Juan 19:24 - Tagbanwa

²⁴ Namagrunding i mga sundaluꞌ ngayti, maat nira, “Ega rasiken tami i ituꞌun. Magpintuꞌan tami isaꞌun maꞌrutan ta in siyuy makasadili kaytu.” Nagꞌabut i atkayti ngayti isaꞌun matuman i magbebtang duꞌun it kasuratang ampang it Ampuꞌang Diyus, nga magꞌaat, “Biyagiꞌ-bagiꞌ nira i pakayan ku, baw sangbat gasing pakayan ku, piyagpintuꞌanan nira.” Atkayti nga matuud i binwat it mga sundaluꞌ ngayti.

Juan 19:24 Iomraidhean Croise

Juan 19:28

Naꞌrutan na ni Jesus nga natuman nay muꞌsang bagay nga itiyaꞌeg it kanya. Bawnga, isaꞌun matuman i magbebtang duꞌut kasuratan, miyaat kanya, “Kuꞌinum aku.”

Mga Binwat 13:27

Sira nga magtataꞌid duꞌut Jerusalem, pati mga pagbayaꞌen nira, ega inabut it pikiran nira nga si Jesus na ngaytuy Manriribri. Maski pagbasaen niray isiyurat it mga prupitaꞌ it kada matingped sira duꞌun it papagsambaan, ega natantuwan nira nga si Jesus naga i pagpapuntuꞌan it ampang ngayti nga pagbasaen. Temed ta, natuman nira talagay magbebtang duꞌun ka inukumanan nira si Jesus ngayti it kamataynen.

Juan 10:35

Mga diyus i panaꞌwag it Ampuꞌang Diyus, duꞌut kasuratan ngayti, it mga taw nga pagpakarguꞌan yat mga ampang ya. Talagang basta inaat it kasuratan, egay kalipasan ya. Ega mapakay nga baliwalaꞌen i paꞌaaten ya.

Mateo 27:35

Iyan nakaransang na nira duꞌut krus si Jesus, piyagbagiꞌ-bagiꞌan nira i pakayan ya, pagkatiwas it pagpintuꞌan nira.

Marcos 15:24

Egay beken, iriyansang na nira duꞌun it krus si Jesus ngayti. Bawnga binwat nira, piyagbagiꞌ-bagiꞌan nira i pakayan ya, pagkatiwas it pagpintuꞌan nira isaꞌun maꞌrutan in ari manggid i makaꞌaduꞌun it sang kataawan.

Lucas 23:34

Sakaliꞌ nga miyampang si Jesus. Maat ya, “Amaꞌ, pasinsiyaen mu naga sira, ka egaytu magkaꞌrutan niray pagbuwaten nira ngaytu.” Bawnga binwat it mga sundaluꞌ ngayti, namagpintuꞌan sira ka piyagbagiꞌ-bagiꞌan nira i pakayan ya.

Juan 13:18

Inaat paꞌ ni Jesus, “Egaytu kamu nga muꞌsa i pagpaꞌiguꞌan ku it pagꞌaaten ku ngaytu nga makasagya kamu, sabap magkakilalaan ku in unu nga mga taw i mga piniliꞌ ku. Temed atkaytuytu i piniliꞌ ku ka isaꞌun matuman i magbebtang duꞌun it kasuratang ampang it Ampuꞌang Diyus nga magꞌaat, ‘Karaꞌe-raꞌetan i itiyumbas it aken it taw nga siyakep kut pangaꞌen ku.’