay adat it mga Judio parabir ilbeng i miyatay.

Juan 19:40 Iomraidhean Croise

Genesis 50:2

Bawnga isingkat ya it mga manigꞌubaꞌubat ya nga balsamuun i miyatay ngayti nga amaꞌ ya nga si Israel. Aypaꞌ biyalsamu nira i bilug it miyatay ngayti.

Mateo 26:12

Ka biyuꞌbuꞌan ya na nga lagi i bilug ku it babangluun nga bilang pagꞌayusun yang lagi i panlebeng it aken.

Marcos 14:8

Kanya ngaytu, binwat ya nay kanya nga kaya. Ka biyuꞌbuꞌan ya na nga lagi i bilug ku it babangluun nga bilang pagꞌayusun ya nga lagi i parabir aku ilbeng.

Lucas 24:12

Lamang daꞌsira ngayti magpakimatuud, magpapalagyu nga napanaw si Pedro nga naꞌaduꞌun it lebeng ngayti. Pagꞌabut ya, miyurkuꞌ ka siniꞌlig yay duꞌut seled. Yamanay naltegan ya duꞌun, mga rambay mana ngayti nga ibiyuꞌtung it bilug ni Jesus. Aypaꞌ ka miyuliꞌ kanya it naliluꞌan ya i iti ngayting nagꞌabut.

Juan 11:44

Egay beken, nanliꞌwan si Lazaro ngayti, pagbebedbedan nagat rambay i aꞌay baw alima ya, nga adat nira in ipaglebeng, baw pagbebegkesan nagat lages i rupa ya. Maat ni Jesus it kanira, “Pangawaꞌen mi i muꞌsa ngayan asat bilug ya, isaꞌun ega nay lesa-lesa ya.”

Juan 12:7

Tubagen kanya ni Jesus, nga magꞌaat, “Pataꞌnan mu kanya. Pagbuwaten ya ngaytu, paꞌareg ya nat ilbeng aku.

Mga Binwat 5:6

Binwat it mga kamangaꞌwaꞌan duꞌun, biyuꞌtungan niray miyatay ngayti bawnga pinirisiꞌen ka ilbeng.