Juan 19:17 - Tagbanwa

¹⁷ Manliꞌwan si Jesus duꞌut siyudad ngayti, pagpapasaꞌnen ya nay krus ya. Tabanen na kanya duꞌun it rugar nga pagpangaranat Rugar it Barungutan. (Golgota in kat Hinebreo.)

Juan 19:17 Iomraidhean Croise

Genesis 22:6

Ipiyapasaꞌan ni Abraham it ki Isaac i kayu ngayting iduꞌput. Kanyang singkel, apuy baw yuꞌgut. Namagpanaw na sira.

1 Mga Adiꞌ 21:13

Duꞌun nay duwa ngayting kataawan nga tiyangdanan nga paliꞌwan it kaꞌambutan. Ipiyaliꞌwan nira na nga magꞌaat, “Tinibabaꞌ baytu ni Nabat i Ampuꞌang Diyus baw adiꞌ tami.” Ta it atkayti, tiyaban nira nang matuud si Nabat ngayti duꞌun it liꞌwan it siyudad ka biyatu na. Yapaꞌ paskedan ka natay.

Mateo 10:38

Baw in siyu nga ega pasaꞌnen yay kanyang krus ka sumunud nat aken, talagang ega mapakay kanya nga taawan ku.

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Mateo 27:37

May ipiyakeꞌpel nira duꞌut dibwat it ulu ya nga pagsusuratat dimanda it kanya, nga magꞌaat, “Si Jesus tu nga Adiꞌ it mga Judio.”

Marcos 10:21

May raras nga tiyermek ni Jesus it semyek, baw inaat kanya, “May esa paꞌ nga bagay nga magkakurangan mu. Muliꞌ ka na ka ipaꞌalang muy muꞌsang kusas mu bawnga itabang mu it mga makukuriꞌ i bayad ya. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Marcos 15:26

Kat dibwat nga ayun it krus ngayti, may ipiyakpel nga pagsusuratat dimanda it kanya, nga magꞌaat, “Adiꞌ tu it mga Judio”.

Marcos 15:32

Simpri, basta maltegan tami nga maglampud na asan it krus i Cristo ngayan nga Adiꞌ it Israel, simpri mamayaꞌ tami nat kanya.” Sigi gasiꞌ nga regda-regda it kanya it mga kadengan ya ngaytit iriyansang.

Marcos 8:34

Piyapaꞌadeꞌdeng ni Jesus i mga taw baw mga alagad ya ngayti baw miyampang kanya, nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Lucas 14:27

Baw in siyu nga ega pasaꞌnen yay kanyang krus ka sumunud nat aken, talagang ega mapakay kanya nga alagad ku.

Lucas 23:26

Iyan kiyarguꞌ nat mga sundaluꞌ si Jesus baw magpanaw na nga manransang nat kanya, naragpangan niray magpapasiyudad nga esang lalaki nga pagpangaranat ki Simon nga taga Cirene. Iriyeges nira nga pasaꞌnen yay krus nga ransangan nirat ki Jesus ka mayaꞌ na kanya nga magdadasun it ki Jesus ngayti.

Lucas 23:33

Pagꞌabut nira duꞌun it esang rugar nga pagpangaranat Barungutan, iriyansang na nira si Jesus duꞌut krus, pati duwa ngayti nga mga barapakun, iriyansang na gasiꞌ. Esay kat iwanan ya nga ayun i piyatindegan, esa kat gibang ya nga ayun.

Lucas 23:38

Duꞌun it dibwa-dibwat it ulu ya, may isiyurat nga tulung kaꞌampangan i giyamit, Ginirego, Liyatin baw Hinebreo, nga magꞌaat, “Adiꞌ tu it mga Judio.”

Lucas 9:23

Bawnga may inaat ya siꞌ duꞌun it kadakel it mga taw nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yat aldaw-aldaw i sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Juan 19:13

Pagkagneg ni Pilato kayti it inaat it mga Judio ngayti, ipiyataban ya na si Jesus duꞌun sit liꞌwan. Bawnga miyadung kanya duꞌun it araꞌdungan it gubirnadur in magpangukuman, duꞌut rugar nga pagpangaranat Batu nga Kadaꞌtagan, nga kat Hinebreong ampang, Gabata.

Juan 5:2

Duꞌun it iting siyudad, adeꞌdeng duꞌun it pagpangaranan it Puwirtaꞌan it mga Tupa, may dakulaꞌ nga ipiyaldung nga danum. Pangaran it itiꞌen kat Hinebreo, Betesda. Lima i mga pagꞌaꞌatpan kat linibut ya.

Mga Binwat 7:58

Riyayak nira duꞌun it liꞌwan it siyudad ngayti bawnga biyuntalan kanyat batu seked it naꞌimatay na nira. Mga nanistigu ngayti kuntraꞌ it ki Esteban, nga mamagꞌimatay it kanya, piyamagꞌawaꞌ niray panliꞌwan nga pakayan nira ka masimber. Idiyaꞌtun nira duꞌun it sarungaan it esang taw nga pagpangaranat ki Saulo.