Juan 19:18 - Tagbanwa

¹⁸ Pagꞌabut duꞌun, iriyansang na kanya duꞌun it krus. May duwang kataawan nga kadengan yat iriyansang. Piyatindegan, esay ayun duꞌut iwanan ya, esa ayun kat gibang ya. Ki Jesus ngayti i duꞌut tengaꞌ.

Juan 19:18 Iomraidhean Croise

Isaias 53:12

Aypaꞌ kilalaen ku kanya nga mabantug baw bagiꞌ-bagiꞌen ya it mga kaꞌibaan ya nga makekseg i riyangpasan ya. Sabap ibinggay matag ya i sadili ya, maski ikiyagtas nat ginawa ya. Ipiyabetang kanya nga kaꞌuyutan it mga mamagbuwat it karaꞌe-raꞌetan, ka kanya na i timnanggung it kasalaꞌan it dakel nga pagtaw. Baw ipiyanalangin ya paꞌ nga pasinsiyaen na i mga makasalaꞌan.”

Mateo 27:44

Sigi gasiꞌ nga regda-regda it kanya it duwa ngayting mga manigpanrangpas nga kadengan yat iriyansang.

Juan 18:32

Atkayti ka isaꞌun matuman i ipiyagꞌaat ni Jesus pasar it pabetang-betang it kamataynen ya.

Juan 19:32

Ipiyalugut ni Pilato, aypaꞌ piyamariꞌ it mga sundaluꞌ i mga aꞌay it duwa ngayting kaꞌibaan ni Jesus.

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.

Galacia 3:13

Temed kayti, ipiyagribri ta na ni Cristo kat panriga it Ampuꞌang Diyus, panriga yat mga ega ngaytu magkasunud it kaꞌustuꞌan i mga urdin. Ka imbis kita, si Cristo ngaytu i riniga it Ampuꞌang Diyus sabap it kasalaꞌan tami, subung nagat magsusurat nga magꞌaat, “Siyu-siyu nga pangimatay it kanya, ipaggantung duꞌun it kayu nga ipagrugsuk, naꞌiguꞌ it isiyumpa it Ampuꞌang Diyus nga panriga.”

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.