Juan 19:39 - Tagbanwa

³⁹ Inibaan kanya ni Nicodemo, nga magtataban it dakulang babangluun, subrat tulung puluꞌ nga kilu. Yanagayting taw i naꞌaduꞌut ki Jesus nga tiyaka-takaꞌ yay delemen.

Juan 19:39 Iomraidhean Croise

Genesis 50:2

Bawnga isingkat ya it mga manigꞌubaꞌubat ya nga balsamuun i miyatay ngayti nga amaꞌ ya nga si Israel. Aypaꞌ biyalsamu nira i bilug it miyatay ngayti.

Mateo 12:20

Ega luꞌtasen yat mungguꞌ i kubunggu-bungguꞌ na, u parngen ya i magkedyep-kedyep mana nga tidaw, in daꞌga sanguꞌan baw tabangen yay mga kaꞌildaw-ildaw nga malubay i pamayaꞌ. Muꞌsa ngaytu, buwaten ya seked it itu, kataldengan ngaytu, ipandaꞌeg ya nga banar.

Mateo 19:30

Temed yay matuud, dakel i mataꞌas kayti kat pabetang it taw, nga baraꞌan nira raꞌyat pagꞌabut it iting aldaw. Baw dakel sira kayti nga raꞌyat lamang kat pabetang it taw, temed baraꞌan nira mataꞌas duꞌun it kaꞌadiꞌan it Ampuꞌang Diyus.”

Mateo 2:11

Pagkasled nira duꞌut balay ngayti, naltegan nira i waꞌwaꞌ nga pagsasakbutun it inaꞌ ya nga si Maria. Siyamba nira kanya it magtetꞌem i rupa duꞌun it daꞌtag. Bawnga inukad nira nay mga marerga nga taban nira nga bulawan, pirmirang kamangyan baw marga nga babangluun nga mira, nga ibgay nirat waꞌwaꞌ ngayti.

Marcos 16:1

Pagkasdep it aldaw it Aldaw ngaytit Kapaꞌnaan, si Maria Magdalena, si Maria nga inaꞌ ni Santiago, baw si Salome, miyalang sira it babangluun ka buꞌbuꞌan niray bilug ni Jesus.

Juan 12:3

Binwat ni Maria, minsiꞌ it piyakamarga na nga babangluun ka pirmira, balit mga duwang basu. Ibiyuꞌbuꞌ ya duꞌun it mga aꞌay ni Jesus. Pagkabuꞌbuꞌ ya, tiyarapuwan yat buꞌuk ya. Nanlekep nat seled it balay i banglut babangluun ngayti.

Juan 12:7

Tubagen kanya ni Jesus, nga magꞌaat, “Pataꞌnan mu kanya. Pagbuwaten ya ngaytu, paꞌareg ya nat ilbeng aku.