Juan 19:4 - Tagbanwa

⁴ Nanliꞌwan siꞌ si Pilato it sumaꞌup baw maat ya siꞌ it mga Judio ngayti, “Kayti, ipaꞌadap ku kanya it imyu isaꞌun maꞌrutan mi nga ega talagay magkaparagan ku nga kasalaꞌan ya.”

Juan 19:4 Iomraidhean Croise

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”

Mateo 27:24

Iyan namuyaan ni Pilato nga egay magkabwat ya, in daꞌga subraꞌ nang magkagulu i mga taw ngayti, nagpapisiꞌ kanyat danum bawnga nangugas kanya it alima ya duꞌun it sarungaan it kadakel ngayti. Miyampang kanya nga magꞌaat, “Limpiyuꞌ nay aken nga alima. Iyan egay aken nga uyu-uyut it kamataynen it itung taw. Baalaꞌ kamu!”

Mateo 27:4

Maat ya, “Talagang nagkasalaꞌan aku. Idiyagang ku kat kamataynen i taw nga egay kakasalaꞌan.” “Aaꞌ, unuy labe-labet namen kayan? Baalaꞌ ka,” maat i tubag nira.

Mateo 27:54

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Lucas 23:4

Pagkagneg ni Pilato, inaat yay mga pagbayaꞌen ngaytit sasirduti baw magbabayat kanira nga mga taw, “Egay magkaꞌanuꞌan ku nga kasalaꞌan nga binwat it itung taw.”

Lucas 23:41

Talagang bagay it aten nga duwa i ukuman ngaytu nga panriga sabap duꞌun it mga nabwat ta, temed in kat itung taw, ega talagay maraꞌe-raꞌet nga nabwat ya.”

Lucas 23:47

Pagkamuya it kapitan it mga sundaluꞌ it iti nga mga biyaraꞌan, biyantug yay Ampuꞌang Diyus, nga magꞌaat, “Matuud talaga nga mataldeng i itung taw.”

Juan 18:33

Ta it atkayti, siminled si Pilato bawnga tiyaꞌwagan ya si Jesus. Iningkut ya nga magꞌaat, “Unu, Adiꞌ ka it mga Judio?”

Juan 18:38

“Ay unu talaga bay kamatuudan?” ingkut ni Pilato ngayti. “Egay magkaꞌrut it in unuy kamatuudan nga paꞌaaten.” Pagkaꞌampang ni Pilato ngayti, nanliꞌwan siꞌ kanya bawnga inaat ya siꞌ i mga Judio, “Egay magkaꞌanuꞌan ku nga kasalaꞌan it taw ngayti.

Juan 19:6

Pagkalteg it kanya it mga pagbayaꞌen ngaytit mga sasirduti baw mga guwardiya ngayti, igiyaꞌuy nira na nga magꞌaat, “Iransang kanya duꞌun it krus! Iransang kanya duꞌun it krus!” Tubagen sira ni Pilato, “Tabanen mi na kanya! Baalaꞌ kamu paransang! Ka talagang egay magkaparagan ku nga kasalaꞌan ya.”

2 Corinto 5:21

Ka, maski egay kakasalaꞌan ni Cristo, ipiyabetang kanya it Ampuꞌang Diyus nga makasalaꞌan sabap it aten nga mga taw, isaꞌun mapakay nga ipabetang ya kita nga mataldeng kat panleteg ya sabap it kamataynen ni Cristo ngayti.

Hebreo 7:26

Kanya i Piyakamataꞌas nga Sasirduti nga bagay talaga it aten nga kaꞌilangan. Ka alaid nga pirmi i nakem ya kat muꞌsang kasalaꞌan. Ega talagay karaꞌe-raꞌetan nga magpangbit kat nakem ya, baw egay maski unu nga magkaꞌiway it kanya. Dakulay piyagbelagan it kanya baw aten nga makasalaꞌan baw kayti, binggayan na kanyat Ampuꞌang Diyus it piyakamataꞌas nga pudir duꞌun it langit.

1 Pedro 1:19

In daꞌga iyan ega basta-bastang duguꞌ ni Cristo nga ipiyaturuꞌ ya, yay ikiyaliꞌwan mi. Ka kabilangan ya, isiyalisi nga uꞌuybun it tupa nga egay maski unu nga rindi it bilug.

1 Pedro 2:22

Ega talagay maski unu nga kasalaꞌan nga binwat ni Cristo. Maski ampang nga aꞌakal, talagang egay namuyaan duꞌut kanya.

1 Pedro 3:18

Subung it ki Cristo nga, maski egay kakasalaꞌan ya, temed piyakuriꞌan kanya nga inimatay sabap it aten nga makasalaꞌan. Kat kaꞌsa lamang ngayti nga binwat ya tiyanggung yay kasalaꞌan tami isaꞌun makapaꞌuliꞌ ya tami duꞌun it Ampuꞌang Diyus. Natay talagay bilug ya temed inggen naga kanya it guna it Espiritu Santo.

1 Juan 3:5

Magkaꞌrutan mi nga piyalampud na pasiꞌ si Jesu-Cristo situt banwa isaꞌun matanggung ya nay mga kasalaꞌan ta. Baw kanya, talagang egay kakasalaꞌan.